ວັນພະຫັດ, ວັນທີ 12 ທັນວາ 2024
ອົງການໄອຍະການທະຫານພາກໃຕ້ ແລະ ສານທະຫານພາກໃຕ້ ເປີດຊຸດອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-11-05 09:22:08 | ຜູ້ຂຽນ : admin1 | ຈຳນວນຄົນເຂົ້າຊົມ: 569 | ຄວາມນິຍົມ: 
ໃນວັນທີ 30 ຕຸລາ 2024 ນີ້, ອົງການໄອຍະການທະຫານພາກໃຕ້ ແລະ ສານທະຫານພາກໃຕ້ ໄດ້ເປີດຊຸດອົບຮົມ-ຫັດແອບ ປະຈຳປີ 2024 ຢູ່ທີ່ເດີ່ນຂອງອົງການໄອຍະການທະຫານພາກໃຕ້, ໂດຍການເປັນປະທານຂອງ ສະຫາຍ ພັນເອກ ພູວົງ ບຸດສະດີ ຫົວໜ້າອົງການໄອຍະການທະຫານພາກໃຕ້, ສະຫາຍ ພັນເອກ ຈັນທະວີໄຊ ນາມມະວົງສາ ປະທານສານທະຫານພາກໃຕ້, ມີຄະນະພັກ-ຄະນະບັນຊາ ແລະ ພະນັກງານ-ນັກຮົບທັງ 2 ອົງການ ເຂົ້າຮ່ວມ.
ສະຫາຍ ພັນໂທ ທອງສ່ຽນ ວົງໄຊ ຮອງຫົວໜ້າອົງການໄອຍະການທະຫານພາກໃຕ້ ໄດ້ຜ່ານຂໍ້ຕົກລົງຂອງກົມໃຫຍ່ການເມືອງກອງທັບ ວ່າດ້ວຍການອະນຸມັດເປີດຊຸດເຝິກອົບຮົມ-ຫັດແອບຍິງເປົ້າໝາຍດ້ວຍລູກປືນແທ້ ຂອງສານທະຫານພາກໃຕ້ ແລະ ອົງການໄອຍະການທະຫານພາກໃຕ້ ປະຈຳປີ 2024 ພ້ອມທັງຜ່ານແຜນການອົບຮົມ-ຫັດແອບ ປະຈຳປີ 2024. ຈຸດປະສົງເພື່ອຍົກລະດັບໃຫ້ພະນັກງານ-ນັກຮົບ ມີຄວາມຮູ້ ຄວາມສາມາດທາງດ້ານສິລະປະຍຸດ-ຍຸດທະວິທີ ແລະ ລະດັບວິຊາສະເພາະໃຫ້ສູງ ສາມາດເຮັດສຳເລັດໜ້າທີ່ການເມືອງ ແລະ ການທະຫານຂອງກົມກອງ, ທັງເປັນການຍູ້ແຮງຂະບວນການຈັດຕັ້ງປະຕິບັດ, ປັບປຸງລະບຽບແບບແຜນ, ເຝິກຝົນກຳລັງແຮງກາຍ ແລະ ຂໍ້ກຳນົດ, ກົດລະບຽບຂອງກອງທັບ ເພື່ອພ້ອມກັນປັບປຸງການຈັດຕັ້ງຂອງກົມກອງ ໃຫ້ມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ, ຍົກສູງ
ພາລະບົດບາດ, ຄວາມຮັບຜິດຊອບການເມືອງຂອງພະນັງານ-ນັກຮົບພາຍໃນກົມກອງ ໃຫ້ນັບມື້ສູງຂຶ້ນ. ເອກະສານທີ່ຈະໄດ້ນຳມາອົບຮົມ-ຫັດແອບ ພາກການເມືອງ: ເຊື່ອມຊຶມກຳແໜ້ນແນວທາງນະໂຍບາຍຂອງພັກ, ເຜີຍແຜ່ກົດລະບຽບ ແລະ ມູນເຊື້ອຂອງກອງທັບ, ຄຸນສົມບັດສິນທຳປະຕິວັດ ແລະ ແບບແຜນວິທີເຮັດວຽກ, ກົນອຸບາຍຫັນປ່ຽນຂອງສັດຕູ, ມາລະຍາດ, ຈັນຍາບັນຈັນຍາທຳ ຂອງນາຍ ແລະ ພົນທະຫານ, ກົດໝາຍ ແລະ ມະຕິຕ່າງໆ ຂອງພັກ, ຂອງລັດ, ຂອງກອງທັບ; ພາກການທະຫານ: ອົບຮົມ 7 ລະບອບ 18 ວຽກຂອງກອງທັບ, ວິໄນ 8 ຂໍ້, ຄຳປະຕິຍານ 8 ຂໍ້ ແລະ ກົດລະບຽບ 12 ຂໍ້ຕໍ່ປະຊາຊົນ, ລະບຽບຮູບແຖວຄົງທີ່-ເຄື່ອນທີ່ຂັ້ນໝູ່, ຂັ້ນໝວດ, ຂັ້ນກອງຮ້ອຍ ແລະ ອົບຮົມຄຸນຄ່າສະມັດຕະພາບຂອງການນຳໃຊ້ປືນ AKM, K 59, K 54. ກຳນົດເວລາ ອົມຮົມ 15 ວັນ ຈຶ່ງຈະສຳເລັດ.
ໂດຍ: ດາວົງ ບຸດຕະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
