ວັນພຸດ, ວັນທີ 04 ທັນວາ 2024
ມອບລາງວັນຜະລິດຕະພັນຫັດຖະກຳດີເດັ່ນ
ເວລາອອກຂ່າວ: 2024-11-01 09:12:06 | ຜູ້ຂຽນ : admin3 | ຈຳນວນຄົນເຂົ້າຊົມ: 251 | ຄວາມນິຍົມ: 
ພິທີມອບລາງວັນຜະລິດຕະພັນຫັດຖະກຳດີເດັ່ນ “ສິລະປະລາຍນາກ ແລະ ລວດລາຍດອກໄມ້ປະຈຳທ້ອງຖິ່ນ” ຈັດຂຶ້ນໃນວັນທີ 29 ຕຸລາ 2024 ນີ້, ຢູ່ສູນການຄ້າລາວ-ໄອເຕັກ ນະຄອນຫຼວງວຽງຈັນ ມອບລາງວັນ ໂດຍ ທ່ານ ນາງ ນາລີ ສີສຸລິດ ພັນລະຍາປະທານປະເທດ, ທັງເປັນປະທານຄະນະທີ່ປືກສາສະມາຄົມຫັດຖະກຳລາວ ແລະ ທ່ານ ມະໂນທອງ ວົງໄຊ ຮອງລັດຖະມົນ ຕີກະຊວງອຸດສາຫະກຳ ແລະ ການຄ້າ, ມີປະທານກິດຕິມະສັກສະມາຄົມຫັດຖະກຳລາວ, ປະ
ທານສະມາຄົມຫັດຖະກຳລາວ ພ້ອມດ້ວຍ ະແໜງການທີ່ກ່ຽວຂ້ອງ ເຂົ້າຮ່ວມ.
ທ່ານ ພູທອງ ໄຊສະນິດ ຮອງປະທານສະມາຄົມຫັດຖະກຳລາວ ໄດ້ກ່າວວ່າ: ງານແຂ່ງຂັນຜະລິດຕະພັນຫັດຖະກຳດີເດັ່ນປີ 2024 ມີ 2 ຫົວຂໍ້ຄື: “ສິລະປະລາຍນາກ” ຊິງຂັນລາງວັນ ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ; ລາງວັນພິເສດ “ລວດລາຍດອກໄມ້ປະຈຳທ້ອງຖິ່ນ” ຊີງຂັນລາງວັນ ທ່ານ ນາງ ນາລີ ສີສຸລິດ ເຊິ່ງມີຜະລິດຕະພັນສົ່ງເຂົ້າຄັດເລືອກທັງໝົດ 68 ຜະລິດຕະພັນ ແບ່ງເປັນ 2 ສາຍຄື ສິລະປະລາຍນາກ 51 ຜະລິດຕະພັນ ແລະ ລວດລາຍດອກໄມ້ປະ
ຈຳທ້ອງຖິ່ນ 17 ຜະລິດຕະພັນ.
ຜ່ານການຕັດສິນ ແລະ ໃຫ້ຄະແນນຂອງຄະນະກຳມະການເຫັນວ່າ ລາງວັນຊະນະເລີດ “ສິລະປະລາຍນາກ” ແມ່ນ ທ່ານ ນາງ ອຸດສາວະດີ ໄຊສະນິດ ຫັດ
ຖະກຳແພງໄໝ, ທີ 2 ແມ່ນທ່ານ ນາງ ປານີ ຄຸນວິໄລ ສູນຫັດຖະກຳ ອອກພົບຕົກ ແຂວງຫຼວງພະບາງ, ທີ 3 ໄດ້ແກ່ ທ່ານນາງ ເພັດ ນອງລາວ ກຸ່ມຜະລິດຫັດຖະກຳ ຕ່ຳແຜ່ນຊົນເຜົ່າບ້ານ ໃໝ່ຫົວເມືອງ ເມືອງລະມາມ ແຂວງເຊກອງ.
ສ່ວນລາງວັນຊະນະເລີດລາງວັນພິເສດ ລວດລາຍດອກໄມ້ປະຈຳທ້ອງຖິ່ນແມ່ນ ທ່ານ ນາງ ບົວລອຍ ແປງແສງແກ້ວ ຮ້ານຜະລິດຜ້າຝ້າຍ ຍ້ອມສີທຳມະຊາດ ບ້ານວຽງແກ້ວ ເມືອງຫົງສາ ແຂວງ ໄຊຍະບູລີ, ສຳລັບ ລາງວັນທີ 1 ໄດ້ຮັບເງິນສົດ 10 ລ້ານກີບ, ພ້ອມຂັນລາງວັນ, ທີ 2 ແມ່ນ 5 ລ້ານກີບພ້ອມຂັນລາງວັນ ແລະ ທີ 3 ແມ່ນ 3 ລ້ານກີບ ພ້ອມຂັນລາງວັນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
