ວັນສຸກ, ວັນທີ 06 ທັນວາ 2024
ທ່ານ ຮາ ຮອກ ຈູນ ເນັ້ນໃຫ້ນັກກິລາທີມຊາດລາວ ຊຸດໃຫຍ່ ມີລະບຽບວິໄນ ໃນການເຝິກຊ້ອມ
ເວລາອອກຂ່າວ: 2024-10-11 09:57:48 | ຜູ້ຂຽນ : admin3 | ຈຳນວນຄົນເຂົ້າຊົມ: 196 | ຄວາມນິຍົມ: 
ໃນໂອກາດທີມຊາດລາວ ຊຸດໃຫຍ່ເດີນທາງໄປເກັບຕົວເຝິກຊ້ອມທີ່ແຂວງປະທຸມທານີ ປະເທດໄທ ໃນຕອນຄ່ຳ ວັນທີ 07 ຕຸລາ 2024, ທ່ານ ຮາ ຮອກ ຈູນ ຄູເຝິກທີມຊາດລາວ ສັນຊາດ ສ ເກົາຫຼີ ໄດ້ມີການປະຊຸມທີມ ເພື່ອຕີລາຄາຖອດຖອນບົດຮຽນໃນການເຝິກຊ້ອມຄັ້ງນີ້, ໃນນັ້ນຄຸເຝິກທີມຊາດລາວໄດ້ກ່າວເນັ້ນຄຳແນະນຳຕໍ່ບັນດານັກກິລາໃຫ້ເອົາໃຈໃສ່ເຂົ້າໃນການເຝິກຊ້ອມ, ມີລະບຽບວິໄນຮັບຟັງຄຳແນະນຳຂອງຄູເຝິກຢ່າງເຂັ້ມງວດ ແລະ ສຳຄັນທຸກຄົນຕ້ອງມີຄວາມສາມັກຄີເປັນຈິດໜຶ່ງໃຈດຽວ ພ້ອມດຽວນັ້ນຍັງໄດ້ມີການແຕ່ງຕັ້ງຫົວໜ້າທີມຊາດລາວ ຊຸດໃຫຍ່ ໃນໄລຍະການເຝິກຊ້ອມ ຢູ່ທີ່ປະເທດໄທ ໂດຍແມ່ນ ບຸນພະຈັນ ບຸນກອງ ເປັນຫົວຫນ້າທີມຊາດລາວ ແລະ ຈ່ຳ ວັນປະເສີດ ເປັນຮອງຫົວຫນ້າທີມຊາດລາວໃນຊຸດນີ້.
ສຳລັບຕອນແລງຂອງ ວັນທີ 8 ຕຸລາ ນີ້, ເວລາ 16:00 ນາທີ, ທີມຊາດລາວ ຊຸດໃຫຍ່ ຈະໄດ້ເຝິກຊ້ອມ ຢູ່ທີ່ສະຫນາມ BANGKADI ແຂວງປະທຸມທານີ ແລະ ຈະສືບຕໍ່ເຝິກຊ້ອມ ຢູ່ທີ່ແຂວງປະທຸມທານີ ຈົນຮອດວັນທີ16 ຕຸລາ 2024 .
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
