ວັນຈັນ, ວັນທີ 14 ຕຸລາ 2024
ຄະນະສະເພາະກິດ ກະຊວງປ້ອງກັນປະເທດ ເຄື່ອນໄຫວເຮັດວຽກ ຢູ່ ບໍລິສັດ ລັດວິສາຫະກິດ ພັດທະນາກະສິກຳ ສາຂາແຂວງບໍ່ແກ້ວ
ເວລາອອກຂ່າວ: 2024-09-13 10:11:15 | ຜູ້ຂຽນ : admin3 | ຈຳນວນຄົນເຂົ້າຊົມ: 413 | ຄວາມນິຍົມ: 
ວັນທີ 7 ກັນຍາ 2024 ນີ້, ສະຫາຍ ພັນເອກ ບຸດສະດີ ອິນທະລັງສີ ຮອງຫົວໜ້າຫ້ອງວ່າການກະຊວງປ້ອງກັນປະເທດ ແລະ ສະຫາຍ ໄຂ່ແກ້ວ ດາລາວົງ
ຮອງຫົວໜ້າຜູ້ອຳນວຍການໃຫຍ່ ບໍລິສັດ ລັດວິສາຫະກິດ ພັດທະນາກະສິກຳ-ອຸດສາຫະກຳ ບໍລິການ ແລະ ການຄ້າ ຂາອອກ-ຂາເຂົ້າ ສຳນັກງານໃຫຍ່ ນະຄອນຫຼວງວຽງຈັນ ພ້ອມດ້ວຍຄະນະ ເຄື່ອນໄຫວເຮັດວຽກຢູ່ບໍລິສັດ ລັດວິສາຫະກິດ ພັດທະນາກະສິກຳ ສາຂາແຂວງບໍ່ແກ້ວ ໂດຍການຕ້ອນຮັບຂອງ ສະຫາຍ ຄຳຕາ ຄຸດສະຫວັນ ຫົວໜ້າສາຂາແຂວງບໍ່ແກ້ວ ຕະຫຼອດຮອດພະນັກງານຫຼັກແຫຼ່ງໃນບໍລິສັດສາຂາແຂວງບໍ່ແກ້ວ ຢ່າງອົບອຸ່ນ.
ສະຫາຍ ຄຳຕາ ຄຸດສະຫວັນ ຫົວໜ້າສາຂາແຂວງບໍ່ແກ້ວ ໄດ້ລາຍງານການເຄື່ອນໄຫວໃນໄລຍະຜ່ານມາ ຂໍ້ສະດວກ, ຂໍ້ຫຍຸ້ງຍາກ ແລະ ບາງບົດຮຽນທີ່ຖອດ
ຖອນໄດ້, ປັດຈຸບັນແມ່ນມີການປັບປຸງແກ້ໄຂຂຶ້ນຢ່າງບໍ່ຢຸດຢັ້ງ, ບໍລິສັດມີການເຕີບໃຫຍ່ຂະຫຍາຍຕົວຢ່າງຕໍ່ເນື່ອງ, ສ້າງທ່າແຮງບົ່ມຊ້ອນທາງດ້ານຊັບພະຍາກອນທຳມະຊາດພາຍໃນແຂວງໃຫ້ມີປະສິດທິພາບ ແລະ ໄດ້ຮັບຜົນສູງສຸດ ເພື່ອຕອບສະໜອງແຫຼ່ງສະບຽງອາຫານ ພືດກະສິກຳ-ອຸດສາຫະກຳການຄ້າ ໃຫ້ແກ່ພະ
ນັກງານທະຫານ-ຕຳຫຼວດ ຕະຫຼອດຮອດປະຊາຊົນບັນດາເຜົ່າ.
ສະຫາຍ ພັນເອກ ບຸດສະດີ ອິນທະລັງສີ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວໃນໄລຍະຜ່ານມາ, ພ້ອມທັງຮຽກຮ້ອງໃຫ້ ບໍລິສັດ ລັດວິສາຫະກິດ ພັດທະນາກະສິກຳ-ອຸດສາຫະກຳ ບໍລິການ ແລະ ການຄ້າ ສາຂາແຂວງບໍ່ແກ້ວ ແຕ່ລະຂັ້ນ ຕ້ອງຮັກສາຄວາມສາມັກຄີເປັນເອກະພາບພາຍໃນໝູ່ຄະນະ, ເອົາໃຈໃສ່ປັບປຸງກໍ່ສ້າງພະນັກງານໃຫ້ໜັກແໜ້ນ ເຂັ້ມແຂງ, ກຳແໜ້ນໜ້າທີ່ການເມືອງຂອງຕົນ ກໍຄື ຂອງກອງທັບ, ປັບປຸງແບບແຜນວິທີ່ເຮັດວຽກ ແລະ ກຳແໜ້ນວິຊາສະເພາະ ສາມາດໝູນໃຊ້ເຂົ້າໃນວຽກງານຕົວຈິງ ໃຫ້ມີປະສິດທິຜົນສູງ.
ໂດຍ: ວໍລະສິດ ພິດສະຫາຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
