ວັນຈັນ, ວັນທີ 14 ຕຸລາ 2024
ຄະນະພັກຮາກຖານຫ້ອງການ ທະຫານແຂວງສາລະວັນ ສຳເລັດກອງປະຊຸມໃຫຍ່ ຄັ້ງທີ I
ເວລາອອກຂ່າວ: 2024-09-11 09:18:55 | ຜູ້ຂຽນ : admin1 | ຈຳນວນຄົນເຂົ້າຊົມ: 192 | ຄວາມນິຍົມ: 
ວັນທີ 6 ກັນຍາ 2024 ນີ້, ຄະນະພັກຮາກຖານຫ້ອງການ ກອງບັນຊາການທະຫານແຂວງສາລະວັນ ສຳເລັດກອງປະຊຸມໃຫຍ່ ຄັ້ງທີ I, ໂດຍການເປັນປະທານຂອງ ສະຫາຍ ພັນເອກ ສຳລີ ແກ້ວວົງສອງ ຮອງເລຂາຄະນະພັກ, ຫົວໜ້າການທະຫານ ກອງບັນຊາການທະຫານແຂວງສາລະວັນ, ມີບັນດາສະຫາຍຄະນະພັກຮາກຖານຈາກອົງການ 5 ຫ້ອງ, ພະແນກການທີ່ກ່ຽວ
ຂ້ອງ ຕະຫຼອດຮອດສະມາຊິກພັກສົມບູນ ແລະ ສຳຮອງເຂົ້າຮ່ວມ.
ສະຫາຍ ພັນເອກ ວິໄລ ພິມມະວົງ ຄະນະພັກກອງບັນຊາການທະຫານແຂວງ, ເລຂາຄະນະພັກຮາກຖານຫ້ອງການ ກອງບັນຊາການທະຫານແຂວງສາລະວັນ ໄດ້ຜ່ານບົດລາຍງານການເມືອງທັງສອງພາກ ໃນໄລຍະ 5 ປີຜ່ານມາ ຄະນະພັກຮາກຖານ ໄດ້ນຳພາສະມາຊິກພັກຄົ້ນຄວ້າຖອດຖອນບົດຮຽນວຽກການເມືອງ-ນຳພາແນວຄິດ ຂອງພັກປະຊາຊົນປະຕິວັດລາວວາງອອກ ເຮັດໃຫ້ສະມາຊິກພັກພາຍໃນກົມກອງມີແນວຄິດອຸ່ນອຽນທຸ່ນທ່ຽງຕໍ່ການນຳພາ ທັງເປັນແບບຢ່າງໃຫ້ບັນດາສະມາຊິກຊາວໜຸ່ມມະຫາຊົນໃນການປະຕິບັດໜ້າທີ່ວຽກງານ.
ພ້ອມນັ້ນ, ໄດ້ເຄື່ອນໄຫວເຮັດໜ້າທີ່ເປັນເສນາທິການໃຫ້ຫ້ອງ, ບົດສະຫຼຸບປະຈຳເດືອນ, ປະຈຳໄຕມາດ, ປະຈຳ 6 ເດືອນ, ປະຈຳປີ ທັງນຳພາປັບປຸງກໍ່ສ້າງ, ອະນາໄມຕາມຂອບເຂດຮັບຜິດຊອບເປັນຢ່າງດີ ແລະ ສາມາດຊອກແຫຼ່ງລາຍຮັບໄດ້ທັງໝົດ 1.589.620.000 ກີບ ໃນນີ້, ມີສະມາຊິກພັກສົມບູນມີທັງໝົດ 46 ສະຫາຍ, ຍິງ 18 ສະຫາຍ, ແບ່ງຄຸນນະພາບສະມາຊິກພັກແຂງ 43 ສະຫາຍ, ກາງ 1 ສະຫາຍ. ໃນກອງປະຊຸມໄດ້ພ້ອມກັນປ່ອນບັດຄັດເລືອກຄະນະພັກຮາກຖານຊຸດໃໝ່ຂອງຫ້ອງການ ກອງບັນຊາການ 5 ສະຫາຍ ຄື: ສະຫາຍ ພັນເອກ ວິໄລ ພິມມະວົງ ເປັນເລຂາຄະນະພັກຮາກຖານ, ສະຫາຍ ພັນໂທ ເກດມະນີ ແສງອາລຸນ ເປັນຮອງເລຂາ, ສະຫາຍ ພັນໂທ ສົມນຶກ ແກ້ວປັນຍາ ເປັນປະທານກວດກາ, ສະຫາຍ ພັນຕີ ນາງ ລັດຕະນະພອນ ດາລາແສງ ແລະ ສະຫາຍ ພັນໂທ ຈະເລີນໄຊຍະວົງສາ ເປັນກຳມະການ.
ໂດຍ: ສຸຂາວພອນ ສອນນາລີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
