ວັນຈັນ, ວັນທີ 14 ຕຸລາ 2024
ຄະນະນຳ ໂຮງຮຽນທິດສະດີການເມືອງກອງທັບ ອວຍພອນທີ່ປຶກສາທູດປ້ອງກັນຊາດ ສສ ຫວຽດນາມ ປະຈຳ ສປປ ລາວ
ເວລາອອກຂ່າວ: 2024-09-10 08:59:54 | ຜູ້ຂຽນ : admin1 | ຈຳນວນຄົນເຂົ້າຊົມ: 181 | ຄວາມນິຍົມ: 
ວັນທີ 6 ກັນຍາ 2024 ນີ້, ສະຫາຍ ພັນເອກ ປອ ບຸນທັນ ຈັນທະລີມາ ຫົວໜ້າການທະຫານ ໂຮງຮຽນທິດສະດີການເມືອງກອງທັບພ້ອມດ້ວຍຄະນະ ໄດ້ນຳເອົາກະຕ່າຂອງຂວັນເຂົ້າອວຍພອນ ຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈຳ ສປປ ລາວ ເນື່ອງໃນໂອກາດວັນຊາດ ຂອງ ສສ ຫວຽດນາມ ຄົບຮອບ 79 ປີ (2 ກັນຍາ 1945-2 ກັນຍາ 2022 ), ໂດຍການຕ້ອນຮັບຂອງ ສະຫາຍ ພັນເອກ ຫງວຽນ ແມັງ ເກືອງ ຮອງຫົວໜ້າຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈຳ ສປປ ລາວ ພ້ອມດ້ວຍຄະນະ.
ສະຫາຍ ພັນເອກ ປອ ບຸນທັນ ຈັນທະລີມາ ໄດ້ຕາງໜ້າຄະນະພັກ-ຄະນະບັນຊາ, ພະນັກງານ-ນັກຮົບໃນທົ່ວໂຮງຮຽນ ສະແດງຄວາມຢື້ຢາມຖາມຂ່າວຢ່າງອົບອຸ່ນ ແລະ ຊົມເຊີນຕໍ່ຜົນງານໄຊຊະນະຂອງການນຳພັກ-ລັດ ກະຊວງປ້ອງກັນປະເທດ ສສ ຫວຽດນາມ ຕະຫຼອດ 79 ປີຜ່ານມາ, ພ້ອມທັງຍົກໃຫ້ເຫັນເຖິງມູນເຊື້ອຄວາມສາມັກຄີຮັກແພງ ລະຫວ່າງ ກອງທັບປະຊາຊົນຫວຽດນາມ ກັບ ກອງທັບປະຊາຊົນລາວ ເຊິ່ງຍາມໃດກໍໄດ້ມີການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນ ຢ່າງສະໜິດແໜ້ນ ຕະຫຼອດມາ ແລະ ກາຍເປັນມູນເຊື້ອສາຍພົວພັນຮ່ວມມືແບບພິເສດ ລະຫວ່າງ ສອງພັກ, ສອງລັດ, ປະຊາຊົນສອງຊາດ ລາວ-ຫວຽດນາມ ຍິ່ງນັບມື້ເພີ່ມພູນຄູນສ້າງ ພ້ອມກັນເສີມຂະຫຍາຍຮັກສາມູນເຊື້ອອັນດີງາມນີ້ໄວ້ໃຫ້ໝັ້ນຄົງທະນົງແກ່ນ ຊົ່ວກາລະນາ.
ໂອກາດນີ້, ສະຫາຍ ພັນເອກ ຫງວຽນ ແມັງ ເກືອງ ໄດ້ກ່າວສະແດງຄວາມຂອບໃຈຕໍ່ຄະນະພັກ-ຄະນະອຳນວຍການ ພ້ອມດ້ວຍຄະນະ ທີ່ເຫັນໄດ້ຄວາມໝາຍຄວາມສຳຄັນ ແລະ ເຂົ້າມາອວຍພອນໃນຄັ້ງນີ້, ທັງເປັນການສືບຕໍ່ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ, ສອງກອງທັບ ຫວຽດນາມ-ລາວ ນັບມື້ເລິກເຊິ່ງ ແລະ ເພື່ອຮັດແໜ້ນຄວາມສາມັກຄີມິດຕະພາບພິເສດ ລະຫວ່າງ ລາວ-ຫວຽດນາມ ເວົ້າລວມ, ເວົ້າສະເພາະ ກໍຄື ໂຮງຮຽນທິດສະດີການເມືອງກອງທັບ ກັບ ຫ້ອງການທີ່ປຶກສາທູດປ້ອງກັນຊາດ ສສ ຫວຽດນາມ ປະຈຳ ສປປ ລາວ ໃຫ້ນັບມື້ຍິ່ງແໜ້ນແຟ້ນຂຶ້ນໄປເລື້ອຍໆ.
ໂດຍ: ນາງ ເກດແກ້ວ ໄຊສົມພັນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
