POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອັງຄານ, ວັນທີ 10 ທັນວາ 2024

ກົມອຸດສາຫະກຳປ້ອງກັນຊາດ ນຳໃຊ້ພະຫະນະ ແລະ ເຄື່ອງມື ທີ່ທັນສະໄໝ ເຂົ້າຮ່ວມເຝີກຊ້ອມກອບກູ້ໄພພິບັດ ຝ່າຍດຽວ
ເວລາອອກຂ່າວ: 2024-11-01 14:42:00 | ຜູ້ຂຽນ : admin2 | ຈຳນວນຄົນເຂົ້າຊົມ: 3284 | ຄວາມນິຍົມ:

ກົມອຸດສາຫະກຳປ້ອງກັນຊາດ ແມ່ນໜຶ່ງໃນບັນດາ 6 ກົມ ທີ່ຂຶ້ນກັບກົມໃຫຍ່ເຕັກນິກກອງທັບ ທີ່ໄດ້ຮັບການສ້າງຕັ້ງຂຶ້ນເມື່ອວັນທີ 3 ພຶດສະພາ 1993 ມີໜ້າທີ່ຊີ້ນໍາຫົວໜ່ວຍໂຮງງານຂຶ້ນກັບ ຜະລິດ ແລະ ສ້ອມແປງຮັບໃຊ້ກອງທັບ ແລະ ສັງຄົມຈໍານວນໜຶ່ງ, ເປັນເສນາທິການດ້ານວຽກງານອຸດສາຫະກຳປ້ອງກັນຊາດ ມີໜ້າທີ່ຊ້ອມແປງພາຫະນະ, ອາວຸດ, ຄົ້ນຄວ້າຜະລິດ ອາໄຫຼ່ປ່ຽນຖ່າຍພາຫະນະ, ອາວຸດ ແລະ ອຸປະກອນການທະຫານ, ອັນພົ້ນເດັ່ນແມ່ນໄດ້ຄົ້ນຄວ້າຜະລິດ ໂດຣນລຸ່ນ VTL1 ແລະ ອຸປະກອນໂດຣນ ຈໍານວນໜຶ່ງ. ສະຫາຍ ພັນເອກ ສຸດໃຈ ສໍວິໄຊ ຫົວໜ້າກົມອຸດສາຫະກຳປ້ອງກັນຊາດ ກົມໃຫຍ່ເຕັກນິກກອງທັບ ໄດ້ໃຫ້ສຳພາດວ່າ: ກົມອຸດສາຫະກຳປ້ອງກັນຊາດ ກໍເປັນສ່ວນໜຶ່ງທີ່ສຳຄັນໃນການນຳໃຊ້ພະຫະນະ ແລະ ເຄື່ອງມື ທີ່ທັນສະໄໝ ເຂົ້າຮ່ວມເຝີກຊ້ອມກອບກູ້ໄພພິບັດ ຝ່າຍດຽວ ປະຈຳປີ 2024 ເຊີ່ງພາຍຫຼັງໄດ້ຮັບການມອບໝາຍຈາກຂັ້ນເທິງ ໂດຍສະເພາະກົມໃຫຍ່ເສນາທິການກອງທັບ ມອບໝາຍໃຫ້ກົມອຸດສະຫະກຳປ້ອງກັນຊາດເຂົ້າຮ່ວມເຝິກຊ້ອມກອບກູ້ໄພພິບັດຝ່າຍດຽວ ຢູ່ທີ່ອ່າງນ້ຳຫຸມ ເພື່ອກະກຽມໃສ່ການຊ້ອມຮ່ວມ 3 ກອງທັບ, ເມື່ອໄດ້ຮັບຄຳສັ່ງກໍໄດ້ຈັດຕັ້ງພາຫະນະ ແລະ ກຳລັງເຂົ້າຍຶດສະໜາມ ຮ່ວມກັບຫຼາຍພາກສ່ວນ, ນຳເອົາພາຫະນະ ແລະ ເຄື່ອງມື ທີ່ທັນສະໄໝ ເຂົ້າມາຮ່ວມເຊີ່ງປະກອບມີ: ລົດບັນຊາໂດຣນ ເຊິ່ງເປັນລົດທີ່ດັດແປງຈາກລົດບັນທຸກມາເປັນລົດບັນຊາ ເບື້ອງໜ້າຂອງລົດຈະເປັນຕູ້ປະກອບບັນຊາໂດຣນ ໃສ່ຄົບຊຸດສາມາດເຄື່ອນທີ່ເຮັດໜ້າທີ່ຢູ່ພາກສະໜາມໄດ້, ສ່ວນເບື້ອງຫຼັງຂອງລົດໃນເວລາເຄື່ອນທັບຈະກາຍເປັນບ່ອນບັນທຸກເຄື່ອງສາມາດເກັບເຄື່ອງໄດ້, ພາຍຫຼັງຮອດສະໜາມແລ້ວຈະກາຍເປັນເດີນບິນສຸກເສີນໃຫ້ແກ່ ຍົນ VTL-1 ເຊີ່ງແມ່ນຍົນທີ່ເປັນຜົນງານຂອງກົມອຸດສາຫະກຳ ຄົ້ນຄວ້າຜະລິດລຳໂຕ ແລະ ກອບລະບົບ ເອົາເຂົ້າມາເຝິກກອບກູ້ໄພພິບັດ ເພື່ອລາດຕະເວນ ຈຳນວນ 2 ລຳ, ມີຍົນຟາຍກາສ ເຊິ່ງເປັນຍົນສີ່ໃບພັດ ນຳເຂົ້າມາເຮັດໜ້າທີ່ແກ່ທຸງພັກ, ທຸງຊາດ ຜ່ານໜ້າສວນສະໜາມ ໃນພິທີເປີດ-ປີດ ແລະ ເຮັດໜ້າທີ່ເວລາເຝິກຊ້ອມກອບກູ້ໄພພິບັດ ບິນສົ່ງເຄື່ອງຊ່ວຍບັນເທົາທຸກ ແລະ ເຄື່ອງຊູຊີບ ໃຫ້ຜູ້ປະສົບໄພ, ນອກນັ້ນ, ຍັງໄດ້ໃຊ້ຍົນ DJI M350 ບັນທຸກກ້ອງສີ່ຈຸດພິກັດ ເພື່ອບິນລາດຕະເວນຊອກຫາຄົ້ນຫາຜູ້ປະສົບໄພ ເພື່ອລາຍງານໃຫ້ສູນບັນຊາຮັບຊາບ. ໃນການເຝິກຊ້ອມກອບກູ້ໄພພິບັດຄັ້ງນີ້, ກົມອຸດສາຫະກຳປ້ອງກັນຊາດ ໄດ້ເຮັດໜ້າທີ່ຄວບຄຸມ, ບັນຊາ ຍົນ (ບໍມີຄົນຂັບ), ໂດຣນ ບິນສໍາຫຼວດຊອກຄົ້ນຜູ້ປະສົບໄພທາງນໍ້າ, ທາງບົກ ແລະ ປ່ອຍເຄື່ອງຊູຊີບ, ນໍ້າດື່ມ ແລະ ອາຫານ ໃຫ້ຜູ້ປະສົບໄພຕົກຄ້າງຢູ່ຕາມຫຼັງຄາເຮືອນ, ຕົ້ນໄມ້, ເກາະດອນ ແລະ ຢ່ອນເຄື່ອງບັນເທົາທຸກ ໃຫ້ຜູ້ປະສົບໄພເຂດພູດິນເຈື່ອນທັບຖົມ, ອາຄານຖະຫຼົ່ມ. ສະຫາຍ ພັນເອກ ສຸດໃຈ ສໍວິໄຊ ໃຫ້ຮູ້ຕື່ມອີກວ່າ: ຜ່ານມາກົມອຸດສາຫະກຳປ້ອງກັນຊາດ ກໍໄດ້ນໍາໃຊ້ໂດຣນທີ່ຜະລິດເອງ VTL-1 ເຮັດໜ້າທີ່ເປັນເປົ້າໝາຍທາງອາກາດ ໃຫ້ປືນປ້ອງກັນອາກາດຊູ 57 ຍີງຕົກ 2 ລໍາ ແລະ ນໍາໃຊ້ໂດຣນ VTL-1 ຕິດກ້ອງບິນຊີ້ຈຸດພິກັດ ແລະ ບິນສັງເກດຈຸດຕົກ ຂອງລູກປືນໃຫຍ່ ໃຫ້ກົມປືນໃຫຍ່ໜ້າດິນໃນງານສະເຫຼີມສະຫຼອງວັນສ້າງຕັ້ງກອງທັບ 75 ປີ ທີ່ວິທະຍາຄານກົມມະດໍາມີຜົນສໍາເລັດຢ່າງຈົບງາມ.

news to day and hot news