POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ກອງພັນໃຫຍ່ 279 ສະຫຼຸບຖອດຖອນບົດຮຽນ ການຈັດຕັ້ງດຳເນີນກອງປະຊຸມໃຫຍ່ອົງຄະນະພັກ ສະໄໝທີ V
ເວລາອອກຂ່າວ: 2024-11-01 09:01:43 | ຜູ້ຂຽນ : admin1 | ຈຳນວນຄົນເຂົ້າຊົມ: 779 | ຄວາມນິຍົມ:

ໃນກາງເດືອນຕຸລາ 2024 ນີ້, ກອງພັນໃຫຍ່ 279 ໄດ້ຈັດກອງປະຊຸມສະຫຼຸບຖອດຖອນບົດຮຽນ ໃນການຈັດຕັ້ງດຳເນີນກອງປະຊຸມໃຫຍ່ ຂອງອົງຄະນະພັກ ສະໄໝທີ V, ໂດຍການເປັນປະທານຂອງ ສະຫາຍ ພັນເອກ ບຸນຍັງ ແກ້ວດາມສີ ເລຂາຄະ ນະພັກ ຫົວໜ້າການເມືອງກອງ ພັນໃຫຍ່, ຄະນະພັກ-ຄະນະບັນ ຊາກອງພັນໃຫຍ່ 279, ພະແນກການ, ກອງພັນ, ກອງຮ້ອຍເອກະລາດ, ອະນຸກຳມະການຮັບຜິດຊອບແຕ່ລະພາກສ່ວນ ພ້ອມດ້ວຍພະນັກງານ-ນັກຮົບ ທົ່ວກົມກອງ ເຂົ້າຮ່ວມ. ສະຫາຍ ພັນໂທ ອ່ອນແກ້ວ ພົມມະສຸລີນ ຄະນະພັກກອງພັນໃຫຍ່ ຮອງຫົວໜ້າການເມືອງ ກອງພັນໃຫຍ່ 279 ໄດ້ຜ່ານບົດສະຫຼຸບຖອດຖອນບົດຮຽນຜ່ານການຈັດຕັ້ງໃນການດຳເນີນກອງປະຊຸມໃຫຍ່ ອົງຄະນະພັກກອງພັນໃຫຍ່ 279 ສະໄໝ ທີ V, ເຊິ່ງໄດ້ຍົກໃຫ້ເຫັນຂໍ້ສະດວກ-ຂໍ້ຫຍຸ້ງຍາກ, ພ້ອມທັງໄດ້ຕີລາຄາຜົນສຳເລັດ, ດ້ານຄົງຄ້າງ ແລະ ວຽກງານການກະກຽມຄວາມພ້ອມແຕ່ລະດ້ານໃນການດຳເນີນກອງປະຊຸມໃຫຍ່ ໃນນີ້, ວຽກງານສຶກສາອົບຮົມການເມືອງ-ນຳພາແນວຄິດ ຄະນະພັກ-ຄະນະບັນຊາ ໄດ້ເອົາໃຈໃສ່ສຶກສາອົບຮົມການ ເມືອງ-ນຳພາແນວຄິດໃຫ້ພະນັກງານໄດ້ເປັນປົກກະຕິ ຕິດພັນກັບການເຄື່ອນໄຫວປະຕິບັດໜ້າທີ່ວຽກງານໃນແຕ່ລະໄລຍະ, ເຮັດໃຫ້ພະນັກງານ-ນັກຮົບ ທົ່ວກົມກອງມີຄຸນທາດການເມືອງໜັກແໜ້ນ, ເຊື່ອມຊຶມກຳແໜ້ນ ເຫັນໄດ້ຄວາມໝາຍຄວາມສຳຄັນຕໍ່ໜ້າທີ່ຂອງຕົນ ໂດຍສະເພາະຕໍ່ການກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນ, ພ້ອມກັນເຂົ້າຮ່ວມ ແລະ ເຮັດສຳເລັດໜ້າທີ່ວຽກງານທີ່ໄດ້ຮັບມອບໝາຍແຕ່ລະດ້ານໄດ້ເປັນຢ່າງດີ, ວຽກງານການກະກຽມດ້ານເນື້ອໃນ ໄດ້ຊີ້ນຳອະນຸກຳມະການເນື້ອໃນສົມທົບກັບຂະແໜງຈັດຕັ້ງພັກ ຍົກສູງຄວາມຮັບຜິດຊອບ ສຸມທຸກເຫຼື່ອແຮງ, ສະຕິປັນຍາເຂົ້າໃນການຄົ້ນຄວ້າ, ປະດິດແຕ່ງເນື້ອໃນບັນ ດາເອກະສານຕ່າງໆ ເປັນຕົ້ນຮ່າງລາຍງານການເມືອງ ແລະ ເອກະສານອື່ນໆ ທີ່ປິ່ນອ້ອມກອງປະຊຸມທາບທາມແຕ່ລະຮອບ, ພ້ອມທັງກອງປະຊຸມໃຫຍ່, ໄດ້ເອົາໃຈໃສ່ປະສານແໜ້ນ ແລະ ປະຕິບັດຕາມການຊີ້ນຳຂອງກົມຈັດຕັ້ງພັກ, ກົມໃຫຍ່ການເມືອງກອງທັບ ແຕ່ລະໄລຍະ ບັນດາເອກະສານລ້ວນແລ້ວແຕ່ໄດ້ຮັບການກວດກາປັບປຸງດ້ານເນື້ອໃນ ຜ່ານຄະນະພັກກອງພັນໃຫຍ່ ແລະ ກົມຈັດຕັ້ງພັກ ເຮັດໃຫ້ເນື້ອໃນຂໍ້ມູນຖືກຕ້ອງ, ຄົບຖ້ວນ, ສົມບູນ ເຊິ່ງສາມາດຮັບປະກັນໃຫ້ແກ່ການດຳເນີນກອງປະຊຸມໃຫຍ່ ແລະ ກອງປະຊຸມປິ່ນອ້ອມອື່ນໆ ໄດ້ຖືກຕ້ອງຕາມລະບຽບຫຼັກການຂອງພັກ ພ້ອມທັງສຳ ເລັດຕາມແຜນການ. ນອກນັ້ນ, ຍັງມີບັນດາວຽກງານການສ້າງຂະບວນການຕ່າງໆ, ການຂຶ້ນແຜນງົບປະມານຮັບໃຊ້ເຂົ້າໃນວຽກງານຕ່າງໆ ຂອງກອງປະ ຊຸມ, ການພົວພັນປະສານງານແຕ່ລະພາກສ່ວນ, ການປັບປຸງສະຖານທີ່ ແລະ ປະດັບປະດາກົມກອງ ແລະ ວຽກງານອື່ນໆ ແມ່ນໄດ້ຮັບຜິດຊອບ ແລະ ເຮັດສຳເລັດໜ້າທີ່, ໃນກອງປະຊຸມບັນດາອະ ນຸກຳມະການແຕ່ລະພາກສ່ວນ ຍັງໄດ້ພ້ອມກັນປະກອບຄຳຄິດເຫັນ ເພື່ອແກ້ໄຂປັບປຸງບັນດາຂໍ້ຄົງຄ້າງ ເພື່ອພ້ອມກັນນຳໄປຈັດຕັ້ງປະຕິບັດເນື້ອໃນຕ່າງໆໃນຕໍ່ໜ້າໃຫ້ໄດ້ຮັບໜາກຜົນດີກ່ອນເກົ່າ. ໂດຍ: ສາຄອນ ສຸລິເຍດ

news to day and hot news