ວັນສຸກ, ວັນທີ 06 ທັນວາ 2024
ກອງປະຊຸມເຈົ້າໜ້າທີ່ອາວຸໂສສະພາດັດສົມ ໂທລະຄົມມະນາຄົມ ອາຊຽນ ຄັ້ງທີ 30
ເວລາອອກຂ່າວ: 2024-10-25 09:15:06 | ຜູ້ຂຽນ : admin3 | ຈຳນວນຄົນເຂົ້າຊົມ: 200 | ຄວາມນິຍົມ: 
ກອງປະຊຸມສະພາດັດສົມໂທລະຄົມມະນາຄົມອາຊຽນ (ATRC) (The 30th ASEAN Telecommunication Regulatory’ Council leaders ‘ Retreat Meeting) ຄັ້ງທີ 30 ໄດ້ໄຂຂຶ້ນໃນວັນທີ 23 ຕຸລາ ນີ້ ທີ່ໂຮງແຮມລາວພລາຊາ ນະຄອນຫຼວງວຽງຈັນ, ໂດຍການເປັນປະທານໝູນວຽນຂອງ ສປປ ລາວ ໂດຍທ່ານ ນາງ ພາວັນນາ ດວງບຸບຜາ ຮອງຫົວໜ້າອົງການດັດສົມໂທ ລະຄົມ, ເຈົ້າໜ້າທີ່ດັດສົມໂທລະຄົມມະນາຄົມ ຂອງ ສປປ ລາວ, ໂດຍການກ່າວເປີດກອງປະ ຊຸມຂອງ ທ່ານ ພູຂົງ ຈິດຮູບໂລກ ຫົວໜ້າຫ້ອງການກອງເລຂາກອງທຶນພັດທະນາໂທລະຄົມມະ ນາຄົມ ແລະ ການຫັນເປັນດີຈີຕອນ, ເຈົ້າໜ້າທີ່ອາວຸດໂສດີຈີຕອນຂອງ ສປປ ລາວ ກອງປະຊຸມດັ່ງກ່າວມີຕາງໜ້າເຈົ້າໜ້າ ອາວຸໂສ 10 ປະເທດອາຊຽນ ແລະ ຄະນະຮັບຜິດຊອບເຂົ້າຮ່ວມຫຼາຍກວ່າ 50 ທ່ານ. ຫົວໜ້າຄະນະຜູ້ແທນຂອງ ສປປ ລາວ ນຳພາໂດຍ ທ່ານ ສຸດໃຈ ລໍລອນສີ ຫົວໜ້າອົງການດັດສົມໂທລະຄົມມະ ນາຄົມ ພ້ອມດ້ວຍຄະນະ.
ກອງປະຊຸມຄັ້ງນີ້ ແມ່ນໜຶ່ງໃນກອງປະຊຸມຍ່ອຍຂອງກອງປະຊຸມເຈົ້າໜ້າທີ່ອາວຸໂສດີຈີຕອນອາຊຽນ (ADGSOM) ທີ່ຈັດຂຶ້ນຢູ່ນະຄອນຫຼວງວຽງຈັນ ໃນລະຫວ່າງວັນທີ 24-25 ຕຸລາ ນີ້ ເຊິ່ງກອງປະຊຸມມື້ທີໜຶ່ງຈະປຶກ ສາຫາລືກ່ຽວກັບວຽກໂທລະ ຄົມມະນາຄົມ, ລະບຽບການ ແລະ ນະໂຍບາຍການຫັນເປັນດີຈີ ຕອນຂອງບັນດາປະເທດສະມາຊິກອາຊຽນ ແລະ ມື້ທີສອງຈະປຶກສາຫາລາລືກັບຄູ່ຮ່ວມເຈລະຈາກັບ ສປ ຈີນ, ຍີ່ປຸ່ນ, ສະຫະພັນຣັດ ເຊຍ ແລະ ອົງການໂທລະຄົມມະ ນາຄົມ ອາຊີ-ປາຊິຟິກ (Asia-Pacific Telecommunication-APT).
ໂດຍ: ເຫຼັກເຊຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
