ວັນເສົາ, ວັນທີ 07 ທັນວາ 2024
ນະຄອນຫຼວງວຽງຈັນ ຈູດທຳລາຍຢາເສບຕິດຈຳນວນຫຼາຍ
ເວລາອອກຂ່າວ: 2024-10-29 08:59:51 | ຜູ້ຂຽນ : admin3 | ຈຳນວນຄົນເຂົ້າຊົມ: 198 | ຄວາມນິຍົມ: 
ວັນທີ 26 ຕຸລາ 2024 ນີ້, ອົງການປົກຄອງນະຄອນຫຼວງວຽງຈັນ, ກອງບັນຊາການ ປກສ ນະຄອນຫຼວງວຽງຈັນ ສົມທົບກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ໄດ້ຈັດພິທີຈູດທຳລາຍຢາເສບຕິດທີ່ສານໄດ້ຕັດສິນໃຊ້ໄດ້ຢ່າງເດັດຂາດແລ້ວ. ໂດຍມີ ທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ, ປະທານຄະນະກຳມະການປ້ອງກັນຊາດ-ປ້ອງກັນຄວາມສະຫງົບນະຄອນຫຼວງວຽງຈັນ, ພົນຕີ ຄຳກິ່ງຜຸຍຫຼ້າມະນີວົງ ຮອງລັດຖະມົນຕີ, ຜູ້ຊີ້ນຳວຽກງານກວດກາ ແລະ ຄວບຄຸມຢາເສບຕິດ ກະຊວງປ້ອງກັນຄວາມສະຫົງບ ພ້ອມດ້ວຍ ນາຍ ແລະ ພົນທະຫານ, ນາຍ ແລະ ພົນຕຳຫຼວດ ເຂົ້າຮ່ວມ.
ພົນຈັດຕະວາ ປອ ບົວພັນ ຟອງມະນີ ຫົວໜ້າກອງບັນຊາການ ປກສ ນະຄອນຫຼວງວຽງຈັນໄດ້ໃຫ່ຮູ້ວ່າ: ການຈູດທຳລາຍຢາເສບຕິດ ປະຈຳປີ 2024 ໃນຄັ້ງນີ້ ເພື່ອສະເຫຼີມສະຫຼອງ ເນື່ອງໃນໂອກາດວັນແຫ່ງຊາດຕ້ານຢາເສບຕິດ ຄົບຮອບ 23 ປີ ພ້ອມທັງເປັນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ແຕ່ນີ້ຮອດປີ 2025 ໃຫ້ມີຜົນສຳເລັດຕາມລະດັບຄາດໝາຍທີ່ວາງໄວ້.
ຢາເສບຕິດທີ່ນຳມາຈູດທຳລາຍໃນຄັ້ງນີ້, ໄດ້ມາຈາກຜົນງານການເຄື່ອນໄຫວປະຕິບັດໜ້າທີ່ວຽກງານວິຊາສະເພາະຂອງກົມຕຳຫຼວດສະກັດກັ້ນ ແລະ ຕ້ານ
ຢາເສບຕິດ, ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ນະຄອນຫຼວງວຽງຈັນ ແລະ ກອງບັນຊາການ ປກສ ເມືອງ ໃນນະຄອນຫຼວງວຽງຈັນ ລວມມີ: ຢາບ້າ 2.515.231 ເມັດ ເທົ່າກັບ 301,62 ກິໂລກຣາມ; ຢາໄອສ 322 ຫໍ່ ກັບ 8 ຖົງນ້ອຍ ເທົ່າກັບ 350,6 ກິໂລກຣາມ; ຢາອີ 5 ເມັດ ເທົ່າກັບ 2,7 ກຣາມ, ຢາເຄຕາມິນ 1 ຫໍ່ ກັບ 2 ຖົງນ້ອຍ ນ້ຳໜັກ 1,99 ກິໂລກຣາມ ລວມນ້ຳໜັກຢາເສບຕິດທີ່ນຳ ມາຈູດທັງໝົດ 652,73 ກິໂລກຣາມ ນອກນີ້, ຍັງມີ ຢາສູບໄຟຟ້າ (ໄພລ໋ອດ) ຈຳນວນ 202 ແກັດ ມາຈູດທຳລາຍຖິ້ມ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
