ວັນຈັນ, ວັນທີ 14 ຕຸລາ 2024
ໂຮງໝໍບໍລິເວນ 107 ກອງທັບ ເປີດຊຸດຮຽນແພດ ຊັ້ນກາງ ລະບົບກໍ່ສ້າງ 3 ປີ ຊຸດທີ VIII
ເວລາອອກຂ່າວ: 2024-09-13 10:07:14 | ຜູ້ຂຽນ : admin3 | ຈຳນວນຄົນເຂົ້າຊົມ: 396 | ຄວາມນິຍົມ: 
ວັນທີ 11 ກັນຍາ 2024 ນີ້, ໂຮງໝໍບໍລິເວນ 107 ກອງທັບ ໄດ້ເປີດຊຸດຮຽນແພດຊັ້ນກາງ ລະບົບກໍ່ສ້າງ 3 ປີ ຊຸດທີ VIII, ໂດຍການເປັນປະທານຂອງ ສະຫາຍ ພັນເອກ ດຣ ພູວິໄລ ພູນສະຫວັດ ຮອງຫົວໜ້າກົມເສນາຮັກ ກົມໃຫຍ່ພະລາທິການກອງທັບ, ມີຄະນະພັກ-ຄະນະອຳນວຍການ, ມີບັນດາຫົວໜ້າພະແນກ, ຄູ-ອາຈານ ແລະ ພາກສ່ວນກ່ຽວຂ້ອງ ຕະຫຼອດ ຮອດນັກສຶກສາທັງ 3 ຫ້ອງ ເຂົ້າຮ່ວມ.
ສະຫາຍ ພັນໂທ ບຸນມີ ສີຫາລາດ ຫົວໜ້າພະແນກບໍລິຫານການແພດ ໄດ້ຜ່ານໂຄງການຫຼັກສູດແຜນການ ການຮຽນ-ການສອນ ແພດຊັ້ນກາງ ລະບົບກໍ່ສ້າງ 3 ປີ ຊຸດທີ VIII ສົກ 2024-2025, ເຊິ່ງມີເປົ້າໝາຍກໍ່ສ້າງແພດຊັ້ນກາງລະບົບ 3 ປີ ຊຸດທີ VIII ຈຳນວນ 33 ສະຫາຍ, ຍິງ 7 ສະຫາຍ, ມີແພດຊັ້ນຕົ້ນ 2 ສະຫາຍ, ຫຼັກສູດການຮຽນ-ການສອນ ແມ່ນຢູ່ພາຍໃຕ້ການຊີ້ນຳຂອງກົມເສນາຮັກ ແລະ ວິທະຍາຄານການແພດກອງທັບ ລວມປີຮຽນ 3 ປີ, ມີ 36 ວິຊາ ເທົ່າກັບ 2.846 ຊົ່ວໂມງ, ພາກທິດສະດີ 1.098 ຊົ່ວໂມງ, ພາກປະຕິບັດຕົວຈິງ 1.748 ຊົ່ວໂມງ, ໂດຍມີຈຸດປະສົງ ເພື່ອແນໃສ່ສ້າງວິຊາການເຕັກນິກການແພດ ຮັບໃຊ້ເຂົ້າໃນຖັນແຖວກອງທັບຂັ້ນກອງພັນ, ກອງພົນທຽບເທົ່າ ແລະ ປະຊາຊົນບັນດາເຜົ່າ ໃນຂອບເຂດທີ່ຕົນຮັບຜິດຊອບ ທັງເປັນການພັດທະນາສັງຄົມຂອງຊາດ ໃຫ້ມີປະສິດທິພາບສູງ.
ໂອກາດດຽວກັນ, ສະຫາຍ ປະທານ ໄດ້ເນັ້ນໜັກໃຫ້ຄູ-ອາຈານເອົາໃຈໃສ່ໃນການຄົ້ນຄວ້າແຕ່ງບົດສອນຕາມຫຼັກສູດການຮຽນ-ການສອນໃຫ້ລະອຽດຈະແຈ້ງ ເພື່ອເຮັດໃຫ້ນັກສຶກສາເຂົ້າໃຈງ່າຍ, ມີຄວາມຮູ້, ຄວາມສາມາດ, ມີປະສິດທິພາບສູງຍິ່ງຂຶ້ນ, ຕໍ່ກັບນັກສຶກສາ ຕ້ອງໄດ້ເອົາໃຈໃສ່ຊອກຮູ້ຮໍ່າຮຽນ, ເຝິກຝົນຫຼໍ່ຫຼອມຕົນເອງຕາມລະບອບລະບຽບການຂອງກອງທັບ, ປະຕິບັດໄດ້ 7 ລະບອບ 18 ວຽກ
ຂອງກອງທັບ, ປະຕິບັດວິໄນຂອງກົມກອງ ກໍຄື ຂອງກອງທັບ ໃຫ້ເຂັ້ມງວດ, ສ້າງຄວາມສາມັກຄີພາຍໃນ-ພາຍນອກໃຫ້ແໜ້ນແຟ້ນ, ເອົາໃຈໃສ່ປະກອບສ່ວນ
ຕໍ່ວຽກງານຂະບວນການຕ່າງໆຂອງກົມກອງ, ພ້ອມກັນຮັກສາມູນເຊື້ອອັນດີງາມຂອງແພດປະຕິວັດ, ຮັກສາຈັນຍາບັນ-ຈັນຍາທຳຂອງແພດ ແລະ ປະຕິບັດຕາມຄຳຂວັນ 5 ດີ 1 ພໍໃຈຂອງກະຊວງສາທາລະນະສຸກວາງອອກໃຫ້ໄດ້ດີ.
ໂດຍ: ນາງ ສຸລິຈັນ ພັດທະນາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
