POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ລາວ-ກຳປູເຈຍ ສືບຕໍ່ເພີ່ມທະວີ ຮັດແໜ້ນການຮ່ວມມືດ້ານນິຕິບັນຍັດ
ເວລາອອກຂ່າວ: 2024-10-25 09:19:12 | ຜູ້ຂຽນ : admin3 | ຈຳນວນຄົນເຂົ້າຊົມ: 201 | ຄວາມນິຍົມ:

ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ ໄດ້ພົບປະກັບ ສົມເດັດ ມະຫາຣັດສະເພຍທິກາ ທິພະໄດ ຄູນ ສຸດາຣິ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ ໃນວັນທີ 23 ຕຸລາ ນີ້ ທີ່ ຫໍສະພາແຫ່ງຊາດ, ໃນໂອກາດເດີນທາງເຂົ້າຮ່ວມກອງປະຊຸມໃຫຍ່ສະມັດ ຊາລັດຖະສະພາລະຫວ່າງຊາດ ອາຊຽນ (AIPA) ຄັ້ງທີ 45 ທີ່ ສປປ ລາວ ເປັນເຈົ້າພາບ. ໃນໂອກາດດັ່ງກ່າວ, ທ່ານ ໄຊສົມພອນ ພົມວິຫານ ໄດ້ຕີລາຄາສູງຕໍ່ການເດີນທາງມາເຂົ້າຮ່ວມກອງປະຊຸມໄອປາ ຄັ້ງທີ 45 ທີ່ ສປປ ລາວ ເປັນເຈົ້າພາບ ຂອງ ສົມເດັດ ມະຫາຣັດສະເພຍທິກາ ທິພະໄດ ຄູນ ສຸດາຣິ ເຊິ່ງເປັນການປະກອບສ່ວນສືບຕໍ່ເສີມຂະຫຍາຍສາຍພົວພັນມິຕະພາບທີ່ເປັນມູນເຊື້ອ, ການພົວພັນແບບຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ສອງປະເທດ ລາວ-ກຳປູເຈຍ ທັງເປັນການໃຫ້ກຳລັງໃຈ ແລະ ສະໜັບສະໜູນ ສະພາແຫ່ງຊາດລາວ ປະຕິບັດພັນທະສາກົນໃຫ້ ສຳເລັດຢ່າງຈົບງາມ. ຂໍຖືໂອ ກາດນີ້, ຝາກຄວາມຢື້ຢາມຖາມຂ່າວ ແລະ ຄຳເຊີນຜ່ານສົມເດັດປະທານສະພາແຫ່ງຊາດ ໄປຍັງ ສົມເດັດ ຮຸນເຊນ ປະທານສະພາສູງ ແຫ່ງ ຣາຊະອານາຈັກກຳປູເຈຍ ມາຢ້ຽມຢາມ ສປປ ລາວ ຢ່າງເປັນທາງການ ໃນວັນເວລາທີ່ເໝາະສົມ. ປະທານສະພາແຫ່ງຊາດ ກຳປູເຈຍ ໄດ້ສະແດງຄວາມຂອບ ໃຈຢ່າງຈິງໃຈ ຕໍ່ຄຳເວົ້າອັນຈົບ ງາມຕໍ່ສາຍພົວພັນມິດຕະພາບ ແລະ ການຮ່ວມມືລະຫວ່າງສອງ ຊາດ ກໍຄືລະຫວ່າງສອງອົງການ ນິຕິບັນຍັດ ແລະ ໄດ້ແຈ້ງສະພາບ ການອັນພົ້ນເດັ່ນໃນການພັດທະ ນາເສດຖະກິດ-ສັງຄົມ ຂອງກຳ ປູເຈຍ, ສະພາບການເຄື່ອນໄຫວ ຂອງສະພາແຫ່ງຊາດກຳປູເຈຍ ແລະ ບັນຫາອື່ນໆ ໃຫ້ແກ່ ທ່ານ ປະທານສະພາແຫ່ງຊາດ ແຫ່ງ ສປປ ລາວ ພ້ອມຄະນະໄດ້ຮັບຊາບ. ທ່ານ ໄຊສົມພອນ ພົມວິຫານ ໄດ້ຕີລາຄາສູງ ຕໍ່ບັນດາຜົນສຳ ເລັດອັນໃຫຍ່ຫຼວງໃນຫຼາຍດ້ານ ທີ່ປະຊາຊົນກຳປູເຈຍ ສ້າງມາໄດ້ ເຮັດໃຫ້ຣາຊະອານາຈັກກຳ ປູເຈຍ ມີສະຖຽນລະພາບດ້ານການເມືອງ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປົວແປງດີຂຶ້ນເປັນກ້າວໆ ແລະ ບົດບາດອິດທິພົນຊື່ສຽງຂອງກຳປູເຈຍ ນັບມື້ນັບໄດ້ຮັບການຍົກສູງຂຶ້ນ ໃນເວທີພາກພື້ນ ແລະ ສາກົນ. ສຳລັບ ສປປ ລາວ ໄດ້ເອົາໃຈໃສ່ປະຕິບັດນະໂຍບາຍເຊື່ອມໂຍງ ເຊື່ອມຈອດ ເພື່ອຫັນ ປ່ຽນຈາກເປັນປະເທດ ບໍ່ມີທາງອອກສູ່ທະເລ ເປັນປະເທດເຊື່ອມຈອດໃນພາກພື້ນ ແລະ ສາກົນ ໂດຍຖືເອົາເສັ້ນທາງລົດໄຟ ລາວ-ຈີນ ເປັນທ່າແຮງໃນການຂົນສົ່ງສິນຄ້າ ແລະ ການທ່ອງທ່ຽວ ຈາກບັນດາປະເທດອາຊຽນໄປ ສູ່ ສປ ຈີນ ແລະ ປະເທດອື່ນໆ. ພ້ອມນີ້, ກໍມີແຜນຈະສ້າງເສັ້ນ ທາງລົດໄຟ, ທາງດ່ວນ ຈາກນະ ຄອນຫຼວງວຽງຈັນ ໄປສູ່ພາກກາງ ແລະ ພາກໃຕ້ ຂອງ ສປປ ລາວ ແລະ ເຊື່ອມຕໍ່ປະເທດໃກ້ຄຽງ ເຊິ່ງລວມທັງຣາຊະອາ ນາຈັກກຳປູເຈຍ ທີ່ມີທ່າແຮງຫຼາຍດ້ານໃນການຮ່ວມມື ແລະ ພັດທະນາຮ່ວມກັນ. ທ່ານ ໄຊສົມພອນ ພົມວິຫານ ຕີລາຄາສູງ ຕໍ່ການພົວພັນ ແລະ ການຮ່ວມມືລະຫວ່າງ ລາວ ແລະ ກຳປູເຈຍ ທີ່ໄດ້ຮັດແໜ້ນ ແລະ ເສີມຂະຫຍາຍຢ່າງຕໍ່ເນື່ອງ ເຊິ່ງສະແດງອອກໃນການແລກປ່ຽນຄະນະຜູ້ແທນຂັ້ນສູງສຸດ ແລະ ຂັ້ນຕ່າງໆ ນັບແຕ່ສູນກາງຮອດທ້ອງຖິ່ນຢ່າງເປັນປົກກະຕິ ນອກນີ້, ບັນດາຂະແໜງການຂອງ ສອງປະເທດ ກໍມີການພົວພັນຮ່ວມມື ແລະ ການຊ່ວຍເຫຼືອເຊິ່ງ ກັນ ແລະ ກັນ ເຊິ່ງໄດ້ມີສົນທິ ສັນຍາ, ສັນຍາ, ບົດບັນທຶກ ແລະ ນິຕິກຳອື່ນໆ ນຳກັນ ທີ່ພົວພັນເຖິງການຮ່ວມມືດ້ານການເມືອງ-ການຕ່າງປະເທດ, ວຽກງານປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ ດ້ານພະລັງງານ, ການຄົມມະນາຄົມ-ຂົນສົ່ງ, ການສຶກສາ-ກິລາ, ການທ່ອງທ່ຽວ ແລະ ອື່ນໆ. ຕີລາຄາສູງ ຕໍ່ຜົນສຳ ເລັດການຢ້ຽມຢາມ ສປປ ລາວ ຂອງ ສົມເດັດ ມະຫາ ບໍວໍ ທິບໍດີ ຮຸນ ມາເນັດ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ ພ້ອມຄະນະ ໃນຕົ້ນປີ 2024 ແລະ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44-45 ແລະ ກອງປະຊຸມສຸດຍອດກ່ຽວຂ້ອງ ທີ່ຫາກໍສຳເລັດຜ່ານມານີ້ ເຊິ່ງມີຄວາມໝາຍສຳຄັນຕໍ່ການເສີມຂະຫຍາຍການພົວພັນຮ່ວມມືທີ່ເປັນມູນເຊື້ອມາແຕ່ດົນນານ ລະຫວ່າງ ລາວ ແລະ ກຳປູເຈຍ. ສຳລັບການພົວພັນຮ່ວມມື ລະຫວ່າງ ສະພາແຫ່ງຊາດ ລາວ ແລະ ກຳປູເຈຍ ເຫັນວ່າ ມີມູນເຊື້ອແຫ່ງການພົວພັນຮ່ວມມືທີ່ດີງາມ ສະໜິດສະໜົມມາແຕ່ດົນນານ ສະແດງອອກໃນການຈັດຕັ້ງປະຕິບັດບົດບັນທຶກຄວາມເຂົ້າໃຈ ວ່າດ້ວຍການຮ່ວມມືລະຫວ່າງ ສອງອົງການນິຕິບັນຍັດ ເປັນຕົ້ນແມ່ນ ການແລກປ່ຽນຢ້ຽມຢາມ ຄະນະຜູ້ແທນທຸກໆ ຂັ້ນທີ່ຕິດພັນກັບການແລກປ່ຽນບົດຮຽນປະສົບການ ໃນການປະຕິບັດພາລະບົດບາດດ້ານນິຕິບັນຍັດ. ສຳລັບການພົວພັນຮ່ວມມືໃນຕໍ່ໜ້າ ສະເໜີສືບຕໍ່ຈັດຕັ້ງ ປະຕິບັດບົດບັນທຶກຄວາມເຂົ້າໃຈ ວ່າດ້ວຍການຮ່ວມມື ທີ່ສອງສະ ພາແຫ່ງຊາດ ໄດ້ລົງນາມຮ່ວມກັນ ໃນໄລຍະຜ່ານມາ ໃຫ້ເປັນຮູບປະທຳກວ່າເກົ່າ ໂດຍສືບຕໍ່ແລກ ປ່ຽນການຢ້ຽມຢາມ ຂອງຄະນະຜູ້ແທນຂັ້ນສູງ ແລະ ຂັ້ນຕ່າງໆ ນັບແຕ່ສູນກາງຮອດທ້ອງຖິ່ນ ຢ່າງເປັນປົກກະຕິ ໂດຍສະເພາະການແລກປ່ຽນຢ້ຽມຢາມລະ ຫວ່າງສະພາປະຊາຊົນຂັ້ນແຂວງ ທີ່ມີຊາຍແດນຕິດຈອດກັນ ເພື່ອແລກປ່ຽນບົດຮຽນກ່ຽວກັບ ການຈັດຕັ້ງປະຕິບັດພາລະບົດ ບາດຂອງອົງການນິຕິບັນຍັດ ນຳກັນ; ສືບຕໍ່ຊຸກຍູ້ ແລະ ສົ່ງເສີມ ໃຫ້ຂະແໜງການ ຂອງສອງລັດຖະບານ ໄດ້ເອົາໃຈໃສ່ໃນການ ຈັດຕັ້ງປະຕິບັດບັນດາສົນທິສັນຍາ, ສັນຍາ ແລະ ນິຕິກຳອື່ນໆ ທີ່ສອງຝ່າຍໄດ້ລົງນາມຮ່ວມກັນ ໃຫ້ມີປະສິດທິຜົນສູງກວ່າເກົ່າ ແລະ ນຳເອົາປະໂຫຍດຕົວຈິງມາ ສູ່ປະຊາຊົນສອງຊາດ; ສອງຝ່າຍ ສືບຕໍ່ຮັດແໜ້ນ ແລະ ເສີມຂະ ຫຍາຍການພົວພັນຮ່ວມມື ທີ່ເປັນມູນເຊື້ອທີ່ດີງາມມາແຕ່ດົນນານ ຂອງສອງອົງການນິຕິບັນຍັດ ໃນການສະໜັບສະໜູນ ແລະ ຮ່ວມມືກັນ ໃນເວທີລັດຖະສະພາພາກພື້ນ ແລະ ສາກົນ.

news to day and hot news