ວັນອັງຄານ, ວັນທີ 03 ທັນວາ 2024
ນາດາວ ປະກາດອຳລາວົງການເທັນນິສ
ເວລາອອກຂ່າວ: 2024-10-14 09:56:27 | ຜູ້ຂຽນ : admin3 | ຈຳນວນຄົນເຂົ້າຊົມ: 401 | ຄວາມນິຍົມ: 
ສື່ກິລາຊື່ດັງຫຼາຍແຫ່ງລາຍງານວ່າ: ຣາຟາເອວ ນາດາວ ຍອດນັກເທັນນິສ ຊາວແອັດສະປາຍ ເຈົ້າຂອງແຊັມເທັນນິສລາຍການ ແກຣນສະແລມ 22 ສະໄໝ ແລະ ອີກ 14 ສະໄໝ ລາຍການ ເຟນ ໂອເພັນ ອອກມາປະກາດຢືນຢັນຕໍ່ສື່ວ່າ, ຕົນເອງຈະລົງຫຼິ້ນເປັນນັດສຸດທ້າຍໃນກິລາເທັນນິສອາຊີບພາຍໃນເດືອນ ພະຈິກ ທີ່ຈະມາເຖິງນີ້, ກ່ອນຈະອຳລາວົງການ ຈະລົງຫຼິ້ນໃນລາຍການ ເດວິດ ຄັບ ໄຟນອລ ທີ່ຈະຂຶ້ນທີ່ເມືອງມາລາກາ ປະເທດ ແອັດສະປາຍ ເຊິ່ງເປັນບ້ານເກີດຂອງລາວເອງ.
ຣາຟາເອວ ນາດາວ ໂພສວີດີໂອທີ່ມີຄວາມຍາວປະມານ 5 ນາທີ ໃນສື່ອອນລາຍ ໂດຍລະບຸວ່າ: ຂໍຂອບໃຈທຸກຄົນ ແລະ ທຸກພາກສ່ວນທີ່ໃຫ້ກຳລັງໃຈແຮງເຊຍ, ສະໜັບສະໜູນຕະຫຼອດມາໃນການລົງຫຼິ້ນທຸກສະໜາມ. ພ້ອມທັງກ່າວອຳລາວົງການເທັນນິສອາຊີບ ແລະ ຍັງລະບຸຕື່ມວ່າ, ຫຼາຍປີທີ່ຜ່ານມາເປັນໄລຍະເວ
ລາທີ່ຍາກລຳບາກທີ່ສຸດໃນການຫຼິ້ນເທັນນິສອາຊີບ ໂດຍສະເພາະໄລຍະ 2 ປີທີ່ຜ່ານມານັ້ນແມ່ນເນື່ອງຈາກແຮງກົດດັນຫຼາຍຢ່າງ ແລະ ຮ່າງກາຍທີ່ບາດເຈັບ. ພ້ອມທັງກ່າວສັ້ນໆຕອນທ້າຍວ່າທຸກຢ່າງມີຈຸດເລີ່ມຕົ້ນ ແລະ ມີຈຸດສິ້ນສຸດ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
