POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພຸດ, ວັນທີ 04 ທັນວາ 2024

ເປິດງານມະຫະກຳ ສີມືຫັດຖະກຳລາວ ຄັ້ງທີ 23 ປະຈຳປີ 2024
ເວລາອອກຂ່າວ: 2024-10-30 08:54:14 | ຜູ້ຂຽນ : admin3 | ຈຳນວນຄົນເຂົ້າຊົມ: 265 | ຄວາມນິຍົມ:

ວັນທີ 28 ຕຸລາ 2024 ນີ້, ທີ່ສູນການຄ້າລາວ-ໄອເຕັກ ນະຄອນຫຼວງວຽງຈັນ, ສະມາຄົມຫັດຖະກຳລາວ ຮ່ວມກັບສະພາການຄ້າ ແລະ ອຸດສາຫະກຳແຫ່ງ ຊາດລາວ ໄດ້ເປິດງານມະຫະກຳ ສີມືຫັດຖະກຳລາວ ຄັ້ງທີ 23 ປະຈຳປີ 2024 ໂດຍມີ ທ່ານ ກິແກ້ວ ໄຂຄຳພິທູນ ຮອງນາຍົກລັດຖະ ມົນຕີ, ທ່ານ ມະໂນທອງ ວົງໄຊ ຮອງລັດຖະມົນຕີ ກະຊວງອຸດ ສາຫະກຳ ແລະ ການຄ້າ, ທ່ານ ນາງ ນາລີ ສີສຸລິດ ປະທານຄະນະທີ່ປຶກສາສະມາຄົມ ຫັດຖະກຳລາວ ແລະ ແຂກຖືກເຊີນ ເຂົ້າຮ່ວມ. ທ່ານ ພູທອງ ໄຊສະນິດ ຮອງປະທານສະມາຄົມຫັດຖະກຳລາວ ໄດ້ລາຍງານວ່າ: ງານມະຫະກຳ ສີມືຫັດຖະກຳລາວ ຄັ້ງທີ 23 ປະຈຳປີ 2024 ຈັດຂຶ້ນພາຍ ໃຕ້ຄຳຂວັນ: ສີໄມ້ລາຍມືຄືອຸທິ ຍານແຫ່ງການທ່ອງທ່ຽວ “ເຊື່ອມໂຍງມໍລະດົກຜ້າແພພື້ນເມືອງອາຊຽນ” ແລະ ຈຸດປະສົງຫຼັກຂອງການຈັດງານຄັ້ງນີ້ ເພື່ອສະ ເຫຼີມ ສະຫຼອງ “ວັນຫັດຖະກຳລາວ ວັນທີ 1 ພະຈິກ, ເພື່ອສ້າງຂະບວນການຂໍ່ານັບຮັບຕ້ອນການເປັນເຈົ້າພາບຈັດກອງປະຊຸມສຳມະນາການຕໍ່າແຜ່ນແພພື້ນເມືອງອາຊຽນ ຄັ້ງທີ 9 ເຊິ່ງຈະໄດ້ຈັດ ຂຶ້ນໃນລະຫວ່າງວັນທີ 4-6 ພະ ຈິກ 2024 ທີ່ ນະຄອນຫຼວງວຽງຈັນ, ເພື່ອສ້າງຂະບວນການຕ້ອນຮັບປີທ່ອງທ່ຽວລາວ ປີ 2024 ເປັນສະຖານທີ່ທ່ອງທ່ຽວດ້ານຫັດຖະກຳ ດັ່ງຄຳຂວັນ: “ສີ ໄມ້ລາຍມື ຄືອຸທິຍານແຫ່ງການ ທ່ອງທ່ຽວ”, ສະເຫຼີມສະຫຼອງ “ຫັດຖະກຳພູມປັນຍາການຕ່ຳລາຍນາກຂອງຊຸມຊົນເຊື້ອຊາດລາວ” ໄດ້ຮັບເປັນມໍລະດົກໂລກ ຈາກອົງການ UNESCO, ເພື່ອສ້າງກາລະໂອກາດໃຫ້ຊຸມຊົນ ແລະ ລູກຄ້າ ຜູ້ມາທ່ຽວຊົມ ໄດ້ພົບ-ໄດ້ເຫັນຄວາມຫຼາກຫຼາຍຂອງເຄື່ອງຫັດຖະກຳລາວ, ສ້າງຄວາມປະທັບໃຈ ແລະ ຫຼົງໄຫຼໃນ ຄວາມມະຫັດສະຈັນຂອງສີໄມ້ ລາຍມືຂອງນາຍຊ່າງຫັດຖະກຳລາວ, ເພື່ອເຕົ້າໂຮມຄວາມສາມັກຄີບັນດາຊາວຊ່າງຫັດຖະກຳທຸກໆ ທ້ອງຖິ່ນໃນທົ່ວປະເທດ ພ້ອມກັນອະນຸລັກ ແລະ ສົ່ງເສີມເຄື່ອງຫັດຖະກຳ ທີ່ມີລັກສະນະເປັນມູນເຊື້ອ, ສົ່ງເສີມພູມປັນຍາ, ຂຸດຄົ້ນທ່າແຮງທາງດ້ານຫັດຖະ ກຳຢູ່ທຸກທ້ອງຖິ່ນ ປະກອບສ່ວນເຂົ້າໃນການສ້າງລາຍຮັບ ແລະ ພັດທະນາຊີວິດການເປັນຢູ່ຂອງປະຊາຊົນທ້ອງຖິ່ນໃຫ້ນັບມື້ດີຂຶ້ນ, ເພື່ອໃຫ້ບັນດາຊາວຊ່າງ ແລະ ຜູ້ປະກອບການ ດ້ານຫັດຖະກຳ ໄດ້ມີໂອກາດເຂົ້າ ເຖິງຕະຫຼາດ (ຫຼື ມີບ່ອນຂາຍ) ຜະລິດຕະພັນຫັດຖະກຳຂອງຕົນ ພ້ອມທັງໄດ້ມີໂອກາດພົບປະແລກປ່ຽນບົດຮຽນ, ປະສົບການທາງດ້ານການຜະລິດ, ການວາງສະແດງ ແລະ ການຂາຍ, ເພື່ອສະໜັບສະໜູນນະໂຍບາຍຂອງລັດຖະບານໃນ ການແກ້ໄຂຄວາມທຸກຍາກຂອງ ປະຊາຊົນ ແລະ ເພື່ອສ້າງສາຍ ສຳພັນກັບບັນດາປະເທດສະມາ ຊິກອາຊຽນດ້ານສິລະປະຫັດຖະກຳ. ງານດັ່ງກ່າວ ເລີ່ມແຕ່ວັນທີ 26 ຕຸລາ ຫາ 3 ພະຈິກ 2024 ເປັນເວລາ 9 ເຊິ່ງລວມທັງໝົດ 243 ຮ້ານ. ໃນໂອກາດດັ່ງກ່າວ, ທ່ານ ກິແກ້ວ ໄຂຄຳພິທູນ ໄດ້ຕັດແຖບຜ້າ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນໃຫ້ແກ່ການເປີດງານດັ່ງກ່າວ.

news to day and hot news