POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 03 ທັນວາ 2024

ເຈົ້າໜ້າທີ່-ຜູ້ປະກອບການ 5 ແຂວງພາກເໜືອ ຮຽນຮູ້ວຽກງານ ອີຊີໂອ
ເວລາອອກຂ່າວ: 2024-10-24 08:58:36 | ຜູ້ຂຽນ : admin3 | ຈຳນວນຄົນເຂົ້າຊົມ: 153 | ຄວາມນິຍົມ:

ເມື່ອບໍ່ດົນຜ່ານມານີ້, ກົມການຄ້າຕ່າງປະເທດ ກະຊວງອຸດສາຫະກຳ ແລະ ການຄ້າ ຮ່ວມກັບ ອົງການພັດທະນາສາກົນ ສະຫະລັດອາເມຣິິກາ ຜ່ານໂຄງການສ້າງສະພາບແວດລ້ອມ ທີ່ເອື້ອອຳນວຍໃຫ້ແກ່ພາກທຸລະກິດ (USAID) ໄດ້ຈັດເຝິກ ອົບຮົມ ກ່ຽວກັບການນຳໃຊ້ລະບົບອອກໃບຢັ້ງຢືນ ແຫຼ່ງກຳເນີດສິນຄ້າທາງເອເລັກໂຕຣນິກ ຫຼື ອີຊີໂອ (e-CO) ໃຫ້ບັນດາເຈົ້າໜ້າທີ່ ແລະ ຜູ້ປະກອບການ 5 ແຂວງພາກເໜືອ ເຊິ່ງເປັນຄວາມພະຍາຍາມຢ່າງຕໍ່ເນື່ອງຂອງກະຊວງອຸດສາຫະກຳ ແລະ ການຄ້າ ໃນການສ້າງຄວາມເຂັ້ມແຂງ ແລະ ຄວາມຊຳນານໃຫ້ແກ່ເຈົ້າໜ້າທີ່ລັດ ແລະ ຜູ້ປະກອບການໃນການນຳໃຊ້ລະບົບອອກໃບຍັ້ງຢືນ ແຫຼ່ງກຳເນີດສິນຄ້າ ທາງເອເລັກໂຕຣນິກ ຮຸ່ນປັບປຸງໃໝ່ ທີ່ໄດ້ເປີດນຳໃຊ້ເປັນທາງການໃນວັນທີ 31 ກໍລະກົດ2024. ທ່ານ ພຸດສະຫວັນ ຂຸນຈັນທະ ຮອງຫົວໜ້າກົມການຄ້າຕ່າງປະເທດ ໄດ້ໃຫ້ຮູ້ວ່າ: ການເຝິກອົບຮົມຄັ້ງນີ້, ເປັນການສ້າງຄວາມເຂັ້ມແຂງໃຫ້ແກ່ພາກລັດ ແລະ ພາກທຸລະກິດ ໃນການນຳໃຊ້ລະບົບ e-CO ແນໃສ່ອຳນວຍຄວາມສະດວກໃຫ້ແກ່ການສົ່ງອອກ ແລະ ປັບປຸງສະພາບແວດລ້ອມໃນການດຳເນີນທຸລະກິດ ແລະ ຊ່ວຍສ້າງໂອກາດໃໝ່ໆ ສຳລັບການເຕີບໂຕທາງດ້ານເສດຖະກິດຂອງ ສປປ ລາວ. ລະບົບ e-CO, ເປັນເຄື່ອງມືອຳນວຍຄວາມສະດວກໃນການຍື່ນຂໍ ແລະ ອອກໃບ ຢັ້ງຢືນແຫຼ່ງກຳເນີດສິນຄ້າ ທີ່ໄດ້ຮັບສິດທິພິເສດທາງການຄ້າ, ຊ່ວຍໃຫ້ບັນດາວິສາຫະກິດ ສາມາດຮຽກຮ້ອງສິດທິພິເສດທາງການຄ້າ ລະຫວ່າງປະເທດ. ທ່ານ ຊາຍຄຳ ພົມບົວທອງ ຮອງຫົວໜ້າພະແນກ ອຸດສາຫະກຳ ແລະ ການຄ້າ ແຂວງອຸດົມໄຊ ໄດ້ສະແດງຄວາມຂອບໃຈ ຕໍ່ກົມການຄ້າຕ່າງປະເທດ ແລະ ໂຄງການ USAID ທີ່ໄດ້ຈັດຊຸດເຝິກອົບຮົມໃນຄັ້ງນີ້, ເຮັດໃຫ້ພວກເຮົາມີຄວາມເຂົ້າ ໃຈໃນລະບົບ e-CO ຫຼາຍຂຶ້ນ ແລະ ຈະຊ່ວຍປັບປຸງການບໍລິການອອກໃບຍັ້ງຢືນແຫຼ່ງກຳເນີດສິນຄ້າທາງເອເລັກໂຕຣນິກໃຫ້ແກ່ພາກທຸລະກິດພາຍໃນແຂວງອຸດົມໄຊ ແລະ ບັນດາແຂວງພາກເໜືອ ດີຂຶ້ນເປັນກ້າວໆ. ສຳລັບ ພາກສ່ວນໃດທີ່ສົນໃຈໃນຂໍ້ມູນ ກ່ຽວກັບການອອກໃບຢັ້ງຢືນແຫຼ່ງກຳເນີດສິນຄ້າທາງເອເລັກໂຕຣນິກ ທີ່ໄດ້ຮັບສິດທິພິເສດ ສາມາດສອບຖາມລາຍລະອຽດເພີ່ມຕື່ມໄດ້ທີ່ພະແນກຄຸ້ມຄອງແຫຼ່ງກຳເນີດສິນຄ້າ ກົມການຄ້າຕ່າງປະເທດ ກະຊວງອຸດສາຫະກຳ ແລະ ການຄ້າ. ຕິດຕໍ່ໄດ້ທ່ີເບີໂທ: 021 450 255 ຫຼື ສຶກສາຂໍ້ມູນໄດ້ທີ່ເວັບໄຊ https://ecolao.gov.la.

news to day and hot news