ວັນຈັນ, ວັນທີ 14 ຕຸລາ 2024
ກົມໃຫຍ່ເສນາທິການກອງທັບ ເຜີຍແຜ່ກົດໝາຍ ວ່າດ້ວຍ ອົງການໄອຍະການຫະຫານ
ເວລາອອກຂ່າວ: 2024-09-10 09:02:07 | ຜູ້ຂຽນ : admin1 | ຈຳນວນຄົນເຂົ້າຊົມ: 199 | ຄວາມນິຍົມ: 
ວັນທີ 6 ກັນຍາ 2024 ນີ້, ກົມໃຫຍ່ເສນາທິການກອງທັບ ໄດ້ເຜີຍແຜ່ກົດໝາຍ ວ່າດ້ວຍອົງການໄອຍະການທະຫານກອງທັບປະຊາຊົນລາວ (ສະບັບປັບປຸງ), ໂດຍການເປັນປະທານຂອງ ສະຫາຍ ພັນເອກ ລັດສະໝີ ຂັນອາສາ ຮອງຫົວໜ້າອົງການໄອຍະການທະຫານຂັ້ນສູງ, ມີ ສະຫາຍ ພັນເອກ ບົວຄຳ ສາມາວົງ ຫົວໜ້າຫ້ອງການເມືອງ ກົມໃຫຍ່ເສນາທິການກອງທັບ, ມີບັນ
ດາກົມ-ຫ້ອງການ, ບັນດາພະແນກການ, ຄະນະພັກ-ຄະນະບັນຊາ ກົມກອງຮາກຖານ ທົ່ວກົມໃຫຍ່ເສນາທິການ ເຂົ້າຮ່ວມ.
ສະຫາຍ ພັນຕີ ນາງ ພິມນະພາ ພວງສາວະດີ ຮອງຫົວໜ້າພະແນກໂຄສະນາເຜີຍແຜ່ກົດໝາຍ ກົມກົດໝາຍ ກະຊວງປ້ອງກັນປະເທດ ໄດ້ເຜີຍແຜ່ກົດໝາຍ ວ່າດ້ວຍອົງການໄອຍະການທະຫານກອງທັບປະຊາຊົນລາວ (ສະບັບປັບປຸງ) ຈຸດປະສົງເພື່ອເຮັດໃຫ້ພະນັກງານຫຼັກແຫຼ່ງ ນາຍ ແລະ ພົນທະຫານໃນທົ່ວກົມໃຫຍ່ເສນາທິການ ຮັບຮູ້ເຂົ້າໃຈ, ກຳແໜ້ນບັນດາຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງເຄື່ອນໄຫວ ແລະ ການຕິດຕາມກວດກາຂອງອົງການໄອຍະການທະຫານ, ຮັບປະກັນການຈັດຕັ້ງປະຕິບັດວຽກງານໄອຍະການ ໃຫ້ມີປະສິດທິພາບ ແລະ ປະສິດທິດຜົນ, ແນໃສ່ປົກປ້ອງຜົນປະໂຫຍດຂອງກອງທັບ, ສິດ ແລະ ຜົນປະໂຫຍດອັນຊອບທຳ ຂອງນາຍ ແລະ ພົນທະ
ຫານ, ກຳມະກອນ, ພາລະກອນ, ກຳລັງສຳຮອງ ໃນເວລາປະຕິບັດໜ້າທີ່ປ້ອງກັນຊາດ, ເຮັດໃຫ້ກອງທັບມີຄວາມສະຫງົບ, ຄວາມເປັນລະບຽບຮຽບຮ້ອຍ, ມີຄວາມໜັກແໜ້ນ, ເຂັ້ມແຂງ ທາງດ້ານກົດໝາຍ ແລະ ມີແບບແຜນທັນສະໄໝ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃນນີ້, ກົດໝາຍ ວ່າດ້ວຍອົງການໄອຍະການທະຫານ (ສະບັບປັບປຸງ) ລວມທັງໝົດມີ 9 ພາກ 9 ໝວດ ແລະ 66 ມາດຕາ ເຊິ່ງກົດໝາຍສະບັບນີ້ມີຜົນສັກສິດ ນັບແຕ່ວັນທີ 20 ກຸມພາ 2023 ພາຍຫຼັງປະທານປະເທດ ແຫ່ງ ສປປ ລາວ ອອກລັດຖະດຳລັດປະກາດນຳໃຊ້.
ໂດຍ: ເຂັມພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
