POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ທັນວາ 2024

ທະຫານແຂວງຄຳມ່ວນ ປະກາດການອະນຸຍາດ ໃຫ້ນາຍທະຫານ ພັກການ ກຽມຮັບບຳນານ
ເວລາອອກຂ່າວ: 2024-11-05 09:15:36 | ຜູ້ຂຽນ : admin1 | ຈຳນວນຄົນເຂົ້າຊົມ: 617 | ຄວາມນິຍົມ:

ໃນວັນທີ 1 ພະຈິກ 2024, ກອງບັນຊາການທະຫານແຂວງຄຳມ່ວນ ໄດ້ປະກາດການອະນຸຍາດໃຫ້ ນາຍທະຫານ ພັກການເພື່ອກຽມ ຮັບບຳນານ ຈຳນວນ 4 ສະຫາຍ, ໂດຍການເປັນປະທານຂອງ ສະຫາຍ ພັນເອກ ບຸນເລີດ ບຸບຜາວັນ ຮອງເລຂາຄະນະພັກ, ຫົວໜ້າການທະຫານ ກອງບັນຊາການທະຫານແຂວງຄຳມ່ວນ, ມີຄະນະພັກ-ຄະນະບັນຊາອົງການ 6 ຫ້ອງ, ພະແນກການ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ. ສະຫາຍ ພັນໂທ ເຂືອງຄຳ ສີດາຄຳ ຮັກສາການ ຫົວໜ້າພະແນກພະນັກງານ ກອງບັນຊາການທະຫານແຂວງຄຳມ່ວນ ໄດ້ຜ່ານຂໍ້ຕົກລົງ ຂອງກະຊວງປ້ອງກັນປະເທດ ແລະ ຂ້ໍຕົກລົງຂອງກອງ ບັນຊາການທະຫານແຂວງຄຳມ່ວນ ວ່າດ້ວຍການອະນຸຍາດໃຫ້ນາຍທະຫານທີ່ຂຶ້ນກັບກອງບັນຊາການທະຫານແຂວງຄຳມ່ວນ ພັກການ ເພື່ອກຽມຮັບບຳ ນານ, ອີງຕາມກົດໝາຍນາຍທະຫານກອງທັບປະຊາຊົນລາວ ວ່າດ້ວຍອາຍຸກະສຽນຮັບບຳນານຂອງນາຍທະຫານ, ອີງຕາມ ການສະເໜີຂອງກອງບັນຊາການທະຫານແຂວງຄຳມ່ວນ ແລະ ອີງຕາມການຄົ້ນຄວ້ານຳສະເໜີຂອງກົມພະນັກງານ ກົມໃຫຍ່ການເມືອງກອງທັບ ຕົກລົງ ອະນຸຍາດໃຫ້ສະຫາຍ ພັນໂທ ວັນດີ ເຮືອງສີສຸກ, ສະຫາຍ ພັນໂທ ກິໃຫຍ່ ພົມມະວົງ, ສະຫາຍ ພັນໂທ ບຸນຍໍ ພູມສະຫັວນ ແລະ ສະຫາຍ ພັນໂທ ສົມພອນ ອິນທະບັນຊາ ພັກການ ເພື່ອກຽມເຂົ້າຮັບບຳ ນານ . ໂອກາດນີ້, ສະຫາຍ ພັນເອກ ບຸນເລີດ ບຸບຜາວັນ ໄດ້ສະເເດງຄວາມຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດທີ່ບັນດາສະ ຫາຍໄດ້ເອົາໃຈໃສ່ປະຕິບັດຕໍ່ ໜ້າທີ່ວຽກງານວິຊາສະເພາະຂອງຕົນເອງ ທີ່ການຈັດຕັ້ງກົມກອງ ກໍຄືພັກ-ລັດ ມອບໝາຍ ໃຫ້ຢ່າງສົມກຽດ ເຊິ່ງໄດ້ປະກອບ ສ່ວນອັນສຳຄັນທາ ງດ້ານເຫື່ອ ແຮງ ແລະ ສຸມທຸກສະຕິປັນຍາຂອງຕົນເອງເຂົ້າໃນວຽກງານຂະບວນການຕ່າງໆ ຂອງກົມກອງຢ່າງມີຜົນສຳເລັດຕະຫຼອດມາ, ບັນດາສະຫາຍຜູ້ທີ່ໄດ້ຮັບນະ ໂຍບາຍຈາກຂັ້ນເທິງ ພັກການຮັບບຳນານໃນຄັ້ງນີ້, ໃຫ້ເຂົ້າໃຈວ່າແມ່ນກຽດສັກສີອັນສູງສົ່ງ ແລະ ເປັນການປະຕິບັດຂໍ້ກຳນົດ, ກົດລະບຽບຂອງກອງ ທັບປະຊາຊົນລາວວາງອອກ ເມື່ອຮອດອາຍຸກະສຽນບຳນານ ທຸກຄົນຕ້ອງໄດ້ປະຕິບັດຕາມລະບຽບກົດໝາຍທີ່ວາງໄວ້, ຈົ່ງພ້ອມກັນສືບຕໍ່ເຮັດວຽກງານສຶກສາອົບຮົມການເມືອງ-ນຳພາແນວຄິດ ຈັດຕັ້ງປະຕິບັດສຶກສາອົບຮົມບົ່ມສອນໃຫ້ລູກຫຼານ ແລະ ທຸກຄົນຢູ່ພາຍໃນຄອບຄົວຂອງຕົນກໍຄືຄົນໃນສັງຄົມໃຫ້ເປັນຄົນດີ, ພ້ອມທັງປະສານສົມທົບວຽກງານກັບບັນດາອຳ ນາດການປົກຄອງທ້ອງຖິ່ນ, ດຳລົງຊີວິດດ້ວຍຄວາມປອດໃສ ຂາວສະອາດ, ຕ້ານໄດ້ທຸກປະກົດການຫຍໍ້ທໍ້ຕ່າງໆ ທີ່ຈະເກີດຂຶ້ນຢູ່ໃນຄອບຄົວຂອງຕົນ ກໍຄືຢູ່ໃນສັງຄົມໃນປັດຈຸບັນ, ຍົກສູງນໍ້າໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງໃຫ້ດີຂຶ້ນຕະຫຼອດໄປ. ໂດຍ: ວິໄລວອນ ພົມມະວົງສາ

news to day and hot news