POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 18 ມີນາ 2025

ເປີດກິດຈະກຳກວດສຸຂະພາບ, ປິ່ນປົວ ແລະ ຈ່າຍຢາໂດຍບໍ່ເສຍຄ່າ ໃຫ້ປະຊາຊົນບໍລິເວນຊາຍແດນ ລາວ-ຫວຽດນາມ
ເວລາອອກຂ່າວ: 2024-10-14 10:09:48 | ຜູ້ຂຽນ : admin3 | ຈຳນວນຄົນເຂົ້າຊົມ: 493 | ຄວາມນິຍົມ:

ພິທີເປີດການເຄື່ອນໄຫວກິດຈະກຳກວດສຸຂະພາບ, ປິ່ນປົວພະຍາດ ແລະ ຈ່າຍຢາໂດຍບໍ່ເສຍຄ່າ ໃຫ້ປະຊາຊົນ ບໍລິເວນຊາຍແດນ ລາວ-ຫວຽດນາມ ຢູ່ເມືອງ ສົບເບົາ ແຂວງຫົວພັນ ແລະ ຢູ່ຕາແສງລ່ອງເສິບ ເມືອງມົກເຈົາ ແຂວງເຊິນລາ ໄດ້ຈັດຂຶ້ນໃນວັນທີ 12 ຕຸລາ 2024 ນີ້, ຢູ່ທີ່ໂຮງໝໍຊຸມຊົນເມືອງສົບເບົາ, ໂດຍມີ ສະຫາຍ ພັນເອກ ເຄນທອງ ວັດທະນະຄຳ ຮອງຫົວໜ້າກົມເສນາຮັກ ກົມໃຫຍ່ພະລາທິການກອງທັບປະຊາຊົນລາວ, ສະຫາຍ ພັນເອກ ພິເສດ ຮຈ ປອ ເລວັນດົງ ຮອງຫົວໜ້າກົມເສນາຮັກ ກອງທັບປະຊາຊົນຫວຽດນາມ, ມີອົງການປົກຄອງເມືອງ, ບັນດາທ່ານໝໍ, ພະຍາບານ ແລະ ໜ່ວຍງານວິຊາການ ຈາກ 2 ກົມເສນາຮັກ ກອງທັບປະຊາຊົນລາວ-ຫວຽດນາມ ເຂົ້າຮ່ວມ. ສະຫາຍ ພັນເອກ ເຄນທອງ ວັດທະນະຄຳ ໄດ້ກ່າວວ່າ: ວຽກງານຮັກສາສຸຂະພາບ ເປັນວຽກງານໜຶ່ງທີ່ມີຄວາມສຳຄັນ ແລະ ກໍເປັນວຽກງານຕົ້ນຕໍຂອງພະ ນັກງານແພດໝໍ ນອກຈາກຈະປິ່ນປົວຄົນເຈັບຢູ່ໃນໂຮງໝໍແລ້ວ ຍັງຈະໄດ້ລົງພື້ນຖານເບິ່ງແຍງດູແລສຸຂະພາບ ໃຫ້ພໍ່ແມ່ປະຊາຊົນທີ່ຢູ່ເຂດທຸລະກັນດານ, ຫ່າງໄກສອກຫຼີກນຳອີກ. ການດຳເນີນກິດຈະກຳກວດສຸຂະພາບ, ປິ່ນປົວພະຍາດ ແລະ ແຈກຢາໂດຍບໍ່ເສຍຄ່າໃຫ້ພໍ່ແມ່ປະຊົນໃນຄັ້ງນີ້ ແມ່ນເພື່ອເປັນການຊ່ວຍເຫຼືອພໍ່ແມ່ປະຊາຊົນເຂດຫ່າງໄກສອກຫຼີກ ໂດຍສະເພາະແມ່ນເຂດທີ່ໝັ້ນພື້ນຖານການປະຕິວັດ ເມືອງສົບເບົາ ແຂວງຫົວພັນ ໃຫ້ມີສຸຂະພາບແຂງແຮງ ປາສະຈາກໂລກໄພໄຂ້ເຈັບ, ເຊິ່ງກິດຈະກຳດັ່ງກ່າວ ເປັນໜຶ່ງໃນກິດຈະກຳຂອງງານພົບປະແລກປ່ຽນມິດຕະພາບວຽກງານປ້ອງກັນຊາດ ຊາຍແດນ ຂັ້ນລັດຖະມົນຕີ ລາວ-ຫວຽດນາມ ຄັ້ງທີ 2 ຢູ່ດ່ານຊາຍແດນປ່າຮ່າງ ເມືອງສົບເບົາ ແຂວງຫົວພັນ, ທັງເປັນການຖອດຖອນບົດຮຽນ ແລະ ແລກປ່ຽນປະສົບການທາງດ້ານການແພດ ລະຫວ່າງກົມເສນາຮັກ ກົມໃຫຍ່ພະລາທິການກອງທັບປະຊາຊົນລາວ ແລະ ກົມເສນາຮັກ ກອງທັບປະຊາຊົນຫວຽດນາມ ທີ່ມີມູນເຊື້ອມາຍາວນານນັ້ນ ໃຫ້ນັບມື້ໜັກແໜ້ນຢ່າງບໍ່ຢຸດຢັ້ງ. ສະຫາຍ ພັນເອກ ພິເສດ ຮຈ ປອ ເລວັນດົງ ໄດ້ເນັ້ນໃຫ້ພະນັກງານວິຊາການແພດໝໍ ທັງ 2 ພາກສ່ວນ ແລະ ສາທາທ້ອງຖິ່ນ ຍົກສູງຄວາມຮັບຜິດຊອບຕໍ່ໜ້າທີ່ຂອງຕົນ, ປະສານສົມທົບກັນຢ່າງແໜ້ນແຟ້ນ ເພື່ອເຮັດສຳເລັດໜ້າທີ່ ໃນການກວດ ແລະ ປິ່ນປົວພະຍາດໃຫ້ແກ່ຄົນເຈັບ ເປັນຢ່າງດີ ແລະ ຮັບປະກັນຄວາມປອດໄພໃນທຸກດ້ານ ພ້ອມກັນນັ້ນ, ກໍໄດ້ເນັ້ນຕື່ມວ່າ: ໃນໄລຍະປະຕິບັດໜ້າທີ່ ພະນັກງານວິຊາການແພດໝໍທັງສອງຝ່າຍ ຕ້ອງເພີ່ມທະວີການແລກປ່ຽນ, ຖອດຖອນບົດຮຽນເຊິ່ງກັນ ແລະ ກັນດ້ວຍຄວາມຮັບຜິດຊອບສູງ ເພື່ອຍົກລະດັບຄວາມຮູ້ຄວາມສາມາດຂອງພະນັກງານວິຊາການແພດໝໍທັງສອງຝ່າຍ ໃຫ້ນັບມື້ສູງຂຶ້ນຢ່າງບໍ່ຢຸດຢັ້ງ. ການເຄື່ອນໄຫວກິດຈະກຳກວດສຸຂະພາບ, ປິ່ນປົວພະຍາດ ແລະ ຈ່າຍຢາໂດຍບໍ່ເສຍຄ່າ ໃນຄັ້ງນີ້ ແມ່ນໄດ້ຈັດຕັ້ງຄະນະທິມແພດຈາກກົມເສນາຮັກ ສອງກອງທັບ ລາວ-ຫວຽດນາມ ຮ່ວມກັນກວດສຸຂະພາບ, ປິ່ນປົວພະຍາດ ແລະ ຈ່າຍຢາໂດຍບໍ່ເສຍຄ່າ ໃຫ້ປະຊາຊົນ ເຊິ່ງໄດ້ຈັດຕັ້ງເປັນ 3 ຈຸດບໍລິການ ຄື: ຢູ່ໂຮງໝໍຊຸມຊົນເມືອງສົບເບົາ, ຢູ່ໂຮງຮຽນປະຖົມ-ມັດຖະຍົມປ່າຮ່າງ ແລະ ຢູ່ສຸກສາລາມິດຕະພາບ ຄ້າຍທະຫານຊາຍແດນ ດ່ານລ່ອງເສິບ ເມືອງມົກເຈົາ ແຂວງເຊີນລາ. ກິດຈະກຳດັ່ງກ່າວຈະໄດ້ດຳເນີນໄປເປັນເວລາ 3 ວັນ.

news to day and hot news