ວັນສຸກ, ວັນທີ 06 ທັນວາ 2024
10 ກຳມະການ ຕີລາຄາລວມຄວາມພ້ອມ ກ່ອນຈັດງານກິລາ ນັກຮຽນມັດທະຍົມສຶກສາທົ່ວປະເທດ ຄັ້ງທີ 7 ທີ່ແຂວງສາລະວັນ
ເວລາອອກຂ່າວ: 2024-10-11 11:42:24 | ຜູ້ຂຽນ : admin3 | ຈຳນວນຄົນເຂົ້າຊົມ: 380 | ຄວາມນິຍົມ: 
ຕອນເຊົ້າວັນທີ 9 ຕຸລາ 2024 ທີ່ສະໂມສອນຫ້ອງວ່າການແຂວງສາລະວັນ ໄດ້ມີກອງປະຊຸມຄົບຄະນະ 10 ກຳມະການ ເພື່ອກະກຽມຄວາມພ້ອມໃຫ້ແກ່ງານມະຫະກຳກິລານັກຮຽນມັດທະຍົມ ທົ່ວປະເທດ ຄັ້ງທີ 7 ທີ່ແຂວງສາລະວັນ ຮັບກຽດເປັນເຈົ້າພາບ ພາຍໃຕ້ການເປັນປະທານຮ່ວມຂອງ ທ່ານ ກິ່ງມະໂນ
ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ, ຮອງປະທານຈັດງານມະຫະກຳກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ 7 ແລະ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ຮອງປະທານຈັດງານມະຫະກຳກິລານັກຮຽນມັດທະຍົມສຶກສາ ທົ່ວປະເທດ ຄັ້ງທີ 7, ມີທ່ານ ວິລະວັນ ບຸນສຸກໄທ ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາກະຊວງສຶກສາທິການ ແລະ ກິລາ ທັງເປັນຫົວໜ້າກອງເລຂາຈັດງານດັ່ງກ່າວ ພ້ອມດ້ວຍບັນດາຫົວໜ້າ-ຮອງຫົວໜ້າ 10 ກຳມະການ ແລະ ຄະນະຮັບຜິດຊອບທີ່ກ່ຽວຂ້ອງເຂົ້າຮ່ວມ.
ຄະນະຮັບຜິດຊອບ 10 ກຳມະການ ກໍໄດ້ພັດປ່ຽນກັນຂຶ້ນລາຍງານຄວາມຄືບໜ້າບັນດາໜ້າວຽກທີ່ຕົນຮັບຜິດຊອບ ພ້ອມທັງຂໍ້ສະເໜີ ເພື່ອເຮັດໃຫ້ການຈັດຕັ້ງປະຕິບັດວຽກງານຂອງແຕ່ລະກຳມະການສຳເລັດຕາມຄາດໝາຍທີ່ວາງໄວ້.
ສຳລັບ 10 ກຳມະການ ປະກອບມີ: 1. ກຳມະການກອງເລຂາ, 2. ກຳມະການເຕັກນິກ-ຈັດການແຂ່ງຂັນ, 3. ກຳມະການພິທີເປີດ-ປິດ, 4. ກຳມະການງົບ ປະມານ, ການເງິນ ແລະ ລະດົມທຶນ, 5. ກຳມະການກໍ່ສ້າງ ແລະ ສ້ອມແປງພື້ນຖານໂຄງລ່າງ, 6. ກຳມະການທີ່ພັກ, ອາຫານ, ຂົນສົ່ງ ແລະ ປະດັບປະດາ, 7. ກຳມະການພິທີການຕ້ອນຮັບ ແລະ ຍ້ອງຍໍ, 8. ກຳມະການໂຄສະນາປະຊາສຳພັນ, 9. ກຳມະການແພດ ແລະ ປະຖົມພະຍາບານ, 10. ກຳມະການປ້ອງກັນຊາດ-ປ້ອງກັນຄວາມສະຫງົບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
