ວັນຈັນ, ວັນທີ 14 ຕຸລາ 2024
3 ພາກສ່ວນ ມອບເຄື່ອງໃຊ້ຫ້ອງການ ໃຫ້ ກອງພັນໃຫຍ່ 646
ເວລາອອກຂ່າວ: 2024-09-13 10:04:39 | ຜູ້ຂຽນ : admin3 | ຈຳນວນຄົນເຂົ້າຊົມ: 399 | ຄວາມນິຍົມ: 
ວັນທີ 11 ກັນຍາ 2024, ກົມປ້ອງກັນອາກາດ, ບໍລິສັດ ໂອທີຈະເລີນຊັບກໍ່ສ້າງ ຈຳກັດຜູ້ດຽວ ແລະ ສູນຄົ້ນຄວ້າຈີນ, ຫ້ອງການຄົ້ນຄວ້າວິທະຍາສາດ ແລະ ບໍລິການວິຊາການ ມະຫາວິທະຍາໄລແຫ່ງຊາດ ໄດ້ມອບເຄື່ອງໃຊ້ຫ້ອງການ ໃຫ້ ກອງພັນໃຫຍ່ 646, ໂດຍການກ່າວຮັບຂອງ ສະຫາຍ ພັນເອກ ແສງທອງ ດວງວິໄລ ຫົວໜ້າການທະຫານ ກອງພັນໃຫຍ່ 646, ມີຄະນະພັກ-ຄະນະບັນຊາ ແລະ ບັນດາພະແນກການເຂົ້າຮ່ວມ.
ໃນນີ້, ກົມປ້ອງກັນອາກາດ ໄດ້ມອບຄອມພິວເຕີຕັ້ງໂຕະ 1 ຊຸດ, ບໍລິສັດ ໂອທີຈະເລີນຊັບກໍ່ສ້າງ ຈຳກັດຜູ້ດຽວມອບ ໂຕະ-ຕັ່ງ ຈຳນວນ 11 ຊຸດ, ສູນຄົ້ນຄວ້າຈີນ, ຫ້ອງການຄົ້ນຄວ້າວິທະຍາສາດ ແລະ ບໍລິການວິຊາການ ມະຫາວິທະຍາໄລແຫ່ງຊາດ ມອບຄອມພິວເຕີຕັ້ງໂຕະ 1 ຊຸດ, ລວມມູນຄ່າ ທັງໝົດ 59 ລ້ານກວ່າກີບ.
ໂອກາດນີ້, ສະຫາຍ ພັນໂທ ອານຸ ເພັດສຸດາວົງ ໄດ້ຕາງໜ້າໃຫ້ຄະນະພັກ-ຄະນະບັນຊາກອງພັນໃຫຍ່ 646 ກ່າວສະແດງຄວາມຂອບໃຈ ແລະ ຮູ້ບຸນຄຸນເປັນ
ຢ່າງສູງ ມາຍັງ 3 ພາກສ່ວນດັ່ງກ່າວທີ່ເຫັນໄດ້ຄວາມສຳຄັນ ແລະ ຄວາມຈຳເປັນຂອງໜ້າທີ່ວຽກງານຫ້ອງການຂອງກົມກອງຈຶ່ງໄດ້ນຳເອົາວັດຖຸປັດໄຈເຄື່ອງໃຊ້ຫ້ອງການມາມອບໃຫ້ໃນຄັ້ງນີ້ ແລະ ໃຫ້ຄຳໝັ້ນສັນຍາວ່າ: ຈະນຳເອົາເຄື່ອງດັ່ງກ່າວ ໄປໝູນໃຊ້ເຂົ້າໃນວຽກງານຫ້ອງການໃຫ້ມີປະສິດທິຜົນສູງ ແລະ ເກີດປະໂຫຍດສູງສຸດ.
ໂດຍ: ບຸນຊ້ອຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
