POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ໝາກຜົນຂອງການແຮກສ່ຽວ ລະຫວ່າງບ້ານຕໍ່ບ້ານ ຢູ່ເມືອງກະລຶມ ແຂວງເຊກອງ
ເວລາອອກຂ່າວ: 2024-11-04 09:17:41 | ຜູ້ຂຽນ : admin1 | ຈຳນວນຄົນເຂົ້າຊົມ: 592 | ຄວາມນິຍົມ:

ໃນຕົ້ນເດືອນຕຸລາ 2024 ນີ້, ນັກຂ່າວສະຖານີວິທະຍຸ-ໂທ ລະພາບ ກອງທັບປະຊາຊົນຫວຽດ ນາມ ໄດ້ເຄື່ອນໄຫວສຳພາດ ສະຫາຍ ພັນເອກ ສົມຈິດ ນິລະພົນ ຫົວໜ້າການເມືອງ ກອງບັນຊາການທະຫານແຂວງເຊກອງ ກ່ຽວກັບໝາກຜົນຂອງການແຮກສ່ຽວ ລະຫວ່າງບ້ານຕໍ່ບ້ານ ແລະ ການຊ່ວຍເຫຼືອພັດທະນາເສດຖະກິດ-ສັງຄົມ ຢູ່ບ້ານໂກຣ ເມືອງກະລຶມ ແຂວງເຊກອງ, ມີ ສະຫາຍ ພັນໂທ ກາວ ຈິ ຫງວຽນ ຮອງຫົວໜ້າຫ້ອງການເມືອງ ກອງບັນຊາການທະຫານຊາຍແດນແຂວງ ເທືອທຽນເຫວ້ ສສ ຫວຽດນາມ, ສະຫາຍ ພັນໂທ ຫງວຽນ ກົງ ໝັ້ນ ຫົວໜ້າການ ເມືອງ ກອງຮ້ອຍທະຫານຊາຍແດນ ອາເດິດ ແຂວງກວາງນາມ ສສ ຫວຽດນາມ, ສະຫາຍ ອອຍ ດວງຄຳພານ ເລຂາພັກບ້ານ, ນາຍບ້ານ ບ້ານໂກຣ ເມືອງກະ ລຶມ ພ້ອມດ້ວຍອົງການຈັດຕັ້ງທີ່ກ່ຽວຂ້ອງເຂົ້າຮ່ວມ. ສະຫາຍ ພັນເອກ ສົມຈິດ ນິລະພົນ ໄດ້ຕາງໜ້າໃຫ້ຄະນະ ພັກ-ຄະນະບັນຊາ ແລະ ພະນັກ ງານ-ນັກຮົບ ກອງບັນຊາການທະຫານແຂວງເຊກອງ ກໍຄືອຳ ນາດການປົກຄອງທ້ອງຖິ່ນທຸກຂັ້ນ ໃຫ້ທັດສະນະວ່າ: ຂ້າພະເຈົ້າ ຮູ້ສຶກເປັນກຽດ ແລະ ພາກພູມໃຈເປັນຢ່າງຍິງ ທີ່ໄດ້ໃຫ້ການສຳພາດຕໍ່ນັກຂ່າວສະຖານີ ວິທະ ຍຸ-ໂທລະພາບກອງທັບປະຊາຊົນ ຫວຽດນາມ ໃນຄັ້ງນີ້ ເພື່ອເປັນການຮັດແໜ້ນຄວາມສາມັກຄີ ແບບພິເສດ ລາວ-ຫວຽດນາມ, ຫວຽດນາມ-ລາວ ກໍຄືການປະ ຕິບັດແນວທາງການຕ່າງປະເທດ ຂອງສອງພັກ, ສອງລັດ, ສອງກອງທັບ ລາວ-ຫວຽດນາມ, ເວົ້າລວມ-ເວົ້າສະເພາະ ກໍຄືປະ ຊາຊົນຢູ່ລຽບຕາມຊາຍແດນຂອງແຂວງເຊກອງ-ແຂວງເທື່ອທຽນເຫວ້ ໃຫ້ນັບມື້ກ້າວເຂົ້າສູ່ລວງເລີກຍິ່ງໆ ຂຶ້ນ ທັງສອງແຂວງພວກເຮົາ ໄດ້ມີມູນເຊື້ອມາແຕ່ດົນນານ ແລະ ປະ ຊາຊົນສອງແຂວງໄດ້ປະກອບສ່ວນເຂົ້າໃນພາລະກິດກໍ່ສ້າງຊາຍ ແດນແຫ່ງສັນຕິພາບ, ມິດຕະ ພາບ ແລະ ການພົວພັນຮ່ວມມື ຮອບດ້ານເຂົ້າໃນການ ສ້າງສາພັດທະນາເສດຖະກິດ-ສັງຄົມ, ໃນຄັ້ງວັນທີ 9 ກັນຍາ 2021 ແລະ ວັນທີ 12 ຕຸລາ 2021 ຜ່ານມາ ບ້ານອາຕິນ ຕາແສງເລິມເດິດ ແລະ ບ້ານອາບາຕາ ແສງກວາງເຍິມ ເມືອງອາເລື້ອຍແຂວງເທື່ອທຽນເຫວ້ ສສ ຫວຽດນາມ ໄດ້ຈັດຕັ້ງພິທີແຮກ ສ່ຽວ ກັບ ບ້ານໂກຣ ແລະ ບ້ານເຊຊັບ ເມືອງກະລຶມ ແຂວງເຊກອງ ສປປ ລາວ, ເພື່ອສ້າງເງື່ອນໄຂອຳນວຍຄວາມສະດວກ ໃຫ້ແກ່ປະຊາຊົນຢູ່ລຽບຕາມຊາຍແດນ ເພີ່ມທະວີໃນການເຄື່ອນໃຫວພົບປະແລກປ່ຽນທາງດ້ານການພັດທະນາເສດຖະກິດ, ວັດ ທະນາທຳ-ສັງຄົມ ແລະ ອື່ນໆ ໃຫ້ກ້າວເຂົ້າສູ່ລວງເລິກ. ໃນໄລຍະຜ່ານມາ, ທັງສອງຝ່າຍໄດ້ປະສານສົມທົບກັນຈັດຕັ້ງໂຄ ສະນາວຽກງານສຶກສາ, ກົດໝາຍ ແລະ ສົນ ທິສັນຍາຊາຍແດນໃຫ້ປະຊາຊົນ ທີ່ອາໄສຢູ່ລຽບຕາມຊາຍແດນ ເປັນປົກກະຕິ ແລະ ຕໍ່ເນື່ອງ, ພ້ອມກັນເປັນເຈົ້າການປົກປັກຮັກສາ ອຳ ນາດອະທິປະໄຕ ຜືນແຜ່ນດິນອັນຄົບຖ້ວນຂອງຕົນ ໄວ້ໃຫ້ໝັ້ນຄົງ ໂດຍຖືເອົາຂໍ້ກຳນົດ, ກົດລະບຽບສົນທິສັນຍາຊາຍແດນ ລາວ-ຫວຽດນາມ, ຫວຽດນາມ-ລາວ ແລະ ບັນດານິຕິກຳຕ່າງໆ ມາເປັນບ່ອນອີງ ແລະ ຈັດຕັ້ງຜັນຂະຫຍາຍ ເປັນຕົ້ນແມ່ນບັນຫາການຍົກຍ້າຍຕັ້ງຖິ່ນຖານພູມ ລຳເນົາ, ການແຕ່ງດອງແບບຜິດກົດໝາຍຂອງສອງປະເທດວາງອອກ ພ້ອມກັນນັ້ນ, ອົງການ ຈັດຕັ້ງປົກຄອງແຂວງທັງສອງຝ່າຍ ຍັງໄດ້ຫັນເອົາພະນັກງານ ທີ່ກ່ຽວຂ້ອງລົງຊຸກຍູ້ປຸກລະດົມຊຸກຍູ້ປະຊາຊົນປະກອບສ່ວນເຂົ້າໃນການຈັດຕັ້ງປະຕິບັດເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ ຢູ່ລຽບຕາມຊາຍ ແດນ ໃຫ້ມີຄວາມສະຫງົບໂດຍ ພື້ນຖານຕິດພັນກັບການຫັນເອົາ ການພັດທະນາເສດຖະກິດ-ສັງ ຄົມ ເປັນບັນຫາສຳຄັນ ເພື່ອແກ້ໄຂຊີວິດການເປັນຢູ່ຫຼຸດຜ່ອນຄວາມທຸກຍາກຂອງປະຊາຊົນບັນດາເຜົ່າ ໄດ້ຮັບການພັດທະນາດີຂຶ້ນເປັນກ້າວໆ. ຕະຫຼອດໄລຍະຜ່ານມາ, ກອງທັບປະຊາຊົນຫວຽດນາມ ໄດ້ເອົາໃຈໃສ່ຊ່ວຍ ເຫຼືອປະຊາຊົນ ແລະ ກຳລັງທະ ຫານຊາຍແດນຂອງກອງທັບປະຊາຊົນລາວ ທາງດ້ານວັດຖຸ ແລະ ປັດໄຈ ເພື່ອປັບປຸງກໍ່ສ້າງພື້ນຖານໂຄງລ່າງ ໃຫ້ໄດ້ຮັບການ ພັດທະນາດີຂຶ້ນ ໂດຍສະເພາະ ແມ່ນການຢ້ຽມຢາມພົບປະແລກ ປ່ຽນ ພ້ອມທັງການອວຍພອນເຊິ່ງກັນ ແລະ ກັນ ຂອງຄະນະຜູ້ ແທນຂັ້ນສູນກາງ ແລະ ທ້ອງຖິ່ນ, ການມອບເຄື່ອງອຸປະໂພກ-ບໍລິ ໂພກ, ການກວດກາສຸຂະພາບ ແລະ ຈ່າຍຢາແບບບໍ່ເສຍຄ່າ ພ້ອມນັ້ນ, ຍັງໄດ້ຊ່ວຍເຫຼືອທຶນການສຶກສາ ໃຫ້ຫຼານນ້ອຍນັກ ຮຽນຢູ່ສອງບ້ານແຮກສ່ຽວ, ຊ່ວຍກໍ່ໍສ້າງນ້ຳລິນ ໃຫ້ກອງຮ້ອຍ ທະຫານຊາຍແດນ 531 ແຂວງເຊກອງ ລວມ ມູນຄ່າ 2,1 ຕື້ດົງ, ມອບຄອມພິວເຕີຕັ້ງໂຕະ ຈຳນວນ 6 ຊຸດ ມູນຄ່າ 66 ລ້ານດົງ ແລະ ເຂົ້າສານ (ຈ້າວ) ຈຳນວນ 5 ໂຕນ. ສະຫາຍ ພັນເອກ ສົມຈິດ ນິລະພົນ ຍັງກ່າວຕື່ມອີກວ່າ: ທັງໝົດນີ້ ແມ່ນການປະກອບສ່ວນຊ່ວຍເຫຼືອລ້າທີ່ລ້ຳຄ່າທີ່ສຸດຂອງ ກອງທັບ ແລະ ປະຊາຊົນຫວຽດ ນາມ ທີ່ໄດ້ຊ່ວຍເຫຼືອປະຊາຊົນ ແລະ ກຳລັງປະກອບອາວຸດທ້ອງ ຖິ່ນແຂວງເຊກອງ ຕະຫຼອດມາ; ອີກເທື່ອໜື່ງ, ຂ້າພະເຈົ້າຕາງໜ້າໃຫ້ຄະນະພັກ-ຄະນະບັນຊາກອງບັນຊາການທະຫານແຂວງເຊກອງ ແລະ ປະຊາຊົນບັນດາເຜົ່າແຂວງເຊກອງ ຂໍສະແດງຄວາມຮູ້ບຸນຄຸນ ແລະ ຂອບໃຈ, ຂໍອວຍ ພອນໄຊອັນປະເສີດ ມາຍັງການ ນຳພັກ-ລັດ ແລະ ປະຊາຊົນສອງ ຊາດ ລາວ-ຫວຽດນາມ, ຫວຽດ ນາມ-ລາວ ຈົ່ງມີສຸຂະພາບແຂງ ແຮງ, ສືບຕໍ່ຮັກສາມູນເຊື້ອຄວາມສາມັກຄີດ້ວຍໄມຕີຈິດມິດຕະພາບແບບພິເສດໃຫ້ໜັກແໜ້ນ ໄປພ້ອມກັບການເສີມສ້າງສາຍພົວພັນຮ່ວມມືຮອບດ້ານໃນການພັດທະ ນາເສດຖະກິດ-ສັງຄົມໃຫ້ມີຄວາມເພີ່ມພູນຄູນສ້າງ ແລະ ມີຄວາມໝັ້ນຄົງທະນົງແກ່ນຕະ ຫຼອດໄປ. ໂດຍ: ທອງມີ ຈັນທະວີວັນ

news to day and hot news