ວັນອັງຄານ, ວັນທີ 03 ທັນວາ 2024
ການສ້ອມແປງທາງ ເຂດພູ 9 ຫັຼກ ຈະໃຫ້ສຳເລັດໃນເດືອນກັນຍາ 2025
ເວລາອອກຂ່າວ: 2024-10-29 08:58:08 | ຜູ້ຂຽນ : admin3 | ຈຳນວນຄົນເຂົ້າຊົມ: 134 | ຄວາມນິຍົມ: 
ມາຮອດປັດຈຸບັນ, ໂຄງການສ້ອມແປງທາງສຸກເສີນປູເບຕົງເຂດພູ 9 ຫຼັກ ກາສີ-ເມືອງນານ ສຳເລັດແລ້ວ 58,58% ພາຍຫຼັງເລີ່ມລົງມືສ້ອມແປງຢ່າງເປັນທາງການ ນັບແຕ່ວັນທີ 10 ພຶດສະພາ 2022 ເປັນຕົ້ນມາ.
ທ່ານ ສົມໃຈ ຊາພັກດີ ຫົວໜ້າໂຄງການສ້ອມແປງທາງສຸກເສີນປູເບຕົງເຂດ ພູ 9 ຫຼັກ ກາສີ-ເມືອງນານ ໃຫ້ສຳພາດຕໍ່ລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວ ໃນວັນທີ 25 ຕຸລາ 2024 ນີ້ ວ່າ: ໂຄງການນີ້ ເປັນໂຄງການປູເບຕົງບາງຈຸດຢູ່ບ່ອນທາງໂຄ້ງຄ້ອຍຊັນ ແລະ ປູຢາງບາງຈຸດບ່ອນທີ່ເປ່ເພເສຍຫາຍ. ວຽກທີ່ຈັດຕັ້ງປະຕິບັດຜ່ານມາ ລວມມີ: ການອະນາໄມຫ້ອງລະບາຍນ້ຳ, ແກ້ໄຂການສັນຈອນ ດ້ວຍການຖົມຂຸມ, ແກ້ໄຂດິນເຈື່ອນ, ວຽກໂຄງ
ສ້າງທາງ ເຊັ່ນ: ລົງດິນຊັ້ນຮອງພື້ນທາງ, ປູຢາງໜ້າທາງສອງຊັ້ນ, ປູເບຕົງ, ຮາວປ້ອງກັນເສັ້ນທາງ, ຂີດແບ່ງເສັ້ນທາງ ແລະ ອື່ນໆ. ປັດຈຸບັນ ວຽກທີ່ຍັງຄ້າງຄາ ແລະ ພວມສືບຕໍ່ຈັດຕັ້ງປະຕິບັດ ລວມມີ: ການປູຢາງ, ປູເບຕົງ, ກໍ່ສ້າງຫ້ອງລະບາຍນໍ້າ, ກັນເຈື່ອນ ແລະ ວຽກອື່ນໆ ຈຳນວນໜຶ່ງ.
ການສ້ອມແປງທາງ ພູ 9 ຫຼັກ ກາສີ-ເມືອງນານ ຕາມສັນຍາຈະໃຫ້ສຳເລັດພາຍໃນເດືອນກັນຍາ 2025. ສ່ວນການສັນຈອນຜ່ານເສັ້ນທາງດັ່ງກ່າວ ໃນປັດຈຸບັນ ແມ່ນເປີດນຳໃຊ້ປົກກະຕິ ແລະ ມີການຄຸມນ້ຳໜັກຂອງລົດບັນທຸກເພື່ອຮັບປະກັນບໍ່ໃຫ້ເສັ້ນທາງເປ່ເພ. ສະນັ້ນ, ຜູ້ໃຊ້ລົດໃຊ້ຖະໜົນທີ່ຜ່ານເສັ້ນທາງດັ່ງກ່າວໃນໄລ ຍະທີ່ພວມສ້ອມແປງນີ້ ຕ້ອງເພີ່ມສະຕິລະມັດລະວັງໃຫ້ຫຼາຍຂຶ້ນກວ່າເກົ່າ, ປະຕິບັດຕາມຄຳແນະ ນຳຂອງເຈົ້າໜ້າທີ່ກ່ຽວຂ້ອງຢ່າງເຂັ້ມງວດ ແລະ ບໍ່ປະໝາດໃນການຂັບຂີ່ ເພື່ອບໍ່ໃຫ້ມີອຸບັດຕິເຫດເກີດຂຶ້ນຄືໄລຍະຜ່ານມາ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
