ວັນຈັນ, ວັນທີ 14 ຕຸລາ 2024
ຖືເອົາເນື້ອໃນຂໍ້ແຂ່ງຂັນ 5 ເປັນເຈົ້າ ເປັນສຳຄັນຕິດພັນກັບໜ້າທີ່ການເມືອງຂອງກົມກອງ
ເວລາອອກຂ່າວ: 2024-09-10 09:04:40 | ຜູ້ຂຽນ : admin1 | ຈຳນວນຄົນເຂົ້າຊົມ: 201 | ຄວາມນິຍົມ: 
ກຳມະບານຮາກຖານໂຮງງານສ້ອມແປງລົດ-ເຮືອ ແມ່ນອົງການຈັດຕັ້ງໜຶ່ງ ມີລະບົບສາຍໄຍການຈັດຕັ້ງ ສາຍຕັ້ງຂຶ້ນກັບຫ້ອງການກຳມະບານກອງທັບ ແລະ ສາຍຂວາງແມ່ນໃຕ້ການຊີ້ນຳ-ນຳພາໂດຍກົງຈາກຄະນະພັກ-ຄະນະອຳນວຍການໂຮງງານ ເຊິ່ງໄດ້ຕັ້ງໜ້າເຄື່ອນໄຫວເຮັດໜ້າທີ່ການເມືອງຂອງຕົນ ຕາມພາລະບົດບາດໂດຍຖືເອົາເນື້ອໃນຂໍ້ແຂ່ງຂັນ 5 ເປັນເຈົ້າຂອງສູນກາງກຳມະບານລາວວາງອອກເປັນພື້ນຖານ ຕິດພັນກັບການຈັດຕັ້ງປະຕິບັດໜ້າທີ່ວຽກງານວິຊາສະເພາະແກ້ໄຂຊີວິດການເປັນຢູ່ຂອງພະນັກງານ-ນັກຮົບ ແລະ ກຳມະກອນ ປະຕິບັດນະໂຍບາຍຕ່າງໆ ປະກອບສ່ວນສ້າງຜົນງານ ແລະ ຂະບວນການຫຼາຍດ້ານ ເພື່ອຂ່ຳນັບຮັບຕ້ອນວັນປະຫວັດສາດສຳຄັນຕ່າງໆຂອງຊາດ, ຂອງພັກ ໃຫ້ມີບັນຍາກາດຟົດຟື້ນກວ້າງຂວາງ.
ສະຫາຍ ພັນໂທ ຂັນຫອມ ສີຫາລາດ ຮອງປະທານກຳມະບານຮາກຖານໂຮງງານສ້ອມແປງລົດ-ເຮືອ ໄດ້ໃຫ້ຮູ້ວ່າ: ໃນໄລຍະຜ່ານມາ ໜ່ວຍກຳມະບານຮາກຖານໂຮງງານສ້ອມແປງລົດ-ເຮືອ ຍາມໃດກໍຖືສຳຄັນຕໍ່ວຽກງານໂຄສະນາສຶກສາອົບຮົມການເມືອງ-ແນວຄິດຂອງພະນັກງານສຳມະຊິກກຳມະບານໃນກົມກອງໃຫ້ຮັບຮູ້ເຊື່ອມຊຶມ, ກຳແໜ້ນແນວທາງນະໂຍບາຍຂອງພັກ, ແຜນພັດທະນາເສດຖະກິດສັງຄົມຂອງລັດ ທິດທາງແຜນການຂອງກົມກອງ ແລະ ເຊິ່ງສະແດງອອກ ໄດ້ເຂົ້າຮ່ວມກິດຈະກຳ, ຂະບວນການຕ່າງໆ ທີ່ຫ້ອງການກຳມະບານກອງທັບ ຈັດຂຶ້ນການເຄື່ອນໄຫວສຶກສາອົບຮົມການເມືອງ-ແນວຄິດໃຫ້ພະນັກງານສຳມະຊິກກຳມະບານ ໃຫ້ມີຄວາມສະຫງົບ, ມີຄວາມເຊື່ອໝັ້ນ ແລະ ເປັນເອກະພາບຕໍ່ການນຳພາຂອງຄະນະພັກ-ຄະນະບັນຊາກໍຄືຂັ້ນເທິງ, ມີຄວາມໜັກແໜ້ນ, ຕໍ່ອຸດົມການປະຕິວັດມີຄວາມຊື່ສັດບໍລິສຸດຕໍ່ພັກ, ມີມະນະຈິດປະຕິວັດ, ມີຄວາມຫ້າວຫັນຂະຫຍັນພຽນ, ມີສະຕິລະວັງຕົວຕໍ່ກົນອຸບາຍຂອງສັດຕູ, ມີສະຕິເຄົາລົບກົດໝາຍຂອງພັກ-ລັດ, ຂໍ້ກຳນົດ ກົດລະບຽບຂອງກອງທັບ ເຊິ່ງໄດ້ຮັບການເສີມຂະຫຍາຍຢ່າງຕັ້ງໜ້າ. ພ້ອມນັ້ນວຽກງານໂຄສະນາສຶກສາອົບຮົມການເມືອງ-ແນວຄິດໄດ້ຕິດພັນກັບການປັບປຸງການຈັດຕັ້ງໃຫ້ເຕີບໃຫຍ່ ເຂັ້ມແຂງໂດຍຖືເອົາການເຄື່ອນໄຫວດຳເນີນຊີວິດການເມືອງ ເປັນບ່ອນສຶກສາອົບຮົມ ຕິດພັນກັບ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ,
ນອກນັ້ນ ຍັງໄດ້ສຸມໃສ່ວຽກງານກໍ່ສ້າງພັກໃຫ້ ປອດໃສ ເຂັ້ມແຂງ ໜັກແໜ້ນ ບົນພື້ນຖານເລີ່ມຈາກສະມາຊິກກຳມະບານຮາກຖານພວກເຮົາ ວຽກງານວິຊາສະເພາະໄດ້ຖືເອົາເນື້ອໃນຂໍ້ແຂ່ງຂັນ 5 ເປັນເຈົ້າຂອງສູນກາງກຳມະບານລາວວາງອອກ ໃນໄລຍະ 1 ປີຜ່ານມາ ໂຮງງານໄດ້ສ້ອມແປງຟື້ນຟູພາຫະນະລົດຮັບໃຊ້ກອງທັບທຸກປະເພດ 14 ຄັນ, ລົດ, ສ້ອມແປງສຳເລັດ ຈຳນວນ 7 ຄັນ, ສ້ອມແປງລົດເບົາ ຈຳນວນ 3 ຄັນ , ສ້ອມແປງລົດໜັກ 4 ຄັນ ແລະ ສືບຕໍ່ສ້ອມແປງ ຈຳນວນ 7 ຄັນ, ຄິດເປັນມູນຄ່າວັດຖຸ 180 ລ້ານກີບ, ຄິດເປັນມູນຄ່າແຮງງານ 58 ລ້ານກີບ. ຟື້ນຟູ ແລະ ບົວລະບັດປົກປັກຮັກສາເຮືອ ຈຳນວນ 3 ລຳ ໃຫ້ຢູ່ໃນສະພາບທີ່ໃຊ້ງານໄດ້. ນອກຈາກນີ້, ວຽກງານກອງທຶນ ແລະ ເງິນຄັງ ໂດຍປະຕິບັດຕາມທິດຊີ້ນຳຂອງຫ້ອງການກຳມະບານກອງທັບ ໜ່ວຍກຳມະ
ບານຮາກຖານ ໄດ້ສ້າງກອງທຶນແຕ່ປີ 2003 ເປັນຕົ້ນມາມີເງິນກອງທືນທັງໝົດ 162 ລ້ານກວ່າກີບ. ຈາກຜົນງານດັ່ງກ່າວ ໜ່ວຍກຳມະບານຮາກຖານ ໄດ້ໃບຢັ້ງຢືນ 5 ເປັນເຈົ້າ 5 ປີຕໍ່ເນື່ອງ
ສະຫາຍ ພັນໂທ ຂັນຫອມ ສີຫາລາດ ໃຫ້ຮູ້ຕື່ມອີກວ່າ: ສຳລັບທິດທາງແຜນການໃນຕໍ່ໜ້າຈະໄດ້ສືບຕໍ່ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ
ໃຫ້ສະມາຊິກກຳມະບານ ໂດຍນຳເອົາເນື້ອໃນມະຕິຄຳສັ່ງຕ່າງໆຂອງຊາດ, ຂອງພັກ, ຂອງກອງທັບ ກໍຄືຂອງສູນກາງກຳມະບານລາວ ມາຈັດຕັ້ງເຜີຍແຜ່ເຊື່ອມຊຶມເຮັດໃຫ້ສະມາຊິກກຳມະບານ ກຳແໜ້ນ ແລະ ເອົາໃຈໃສ່ສຸມສະຕິປັນຍາຫົວຄິດປະດິດສ້າງເຂົ້າໃນໜ້າທີ່ວຽກງານວິຊາສະເພາະຍົກລະດັບດ້ານສີມືແຮງງານໃຫ້ດີຂຶ້ນເປັນກ້າວໆ, ປັບປຸງແບບແຜນວິທີເຮັດວຽກຂອງຄະນະກຳມະບານຮາກຖານ ໃຫ້ຖືກຕ້ອງສອດຄ່ອງກັບທິດຊີ້ນຳ-ນຳພາຂອງຄະນະພັກ-ຄະນະອຳນວຍການສືບຕໍ່ປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າໃຫ້ມີປະສິດທິຜົນຕິດແໜ້ນກັບການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ແລະ ສ້າງກອງ 3 ປອດ (ປອດໃສ ປອດໄພ ປອດຄະດີ).
ໂດຍ: ບຸນຊ້ອຍ ວິໄລພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
