ວັນຈັນ, ວັນທີ 14 ຕຸລາ 2024
ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ ມອບນໍ້າດື່ມ ແລະ ນໍ້າແຟນຕ້າ ອໍເຣນຈ໌ ໃຫ້ຄະນະກໍາມະການຄຸ້ມຄອງໄພພິບັດກະຊວງປ້ອງກັນປະເທດ
ເວລາອອກຂ່າວ: 2024-09-13 15:40:18 | ຜູ້ຂຽນ : admin2 | ຈຳນວນຄົນເຂົ້າຊົມ: 486 | ຄວາມນິຍົມ: 
ໃນວັນທີ 13 ກັນຍາ 2024 ນີ້, ບໍລິສັດ ລາວໂຄຄາ-ໂຄລາ ຈໍາກັດ ໄດ້ມອບນໍ້າດື່ມ ແລະ ນໍ້າແຟນຕ້າ ອໍເຣນຈ໌ ໃຫ້ຄະນະກໍາມະການຄຸ້ມຄອງໄພພິບັດ ກະຊວງປະກັນປະເທດ ເພື່ອໄປມອບຕໍ່ໃຫ້ແກ່ຜູ້ປະສົບໄພພິພັດນໍ້າຖ້ວມຢູ່ບັນດາແຂວງພາກເໜືອຂອງລາວ,ໂດຍການກ່າວມອບຂອງທ່ານ ວັນນະສອນ ລໍາໄຊ ຜູ້ຕາງໜ້າບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ ແລະ ກ່າວຮັບຂອງສະຫາຍ ພົນຕີ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງກອງທັບ.
ໃນນັ້ນ, ປະກອບມີ ນ້ຳດື່ມຂະໜາດ 550 ມິນລີລິດຈໍານວນ 3.500 ແພັກ ມູນຄ່າ 133.000.000 ກີບ ແລະ ມອບນໍ້າ ແຟນຕ້າ ອໍເຣນຈ໌ ຈໍານວນ 2.000 ແພັກ ມູນຄ່າ 189.000.000 ລວມມູນຄ່າທັງໝົດ 322.000.000 ກີບ.
ໂອກາດນີ້, ສະຫາຍ ພົນຕີ ໄພວັນ ຈັນທະພົມມາ ກໍໄດ້ກ່າວສະແດງຄວາມຂອບໃຈມາຍັງ ບໍລິສັດ ລາວ ໂຄຄາ-ໂຄລາ ບ໊ອຕຕລິງ ຈຳກັດ ທີ່ໄດ້ມອບນໍ້າດື່ມ ແລະ ນໍ້າແຟນຕ້າ ອໍເຣຈ໌ ໃຫ້ໃນຄັ້ງນີ້ ແລະ ຈະສືບຕໍ່ນໍາເອົາວັດຖຸປັດໃຈດັ່ງກ່າວນີ້ໄປຊ່ວຍເຫຼືອໃຫ້ແກ່ຜູ້ປະສົບໄພພິບັດຢູ່ບັນດາແຂວງພາກເໜືອຂອງລາວຢ່າງຮີບດ່ວນ ແລະ ທົ່ວເຖິງ.
ຂ່າວໂດຍ: ນາງ ໜູແດງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
