ວັນຈັນ, ວັນທີ 14 ຕຸລາ 2024
ມອບ-ຮັບ ວຽກ ລະຫວ່າງ ຫົວໜ້າການທະຫານ ກັບ ຫົວໜ້າການເມືອງ ວິທະຍາຄານປ້ອງກັນຊາດ ໄກສອນ ພົມວິຫານ
ເວລາອອກຂ່າວ: 2024-09-11 15:52:35 | ຜູ້ຂຽນ : admin2 | ຈຳນວນຄົນເຂົ້າຊົມ: 368 | ຄວາມນິຍົມ: 
ວັນທີ 11 ກັນຍາ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດພິທີ ມອບ-ຮັບ ວຽກລະຫວ່າງ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ຫົວໜ້າການທະຫານ (ຜູ້ຮັບຜິດຊອບວຽກຊົ່ວຄາວ) ແລະ ສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າການເມືອງ (ຜູ້ໃໝ່), ມີບັນດາສະຫາຍຄະນະພັກ-ຄະນະບັນຊາ, ຕາງໜ້າບັນດາອົງການ, ກົມກອງ ແລະ ພະແນກການທີ່ກ່ຽວຂ້ອງ ທົ່ວວິທະຍາຄານປ້ອງກັນຊາດ ໄກສອນ ພົມວິຫານ ເຂົ້າຮ່ວມ.
ໂດຍປະຕິບັດຕາມມະຕິຕົກລົງ ວ່າດ້ວຍການແຕ່ງຕັ້ງປ່ຽນແທນ ກຳມະການຄະນະພັກ, ກຳມະການປະຈຳພັກ ແລະ ເລຂາຄະນະພັກວິທະຍາຄານປ້ອງກັນຊາດ ໄກສອນ ພົມວິຫານ ກະຊວງປ້ອງກັນປະເທດ, ອີງຕາມເອກະສານມອບ-ຮັບວຽກ ລະຫວ່າງ ອະດີດຫົວໜ້າການເມືອງ ກັບ ຫົວໜ້າການທະຫານ ດັ່ງນັ້ນ, ວິທະຍາຄານປ້ອງກັນຊາດ ໄກສອນ ພົມວິຫານ ຈຶ່ງໄດ້ຈັດພິທີ ມອບ-ຮັບ ວຽກ ລະຫວ່າງ ຫົວໜ້າການທະຫານ ແລະ ຫົວໜ້າການເມືອງ (ຜູ້ໃໝ່) ຂຶ້ນຢ່າງເປັນທາງການ.
ໂອກາດນີ້, ສະຫາຍຫົວໜ້າການທະຫານ ໄດ້ກ່າວສະແດງຄວາມຍິນຕ້ອນຮັບ ສະຫາຍ ຫົວໜ້າການເມືອງ (ຜູ້
ໃໝ່) ພ້ອມທັງໄດ້ຜ່ານບົດລາຍງານ ໃນໄລຍະ 3 ເດືອນທີ່ຜ່ານມາ ທີ່ໄດ້ຮັບມອບໝາຍຈາກຫົວໜ້າການເມືອງ (ຜູ້ເກົ່າ) ມອບໃຫ້ຫົວໜ້າການເມືອງ (ຜູ້ໃໝ່), ສືບຕໍ່ປະຕິບັດທຸກວຽກງານທີ່ກ່ຽວກັບວຽກງານພັກ-ວຽກງານການເມືອງ, ວຽກງານຂອງເລຂາຄະນະພັກ ແລະ ວຽກງານອື່ນໆ ທີ່ພວມກະກຽມຈະໄຂຂຶ້ນໃນມໍ່ໆນີ້.
ສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າການເມືອງ (ຜູ້ໃໝ່) ໄດ້ສະແດງຄວາມຂອບໃຈຕໍ່ການຕ້ອນຮັບ ຂອງຫົວໜ້າການທະຫານ ແລະ ບັນດາສະຫາຍໃນຄະນະ ພ້ອມທັງໃຫ້ຄໍາໝັ້ນສັນຍາວ່າຈະສືບຕໍ່ເຝິກຝົນຫຼໍ່ຫຼອມຕົນເອງທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ຈະຕັ້ງໜ້າສຶກສາອົບຮົມການເມືອງ-ນໍາພາແນວຄິດໃຫ້ພະນັກງານຫຼັກແຫຼ່ງ, ເພື່ອພ້ອມກັນເຮັດໃຫ້ວິທະຍາຄານແຫ່ງນີ້ພັດທະນາຂຶ້ນຢ່າງບໍ່ຢຸດຢັ້ງ.
ໂອກາດນີ້, ສະຫາຍ ພົນຈັດດຕະວາ ຮສ ປອ ສົມພອນ ສີສຸວັນນະ ຮອງຫົວໜ້າການເມືອງ, ຫົວໜ້າກົມການເມືອງ ໄດ້ຜ່ານຂໍ້ຕົກລົງ ກະຊວງປ້ອງກັນປະເທດ ວ່າດ້ວຍການແຕ່ງຕັ້ງຜູ້ສັ່ງການເອກຂັ້ນ II ຂອງວິທະຍາຄານປ້ອງກັນຊາດ ໄກສອນ ພົມວິຫານ. ໂດຍອີງຕາມຂໍ້ກຳນົດ ຂອງກະຊວງປ້ອງກັນປະເທດ ວ່າດ້ວຍສິດໜ້າທີ່ ແລະ ພາລະບົດບາດຂອງຜູ້ສັ່ງການເອກ ຂັ້ນ II . ອີງຕາມໜັງສືສະເໜີແຕ່ງຕັ້ງຜູ້ສັ່ງການເອກ ຂັ້ນ II. ຂອງກົມການເງິນ ກົມໃຫຍ່ພະລາທິການກອງທັບ, ກະຊວງປ້ອງກັນປະເທດຕົກລົງແຕ່ງຕັ້ງ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ຫົວໜ້າການທະຫານ ວິທະຍາຄານປ້ອງກັນຊາດ ໄກສອນ ພົມວິຫານ ເປັນຜູ້ສັ່ງການເອກ ຂັ້ນ II.
ໂດຍ: ດາວວິນ ໂສພາພອນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
