ວັນເສົາ, ວັນທີ 07 ທັນວາ 2024
ແຂວງຈຳປາສັກ ຈັດງານ ຫອມກິ່ນລາວເດີມ ປີ 2024
ເວລາອອກຂ່າວ: 2024-10-29 09:04:28 | ຜູ້ຂຽນ : admin3 | ຈຳນວນຄົນເຂົ້າຊົມ: 220 | ຄວາມນິຍົມ: 
ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງຈຳປາສັກ ຮ່ວມກັບ ມະຫາວິທະຍາໄລຈຳປາສັກ, ໂຮງຮຽນວິຈິດສິນຊັ້ນກາງແຂວງຈຳປາສັກ ແລະ ສູນການຄ້າ ແຟຣນຊີບມໍ ໄດ້ຈັດຈັດງານ ຫອມກິ່ນລາວເດີມ ປີ 2024
ຂຶ້ນໃນວັນທີ 25 ຕຸລານີ້, ຢູ່ສູນການຄ້າເເຟຣນຊີບມໍ ນະຄອນປາກເຊ ໂດຍມີ ທ່ານ ອາລຸນໄຊ ສູນນະລາດ ເຈົ້າແຂວງ ແຂວງຈຳປາສັກ ພ້ອມດ້ວຍຄະນະ,
ມີ ທ່ານ ສັກໄຊ ແສງອາລຸນ ຮອງປະທານກຸ່ມ ບໍລິສັດຕັ້ງຈະເລີນ, ຜູ້ອຳນວຍການສູນການຄ້າ ແຟຣນຊີບມໍ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ສັກໄຊ ແສງອາລຸນ ໄດ້ລາຍງານກ່ຽວກັບການຈັດງານວ່າ: ການຈັດງານ “ຫອມກິ່ນນລາວເດີມ ປີ 2024” ຄັ້ງນີ້, ເພື່ອເປັນການອະນຸລັກຮັກສາຮີດຄອງປະເພນີ, ວິຖີຊີວິດ, ວັດທະນະທຳລາວ ທັງເປັນການສົ່ງເສີມການທ່ອງທ່ຽວລາວ ໂດຍການສະທ້ອນໃຫ້ເຫັນວີຖີຊີວິດ, ທຳນຽມປະເພນີ-ວັດທະນະທຳຂອງຄົນລາວ ທີ່ສືບທອດກັນມາແຕ່ສະໄໝບູຮານນະການ ພ້ອມທັງ ສົ່ງເສີມທັກສະດ້ານສິລະປະ, ການແຕ້ມ, ຄວັດ, ການປັ້ນຫຼໍ່ ເປັນຕົ້ນ. ງານຄັ້ງນີ້, ຈະຊ່ວຍປະກອບສ່ວນໃນການອະນຸລັກຮັກສາ, ສົ່ງເສີມ, ຊຸກຍູ້ວັດທະນະທຳລາວ ແລະ ທັກສະການສິລະປະ ຢ່າງຕໍ່ເນື່ອງ ແລະ ຍືນຍົງ.
ທ່ານ ວັນນະໄຊ ຊາດຕະກຸນ ຫົວໜ້າພະແນກ ຖວທ ແຂວງ ມີຄຳເຫັນວ່າ: ງານຄັ້ງນີ້ ສາມາດເປັນຕົວແບບໃນການຮ່ວມມື ລະຫວ່າງພາກລັດ ແລະ ພາກທຸລະກິດ, ກິດຈະກຳທີ່ຈັດຂຶ້ນໃນງານຄັ້ງນີ້ ໄດ້ນຳເອົາສິ່ງທີ່ມີຄວາມທັນສະໄໝ ມາປະສົມປະສານເຂົ້າກັບວັດທະນະທຳ, ຮີດຄອງປະເພນີ ອັນດີງາມຂອງຊາດ ແລະ ທ້ອງຖິ່ນເພື່ອວາງສະແດງ, ໂຄສະນາເຜີຍແຜ່ໃຫ້ອະນຸຊົນຄົນຮຸ່ນຫຼັງໄດ້ຮັບຮູ້ເຖິງຄຸນ
ຄ່າທາງດ້ານວັດທະນະທຳ, ຮີດຄອງປະເພນີ ນັບແຕ່ວັດທະນະທຳໃນການນຸ່ງຖືທີ່ເປັນເອກະລັກ, ສິລະປະ, ຫັດຖະກຳ, ປະຕິມາກຳ ລວມທັງອາຫານການກິນແບບລາວໆ ເພື່ອປູກຈິດສຳນຶກໃຫ້ລູກຫຼານ ເອົາໃຈໃສ່ປະກອບສ່ວນໃນການອະນຸລັກ, ປົກປັກຮັກສາສິ່ງເຫຼົ້ານີ້ໃຫ້ຍືນຍົງຄົງຢູ່ຄຽງຄູ່ກັບຊາດລາວ ແລະ ຄົນລາວ ຕະ
ຫຼອດໄປ.
ໂອກາດນີ້, ທ່ານ ເຈົ້າແຂວງ ໄດ້ມີຄຳເຫັນວ່າ: ການຈັດງານຄັ້ງນີ້ ໄດ້ສ່ອງແສງໃຫ້ເຫັນເຖິງຄວາມພະຍາຍາມຂອງທຸກພາກສ່ວນທີ່ກ່ຽວຂ້ອງ ເພື່ອປະກອບ
ສ່ວນສົ່ງເສີມ, ອະນຸລັກຮັກສາ ແລະ ເສີມຂະຫຍາຍສິລະປະ, ວັດທະນະທຳ, ຮີດຄອງປະເພນີອັນດີງາມຂອງຊາດ ແລະ ທ້ອງຖິ່ນ.ງານຄັ້ງນີ້ ໄດ້ອອກແບບຢ່າງລະ
ອຽດອ່ອນ, ມີຫົວຄິດປະດິດສ້າງເຊິ່ງສະແດງອອກເຖິງຄວາມຕັ້ງໃຈຂອງຜູ້ອອກແບບ, ຜູ້ຈັດງານ ດ້ວຍເຫື່ອແຮງ, ສະຕິປັນຍາຂອງຄົນຮຸ່ນໜຸ່ມ ເຮັດໃຫ້ງານຄັ້ງນີ້
ມີຄຸນນະພາບ, ມີດ້ານເນື້ອໃນຄວາມໝາຍເລິກເຊິ່ງ ແລະ ເຂົ້າໃຈງ່າຍ. ພ້ອມນີ້, ທ່ານເຈົ້າແຂວງ ໄດ້ລັ່ນຄ້ອງ 9 ບາດ. ຈາກນັ້ນ, ບັນດາທ່ານທີ່ເຂົ້າຮ່ວມໄດ້ທ່ຽວຊົມຫ້ອງວາງສະແດງ, ເຮືອນຊົນເຜົ່າຈຳລອງ, ອຸປະກອນຫາປາດັ້ງເດີມຂອງຊາວເມືອງໂຂງ ແລະ ໂຮງຮຽນວິຈິດສິນ.
ໂດຍ : ທູນທອງໃຈ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
