ວັນອາທິດ, ວັນທີ 27 ເມສາ 2025
ທະຫານເມືອງນາແລ ແຂວງຫຼວງນ້ຳທາ ປິດຊຸດອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-10-14 10:03:19 | ຜູ້ຂຽນ : admin3 | ຈຳນວນຄົນເຂົ້າຊົມ: 464 | ຄວາມນິຍົມ: 
ໃນວັນທີ 3 ຕຸລາ 2024, ກອງບັນຊາການທະຫານເມືອງນາແລ ແຂວງຫຼວງນ້ຳທາ ໄດ້ປິດຊຸດອົບຮົມ-ຫັດແອບ ການເມືອງ, ການທະຫານ ແລະ ພະລາທິການ-ເຕັກນິກ ປະຈຳປີ 2024, ໂດຍການເປັນປະທານຂອງ ສະຫາຍ ພັນໂທ ບຸນແພງ ໄຊສົງຄາມ ຫົວໜ້າການທະຫານ ກອງບັນຊາການທະຫານເມືອງນາແລ, ມີສະຫາຍ ອິນແພງ ແສງມີໄຊ ຮອງເຈົ້າເມືອງ ເມືອງນາແລ, ປກສ ເມືອງ, ຄະນະພັກ-ຄະນະບັນຊາ ຂະແໜງການທີ່ກ່ຽວຂ້ອງ ຕະຫຼອດຮອດ ພະນັກງານ-
ນັກຮົບ ເຂົ້າຮ່ວມ.
ສະຫາຍ ພັນໂທ ບຸນແພງ ໄຊສົງຄາມ ໄດ້ຜ່ານບົດສະຫຼຸບຊຸດອົບຮົມ-ຫັດແອບ ການເມືອງ, ການທະຫານ ແລະ ພະລາທິການ-ເຕັກນິກ ປະຈຳປີ 2024. ຜ່ານການເຝິກອົບຮົມ-ຫັດແອບຕົວຈິງ ສາມາດສະຫຼຸບຕີລາຄາຜົນໄດ້ຮັບ ພາກການເມືອງບັນລຸໄດ້ 92,24%; ພາກສິລະປະຍຸດ 93,71%; ພາກຍຸດທະວິທີ 85,70%; ພາກພະລາທິການ-ເຕັກນິກ 84,80% ແລະ ພາກລະບຽບຮູບແຖວ-ກິລາ 95,88%.
ສະຫາຍ ອິນແພງ ແສງມີໄຊ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບ ຄູ-ອາຈານ, ຕະຫຼອດຮອດ ສຳມະນາກອນ ທີ່ໄດ້ພ້ອມກັນຜ່ານຜ່າຂໍ້ຫຍຸ້ງຍາກ ເຮັດໃຫ້ຊຸດອົບຮົມໃນຄັ້ງນີ້ ສຳເລັດໄປດ້ວຍດີ, ພ້ອມທັງຮຽກຮ້ອງໃຫ້ນາຍ ແລະ ພົນທະ ຫານ ຈົ່ງເອົາໃຈໃສ່ການສຶກສາອົບຮົມການເມືອງ-ນຳພາແນວຄິດ, ຍົກສູງຄວາມສາມະຄີພາຍໃນໃຫ້ແໜ້ນແຟ້ນ; ສຳລັບສຳມະນາກອນ ຈົ່ງນຳເອົາຄວາມຮູ້ ຄວາມສາມາດ ບົດຮຽນໄປໝູນໃຊ້ເຂົ້າໃນໜ້າທີ່ວຽກງານຂອງຕົນໃຫ້ໄດ້ຮັບຜົນ ແລະ ຮັບປະກັນຄວາມປອດໄພ ໃນການເຄື່ອນໄຫວ ປະຕິບັດໜ້າທີ່ວຽກງານ ໃຫ້ທັນກັບສະພາບການ ເພື່ອເຮັດໃຫ້ຂອບເຂດຄວາມຮັບຜິດຊອບມີຄວາມສະຫງົບໂດຍພື້ນຖານ.
ໂດຍ : ບຸນເສີດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
