POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ກອງພົນທີ 1 ປະກາດປັບປຸງການຕັ້ງ ແລະ ທຽບຊັ້ນໃຫ້ນາຍທະຫານ
ເວລາອອກຂ່າວ: 2024-09-11 14:50:28 | ຜູ້ຂຽນ : admin2 | ຈຳນວນຄົນເຂົ້າຊົມ: 384 | ຄວາມນິຍົມ:

ໃນວັນທີ 10 ກັນຍາ 2024 ນີ້, ກອງພົນທີ 1 ໄດ້ປະກາດປັບປຸງການຕັ້ງ ແລະ ຊັບຊ້ອນໜ້າທີ່ນາຍທະຫານຂັ້ນຕ່າງໆ ເຂົ້າໃສ່ໂຄງປະກອບການຈັດຕັ້ງຕາມຄວາມເໝາະສົມ, ເພື່ອໃຫ້ແທດເໝາະກັບເງື່ອນໄຂຕົວຈິງຂອງກົມກອງ, ພ້ອມທັງປະກາດການທຽບຊັ້ນໃຫ້ນາຍທະຫານຈໍານວນໜຶ່ງ. ໂດຍການເປັນປະທານຂອງ ສະຫາຍ ພົນຈັດຕະວາ ວົງຈັນ ພັນຈັນທະມານ ຫົວໜ້າການເມືອງ ກອງພົນທີ 1, ມີ ຄະນະພັກ-ຄະນະບັນຊາ, ອົງການ, ກົມກອງ ແລະ ພະນັກງານຫຼັກແຫຼ່ງ ເຂົ້າຮ່ວມ. ສະຫາຍ ພັນໂທ ວຽງສະຫວັນ ໄຊສະຫວັນ ຫົວໜ້າພະແນກພະນັກງານ ກອງພົນທີ 1 ໄດ້ຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ແລະ ກອງພົນທີ 1 ວ່າດ້ວຍການແຕ່ງຕັ້ງນາຍທະຫານ ຢູ່ກອງພົນທີ 1. ອີງຕາມຄວາມຮຽກຮ້ອງຕ້ອງການຂອງໜ້າທີ່ການເມືອງຕົວຈິງໃນສະເພາະໜ້າ ແລະ ຍາວນານຂອງກົມກອງ, ອີງຕາມກົດໝາຍນາຍທະຫານກອງທັບປະຊາຊົນລາວ (ສະບັບປັບປຸງ) ວ່າດ້ວຍການແຕ່ງຕັ້ງ-ຍົກຍ້າຍນາຍທະຫານ, ອີງຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນຳພາ-ບັນຊາໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີ່ປົກປັກຮັກສາ ແລະ ສ້າງສາພັດທະນາປະເທດຊາດ. ດັ່ງນັ້ນ, ກົມໃຫຍ່ການເມືອງກອງທັບ ແລະ ກອງພົນທີ 1 ຕົກລົງແຕ່ງຕັ້ງບັນດາສະຫາຍ ດັ່ງນີ້: ສະຫາຍ ພັນໂທ ເພັດສະໝອນ ຍອຍສາຍຄໍາ ເປັນຫົວໜ້າພະແນກເຊື້ອໄຟ, ສະຫາຍ ພັນໂທ ວຽງໄຊ ອິນວົງສານ ເປັນຮອງຫົວໜ້າພະແນກເຊື້ອໄຟ, ສະຫາຍ ພັນໂທ ໄມມອນ ລຸນວິໄລພອນ ເປັນຮັກສາການ ຫົວໜ້າພະແນກບໍລິຫານ-ສັງລວມຫ້ອງການເມືອງ, ສະຫາຍ ພັນໂທ ຄໍາພອນ ນາມມະໄຊ ເປັນຊ່ວຍວຽກພະແນກບໍລິຫານ-ສັງລວມຫ້ອງການເມືອງ, ສະຫາຍ ຮ້ອຍເອກ ກິລິວັນ ໄຊຍະເສນ ເປັນຊ່ວຍວຽກພະແນກບໍລິຫານ-ສັງລວມ ຫ້ອງເສນາທິການ, ສະຫາຍ ຮ້ອຍໂທ ສັງວານ ໄຊສີຄໍາ ເປັນຊ່ວຍວຽກພະແນກຊາວໜຸ່ມ, ສະຫາຍ ຮ້ອຍຕີ ພອນຕາ ຫຼວງສະຫວັນ ເປັນຊ່ວຍວຽກພະແນກປະກັນສັງຄົມ, ສະຫາຍ ຮ້ອຍຕີ ນາງ ນະດາ ແກ້ວບົວລີ ເປັນຂາເຂົ້າ-ຂາອອກຫ້ອງເສນາທິການ, ສະຫາຍ ຮ້ອຍຕີ ຟອງ ແຂມໂຄດ ເປັນຊ່ວຍວຽກພະແນກອົບຮົມ, ສະຫາຍ ຮ້ອຍຕີ ສັນພອນ ວົງສາ ເປັນຊ່ວຍວຽກພະແນກອົບຮົມ, ສະຫາຍ ຮ້ອຍໂທ ບຸນຄໍ້າ ສີຫາພັນ ເປັນຊ່ວຍວຽກພະແນກເຄມີ. ນອກນີ້, ຍັງໄດ້ປະກາດການແຕ່ງຕັ້ງຂັ້ນຂະແໜງການ, ກອງຮ້ອຍ, ໝວດ, ວິຊາສະເພາະ ອີກຈໍານວນໜຶ່ງ; ພ້ອມທັງ ປະກາດໃຫ້ ສະຫາຍ ພັນໂທ ຈັນສີ ຂັນຍາກອນ ຮອງຫົວໜ້າພະແນກຕີພິເສດ ພັກການ ເພື່ອປິ່ນປົວສຸຂະພາບ ແລະ ຍັງໄດ້ປະກາດການທຽບຊັ້ນໃຫ້ນາຍທະຫານ, ໃຫ້ນັກຮຽນທີ່ຮຽນຈົບວິຊາສະເພາະຈາກສາຍລັດ ຈໍານວນ 37 ສະຫາຍ ຕາມກົດໝາຍນາຍທະຫານ ແລະ ຜົນງານຕົວຈິງຂອງແຕ່ລະສະຫາຍ ຄື: ທຽບຊັ້ນ ຮ້ອຍໂທ 33 ສະຫາຍ, ທຽບຊັ້ນ ຮ້ອຍຕີ 4 ສະຫາຍ. ໂດຍການປະດັບ ສະຫາຍ ພົນຈັດຕະວາ ວົງຈັນ ພັນຈັນທະມານ ຢ່າງສົມກຽດ. ໂດຍ: ໂກຮັງ ພັນທະວົງ

news to day and hot news