ວັນຈັນ, ວັນທີ 11 ພຶດສະພາ 2026
ທະຫານແຂວງຫຼວງພະບາງ ຜ່ານແຜນການ, ມອບໝາຍໜ້າທີ່ໃຫ້ອານຸກໍາມະການສໍາຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V
ເວລາອອກຂ່າວ: 2024-10-21 14:23:53 | ຜູ້ຂຽນ : admin2 | ຈຳນວນຄົນເຂົ້າຊົມ: 2919 | ຄວາມນິຍົມ: 
ກອງປະຊຸມເຜີຍແຜ່ແຜນການ, ມອບໝາຍໜ້າທີ່ໃຫ້ອານຸກໍາມະການ ສໍາຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ V ປີ 2025 ຂອງກອງບັນຊາການທະຫານແຂວງຫຼວງພະບາງ ໄດ້ຈັດຂຶ້ນໃນວັນທີ 17 ຕຸລາ 2024 ນີ້, ໂດຍການເປັນປະທານຂອງ ສະຫາຍ ພົນຈັດຕະວາ ວິລ່ຽມ ວົງທິສານ ຫົວໜ້າການທະຫານກອງບັນຊາການທະຫານແຂວງຫຼວງພະບາງ, ມີຄະນະພັກ-ຄະນະບັນຊາອົງການ 6 ຫ້ອງ, ພະແນກການ ແລະ ພະນັກງານຫຼັກແຫຼ່ງທີ່ກ່ຽວຂ້ອງເຂົ້າຮ່ວມ.
ສະຫາຍ ພັນເອກ ຄໍາສອນ ໂພທິວັນ ຫົວໜ້າຫ້ອງເສນາທະຫານແຂວງ ໄດ້ຂຶ້ນຜ່ານແຜນການ ແລະ ຜ່ານຂໍ້ຕົກລົງຂອງກອງບັນຊາການທະຫານແຂວງຫຼວງພະບາງ ວ່າດ້ວຍການແຕ່ງຕັ້ງຄະນະຮັບຜິດຊອບ ການເດີນສໍາຫຼວດພົນລະເມືອງ ແລະ ທີ່ຢູ່ອາໄສ, ເພື່ອເປັນພື້ນຖານໃຫ້ແກ່ການກະກຽມ ແລະ ດໍາເນີນການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ຂອງກອງທັບ, ໃຫ້ມີຄວາມເປັນເອກະພາບ ແລະ ຖືກຕ້ອງຕາມກໍານົດເວລາຂອງສູນສະຖິຕິແຫ່ງຊາດ, ສ່ວນຂອບເຂດ ແລະ ເປົ້າໝາຍການສໍາຫຼວດຂອງກອງບັນຊາການທະຫານແຂວງຫຼວງພະບາງ ແມ່ນບັນດາອົງການ 6 ຫ້ອງ, ສະຫະພັນນັກຮົບເກົ່າແຂວງ, ກອງບັນຊາການທະຫານເມືອງ 11 ເມືອງ ແລະ 1 ນະຄອນ, ບັນດາກອງພັນ, ກອງຮ້ອຍເອກະລາດ, ສູນເສຍອົງຄະ, ໂຮງຮຽນການທະຫານທ້ອງຖິ່ນ ແລະ ບັນດາໜ່ວຍງານທີ່ຂຶ້ນກັບກອງບັນຊາການທະຫານແຂວງ, ເຊິ່ງການເດີນສໍາຫຼວດຈະປະຕິບັດໃຫ້ສໍາເລັດພາຍໃນ 21 ວັນ, ໃນລະຫວ່າງວັນທີ 10 ກຸມພາ 2025 - 29 ມີນາ 2025. ການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດໃນຄັ້ງນີ້, ແມ່ນເພື່ອເກັບກໍາຂໍ້ມູນກ່ຽວກັບພົນລະເມືອງ ແລະ ທີ່ຢູ່ອາໄສພົນລະເມືອງຂອງ ສປປ ລາວ ເພື່ອເກັບກໍາມີຂໍ້ມູນພື້ນຖານໃຫ້ແກ່ການວາງແຜນນະໂຍບາຍດ້ານປະຊາກອນ ແລະ ຄຸ້ມຄອງພົນລະເມືອງ, ທັງເປັນບ່ອນອີງໃຫແກ່ການພັດທະນາຊັບພະຍາກອນມະນຸດ ຮອງຮັບການພັດທະນາເສດຖະກິດສັງຄົມ ລວມທັງສະພາບການເຄື່ອນໄຫວຂອງພົນລະເມືອງໃນທຸກໆ 10 ປີ.
ຂ່າວ: ບຸນເພັງ ວົງແກ້ວມະນີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
