ວັນຈັນ, ວັນທີ 14 ຕຸລາ 2024
ປາຖະກະຖາຫວນຄືນວັນສ້າງຕັ້ງ ສະຖານີໂທລະພາບກອງທັບປະຊາຊົນລາວ ຄົບຮອບ 4 ປີ
ເວລາອອກຂ່າວ: 2024-09-11 09:16:07 | ຜູ້ຂຽນ : admin1 | ຈຳນວນຄົນເຂົ້າຊົມ: 191 | ຄວາມນິຍົມ: 
ວັນທີ 9 ກັນຍາ 2024 ນີ້, ກອງໂທລະພາບກອງທັບ ໄດ້ປາຖະກະຖາຫວນຄືນວັນສ້າງຕັ້ງ ສະຖານີໂທລະພາບກອງທັບປະຊາຊົນລາວ (9 ກັນຍາ 2020-9 ກັນຍາ 2024) ຄົບຮອບ 4 ປີ, ໂດຍການເປັນປະທານ ແລະ
ປາຖະກະຖາ ຂອງສະຫາຍ ພັນເອກ ຈະເລີນສຸກ ວັງເວີນໂຂງ ອະດີດຫົວໜ້າການທະຫານກອງໂທລະພາບກອງທັບ, ມີຄະນະພັກ-ຄະນະບັນຊາ, ຄະນະຊ່ຽວຊານຈີນ, ພະແນກການ, ແຂກຖືກເຊີນ ພ້ອມດ້ວຍພະນັກງານ-ນັກຮົບເຂົ້າຮ່ວມ.
ສະຫາຍ ພັນເອກ ຈະເລີນສຸກ ວັງເວີນໂຂງ ໄດ້ເລົ່າຫວນຄືນປະຫວັດມູນເຊື້ອຄວາມເປັນມາຂອງກອງໂທລະພາບກອງທັບ ໃນແຕ່ລະໄລຍະເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງ ໃນໄລຍະໃໝ່ຂອງກອງທັບໃນການປົກປັກຮັກສາ ແລະ ສ້າງສາພັດທະນາປະເທດຊາດ ໃນຊຸມປີ 1977-1981 ໄດ້ຮັບການຊ່ວຍເຫຼືອຈາກກະຊວງປ້ອງກັນປະເທດ ສສ ຫວຽດ ນາມ, ກົມໃຫຍ່ການເມືອງກອງທັບ, ກົມໂຄສະນາອົບຮົມ ໄດ້ມອບໃຫ້ກອງວິທະຍຸ-ໂທລະພາບກອງທັບ ຈັດຕັ້ງເລືອກເອົາພະນັກງານ-ນັກຮົບຈຳນວນໜຶ່ງໄປຮຽນ ແລະ ເຝິກອົບຮົມວຽກງານສ້າງຟີມຮູບເງົາ, ຮຽນຖ່າຍພາບ, ຮຽນເຕັກນິກການຕິດຕໍ່ຟີມ, ຮຽນພາກກະຈາຍສຽງ; ພາຍຫຼັງມີນັກວິຊາການສ້າງຟີມຮູບເງົາໄດ້ສຳເລັດການຮຽນມາຈາກປະເທດຫວຽດນາມ ກົມໃຫຍ່ການເມືອງກອງກັບ, ກົມໂຄສະນາອົບຮົມ, ພາຍໃຕ້ການນຳພາ-ຊີ້ນຳຂອງສະຫາຍ ພົນໂທ ສະໝານ ວິຍະເກດ ໄດ້ມີມະຕິສ້າງຕັ້ງຂະແໜງການສ້າງຟີມຮູບເງົາກອງທັບ ໃນຕົ້ນປີ 1986, ຍ້ອນເຫັນໄດ້ຄວາມເຕີບໃຫຍ່ຂອງວຽກງານໂຄສະນາຂ່າວສານໃນກອງທັບ ຂັ້ນເທິງໄດ້ຕົກລົງ ແລະ ສືບຕໍ່ກໍ່ສ້າງພະນັກງານວິຊາການຂ່າວສານວິທະຍຸ, ໂທລະພາບ, ຮູບເງົາຂອງກອງວິທະຍຸກະຈາຍສຽງກອງທັບປະຊາຊົນລາວ ໂດຍໄດ້ຮັບການຮ່ວມມືຈາກອົງການຂ່າວສານແຫ່ງຊາດລາວ, ກອງວິທະຍຸກະຈາຍສຽງ ໄດ້ຈັດສົ່ງພະນັກງານໄປຍົກລະດັບວຽກງານຂ່າວໂທລະພາບຢູ່ໂທລະພາບແຫ່ງຊາດ ມາຮອດປີ 1996, ກະຊວງປ້ອງກັນປະເທດ ແລະ ກົມໃຫຍ່ການເມືອງກອງທັບ ກໍໄດ້ມີຂໍ້ຕົກລົງໃຫ້ມີພະແນກໂທລະພາບຂອງກອງທັບຂຶ້ນຢ່າງເປັນທາງການ ແລະ ໂຮມເຂົ້າກັບວິທະຍຸກອງທັບເປັນອຳນວຍການອັນດຽວ ພາຍຫຼັງເຫັນໄດ້ການເຕີບໃຫຍ່ຂະຫຍາຍຕົວໃນການໂຄສະນາເຕັກນິກໂທລະພາບ ມາໃນວັນທີ 9 ເດືອນ 9 ປີ 2020, ກະຊວງປ້ອງກັນປະເທດໄດ້ຈັດຕັ້ງພິທີເປີດສະຖານີໂທລະພາບກອງທັບປະຊາຊົນລາວຂຶ້ນຢ່າງເປັນທາງການ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
