POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 17 ມິຖຸນາ 2026

ປະກາດການບົ່ງຕົວແຕ່ງຕັ້ງຄະນະປະຈໍາພັກ ແລະ ເລື່ອນຊັ້ນໃຫ້ນາຍທະຫານຢູ່ໂຮງໝໍບໍລິເວນ107
ເວລາອອກຂ່າວ: 2024-10-28 15:03:04 | ຜູ້ຂຽນ : admin2 | ຈຳນວນຄົນເຂົ້າຊົມ: 3179 | ຄວາມນິຍົມ:

ວັນທີ 25 ຕຸລາ 2024 ນີ້, ຢູ່ໂຮງໝໍບໍລິເວນ107 ໄດ້ມີພິທີປະກາດການບົ່ງຕົວແຕ່ງຕັ້ງຄະນະປະຈໍາພັກ ແລະ ປະກາດການເລື່ອນຊັ້ນໃຫ້ນາຍທະຫານ ໂດຍການເປັນປະທານຂອງ ສະຫາຍ ພົນຈັດຕະວາ ຕີເບດ ສີແພງຄູນ ກໍາມະການຄະນະພັກກົມໃຫຍ່ ຫົວໜ້າຫ້ອງການເມືອງ ກົມໃຫຍ່ພະລາທິການກອງທັບ, ມີຫົວໜ້າພະແນກຈັດຕັ້ງພັກ ແລະ ຫົວໜ້າພະແນກພະນັກງານ ຫ້ອງການເມືອງ ກົມໃຫຍ່ພະລາ, ມີຄະນະພັກ-ຄະນະບັນຊາ, ຄະນະບັນຊາສາງນໍ້າມັນເລກ 2, ມີຄະນະໜ່ວຍພັກ ແລະ ສະມາຊິກພັກທົ່ວກົມກອງເຂົ້າຮ່ວມ. ສະຫາຍ ພັນໂທ ສີພັນ ໄຊຍະສອນ ຫົວໜ້າພະແນກຈັດຕັ້ງພັກ ຫ້ອງການເມືອງ ກົມໃຫຍ່ພະລາທິການກອງທັບ, ໄດ້ຂຶ້ນຜ່ານມະຕິຕົກລົງຂອງຄະນະພັກອົງການກົມໃຫຍ່ການເມືອງກອງທັບ ວ່າດ້ວຍການບົ່ງຕົວແຕ່ງຕັ້ງຄະນະປະຈໍາພັກຢູ່ໂຮງໝໍບໍລິເວນ107, ໃນນີ້ໄດ້ຕົກລົງແຕ່ງຕັ້ງ ສະຫາຍ ພັນໂທ ຄໍາຄ່ອງ ພິມມະວົງສາ ເປັນຄະນະປະຈໍາພັກ ແລະ ສະຫາຍ ພັນໂທ ສີສຸດາ ວໍລະສິງ ຫົວໜ້າພະແນກພະນັກງານ ຫ້ອງການເມືອງ ກົມໃຫຍ່ພະລາທິການກອງທັບ ກໍ່ໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການເລື່ອນຊັ້ນ, ເລື່ອນທຽບຊັ້ນໃຫ້ນາຍທະຫານຢູ່ໂຮງໝໍບໍລິເວນ 107 ໃນນີ້: ເລື່ອນຊັ້ນຮ້ອຍເອກ ຂຶ້ນຊັ້ນ ພັນຕີ ຈໍານວນ 8 ສະຫາຍ, ຊັ້ນຮ້ອຍໂທ ຂຶ້ນຊັ້ນຮ້ອຍເອກ 14 ສະຫາຍ. ໂອກາດສະຫາຍປະທານກໍ່ໄດ້ມີຄໍາເຫັນໂອ້ລົມຫຼາຍບັນຫາສໍາຄັນ ແລະ ໄດ້ຮຽກຮ້ອງໃຫ້ ຜູ້ທີ່ໄດ້ຮັບໜ້າທີໃໝ່ ແລະໄດ້ຮັບການເລື່ອນຊັ້ນໃໝ່ຈົ່ງພ້ອມກັນເອົາໃຈໃສ່ເສີມຂະຫຍາຍດ້ານດີ, ແກ້ໄຂບາງບັນຫາທີ່ຍັງຄົງຄ້າງ, ຍົກສູງສະຕິລະວັງຕົວຕໍ່ກົນອຸບາຍຫັນປ່ຽນໂດຍສັນຕິ, ຮັບຜິດຊອບສູງຕໍ່ໜ້າທີ່ວິຊາສະເພາະຂອງຕົນໃນການເບິ່ງແຍງດູແລປິ່ນປົວຜູ້ບາດເຈັບ ແລະ ເຈັບປ່ວຍທີ່ເຂົ້າມາໃຊ້ບໍລິການຢູ່ໂຮງໝໍ, ຊອກຮູ້ຮໍ່າຮຽນ ຄົ້ນຄ້ວາທາງດ້ານເຕັກນິກການແພດ, ຫັນເອົາແນວຄິດທິດສະດີມາກ-ເລນິນ, ແນວຄິດໄກສອນ ພົມວິຫານ ໃນການເຊີດຊູຄວາມຮັບຜິດຊອບສູງຕໍ່ໜ້າທີ່ການເມືອງ, ຕໍ່ວຽກງານວິຊາສະເພາະ ມີແບບແຜນວິທີເຮັດວຽກໃຫ້ສອດຄ່ອງກັບສະພາບຕົວຈິງ, ພ້ອມກັນສ້າງຄວາມສາມັກຄີ ເຮັດວຽກເປັນໝູ່ຄະນະ ພ້ອມກັນສ້າງຄວາມເຂັ້ມແຂງດ້ວຍຕົນເອງ. ພາບ-ຂໍ້ມູນ: ນາງ ສຸລິຈັນ ພັດທະນາ.

news to day and hot news