ວັນຈັນ, ວັນທີ 14 ຕຸລາ 2024
ໂຮງຮຽນກໍ່ສ້າງນາຍສິບ ເລກ 2 ວຽງໄຊ ປະກາດນາຍທະຫານພັກການ ຮັບບໍານານ
ເວລາອອກຂ່າວ: 2024-09-13 14:40:18 | ຜູ້ຂຽນ : admin2 | ຈຳນວນຄົນເຂົ້າຊົມ: 377 | ຄວາມນິຍົມ: 
ໂຮງຮຽນກໍ່ສ້າງນາຍສິບທະຫານຮາບ ເລກ 2 ວຽງໄຊ ໄດ້ຈັດພິທິປະກາດນາຍທະຫານພັກການຮັບເບ້ຍບຳນານ ໃນວັນທີ 11 ກັນຍາ 2024 ນີ້, ໂດຍການເຂົ້າຮ່ວມເປັນປະທານຂອງ ສະຫາຍ ພົນໂທ ສຈ ປອ ທອງລອຍ ສິລິວົງ ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບ, ມີກົມພະນັກງານ, ມີຄະນະພັກ-ຄະນະອໍານວຍການໂຮງຮຽນ, ກົມກອງອອ້ມຂ້າງ, ຕະຫຼອດຮອດ ພະນັກງານຫຼັກແຫຼ່ງໃນທົ່ວໂຮງຮຽນເຂົ້າຮ່ວມ.
ສະຫາຍ ພັນເອກ ວົງເພັດ ວົງສາຫວັນ ຮອງກົມພະນັກງານ ກົມໃຫຍ່ການເມືອງກອງທັບ ໄດ້ຂື້ນຜ່ານຂໍ້ຕົກລົງກະຊວງປ້ອງກັນປະເທດ ວ່າດ້ວຍການອະນຸມັດໃຫ້ ສະຫາຍ ພັນເອກ ພູເວີນ ວົງຄຳຊາວ ຫົວໜ້າການເມືອງ ໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ພັກການ ຮັບບໍານານ ແລະ ຍົກຂັ້ນເງິນເດືອນໃຫ້ທຽບເທົ່າຊັ້ນ ພົນຈັດຕະວາ.
ໂອກາດນິີ້ ສະຫາຍ ພົນໂທ ສຈ ປອ ທອງລອຍ ສິລິວົງ ໄດ້ມີຄຳເຫັນໂອ້ລົມ ກ່ອນອື່ນໄດ້ຮຽກຮ້ອງໃຫ້ ສະຫາຍ ຜູ້ທີ່ໄດ້ຮັບນະໂຍບາຍ ຈາກຂັ້ນເທິງ, ພາຍຫຼັງເຂົ້າຮັບບໍານານແລ້ວ ກໍ່ຕ້ອງສືບຕໍ່ປະຕິບັດ ແນວທາງນະໂຍບາຍຂອງພັກ - ລັດ, ເປັນແບບຢ່າງໃນການປະຕິບັດກົດລະບຽບຂອງບ້ານເມືອງ, ຮັກສາມູນເຊື້ອອັນດີງາມຂອງກອງທັບ ແລະ ດຳລົງຊີວິດດ້ວຍຄວາມປອດໃສຂາວສະອາດ ພັດທະນາຄອບຄົວຂອງຕົນໃຫ້ມີຄຸນນະພາບຊີວິດທີ່ດີ. ສະຫາຍ ປະທານ ຍັງຮຽກຮ້ອງມາຍັງພະນັກງານຫຼັກແຫຼ່ງໃນທົ່ວໂຮງຮຽນ ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງຂອງຕົນ, ຮັດແໜ້ນຄວາມສາມັກຄີໃຫ້ເປັນປຶກແຜ່ນແໜ້ນໜາ, ສືບຕໍ່ປັບປຸງກໍ່ສ້າງພື້ນຖານໂຄງລ່າງກົມກອງໃຫ້ມີຄວາມແໜ້ນໜາຖາວອນ ແລະ ມີຄວາມເຂັ້ມແຂງໃນທຸກດ້ານ, ສ້າງພະນັກງານສືບທອດປ່ຽນແທນທີ່ມີຄຸນນະພາບໃຫ້ກອງທັບ, ສ້າງກົມກອງໃຫ້ກາຍເປັນກົມກອງ 3 ປອດ, ເປັນກົມກອງທີ່ມີແບບແຜນທັນສະໄໝຂຶ້ນໄປເລື້ອຍໆ.
ໂອກາດດັ່ງກ່າວ ສະຫາຍ ພົນຈັດຕະວາ ວົງມະນີຈັັນ ສາມາວົງ ໄດ້ຕາງໜ້າຄະນະພັັກ-ຄະນະອໍານວຍການໂຮງຮຽນ ມອບກະຕ່າຂອງຂວັນໃຫ້ສະຫາຍ ພັນເອກ ພູເວີນ ວົງຄຳຊາວ ອາດີດ ຫົວໜ້າການເມືອງໂຮງຮຽນຕື່ມອີກ.
ຂ່າວໃຫ້ຮູ້ຕືື່ມອີກວ່າ: ໃນວັນທີ 10 ກັນຍາ 2024 ຜ່ານມາ ສະຫາຍ ພັນເອກ ສໍາລີ ຈັນທະວົງ ຫົວໜ້າການເມືອງໂຮງຮຽນກໍ່ສ້າງນາຍສິບທະຫານຮາບເລກ 2 ວຽງໄຊ ພ້ອມຄະນະ ໄດ້ມອບເງິນນະໂຍບາຍຊ່ວຍເຫຼືອເຊີ່ງກັນ ແລະ ກັນ ໃຫ້ສະຫາຍ ພັນໂທ ກອງສ່ຽນ ເມືອງໂຄດ ຮອງຫ້ອງການເມືອງ ທີ່ເຈັບເປັນ ພັກຜ່ອນ ປິ່່ນປົວສຸຂະພາບ ອີກດ້ວຍ.
ໂດຍ : ສົມພົງ ແກ້ວປະເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
