POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ສະພາແຫ່ງຊາດ ລາວ-ກູບາ ເສີມຂະຫຍາຍ ສາຍພົວພັນດ້ານນິຕິກຳ
ເວລາອອກຂ່າວ: 2024-11-05 09:44:31 | ຜູ້ຂຽນ : admin1 | ຈຳນວນຄົນເຂົ້າຊົມ: 132 | ຄວາມນິຍົມ:

ໃນວັນທີ 3 ພະຈິກ 2024 ທີ່ຫໍສະພາແຫ່ງຊາດ ໄດ້ມີການພົບປະສອງຝ່າຍ ລະຫວ່າງ ສະພາແຫ່ງຊາດ ສປປ ລາວ ແລະ ສະພາແຫ່ງຊາດອຳນາດປະຊາຊົນ ແຫ່ງ ສາທາລະລັດ ກູບາ ໂດຍສະຫາຍ ໄຊສົມພອນ ພົມວິຫານ ໄດ້ສະແດງຄວາມຕ້ອນຮັບ ສະຫາຍ ເອັສເຕບານ ລາໂຊ ເຮີນານເດສ ພ້ອມດ້ວຍຄະນະ ທີ່ມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມພິທີສະເຫຼີມສະຫຼອງວັນຄົບຮອບ 50 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ ກູບາ, ຊົມເຊີຍ ຕໍ່ສະຫາຍ ທີ່ໄດ້ຮັບເລືອກຕັ້ງເປັນປະທານສະພາແຫ່ງຊາດອຳນາດປະຊາຊົນ ສາທາລະນະລັດ ກູບາ ອີກເທື່ອໜຶ່ງ ໃນເດືອນເມສາ 2023 ທີ່ຜ່ານມາ, ພ້ອມທັງ ຕີລາຄາສູງຕໍ່ການຢ້ຽມຢາມ ສປປ ລາວ ຂອງສະຫາຍ ໃນຄັ້ງນີ້ ເຊິ່ງເປັນການຢ້ຽມຢາມ ສປປ ລາວ ເທື່ອທຳອິດ ໃນນາມທີ່ເປັນປະທານສະພາແຫ່ງຊາດອຳນາດປະຊາຊົນ ແຫ່ງ ສ ກູບາ. ພິເສດ ສະຫາຍ ແລະ ຄະນະ ຍັງຈະໄດ້ເຂົ້າຮ່ວມພິທີສະເຫຼີມສະຫຼອງຄົບຮອບ 50 ປີ ແຫ່ງການສ້າງສາຍພົວພັນການທູດ ລະຫວ່າງ ສປປ ລາວ ແລະ ສ ກູບາ. ສະຫາຍ ໄຊສົມພອນ ພົມວິຫານ ໄດ້ສະເໜີທິດທາງການພົວພັນຮ່ວມມື ລະຫວ່າງ ສອງອົງການນິຕິບັນຍັດ ໃນຕໍ່ໜ້າທີ່ກອງປະຊຸມວ່າ: ຈະສືບຕໍ່ລົງນາມຮ່ວມກັນຈັດຕັ້ງບົດບັນທຶກ ວ່າດ້ວຍການຮ່ວມມື ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ອຳນາດປະຊາຊົນ ແຫ່ງ ສ ກູບາ ສະບັບໃໝ່ ເປັນຕົ້ນ ການແລກປ່ຽນຄະນະຜູ້ແທນ ໃນລະດັບປະທານສະພາ, ຮອງປະທານ, ກຳມາທິການ, ຄະນະເລຂາທິການ, ຄະນະມິດຕະພາບລັດຖະສະພາ ລາວ-ກູບາ ໄປພ້ອມກັບການແລກປ່ຽນຂໍ້ມູນ-ຂ່າວສານ, ບົດຮຽນກ່ຽວກັບການຈັດຕັ້ງປະຕິບັດພາລະບົດບາດດ້ານນິຕິບັນຍັດ ແລະ ຈັດສຳມະນາໃນຫົວຂໍ້ຕ່າງໆ ທີ່ສອງຝ່າຍມີຄວາມສົນໃຈ ຕາມເງື່ອນໄຂທີ່ເໝາະສົມ, ຈະສືບຕໍ່ຊຸກຍູ້ໃຫ້ລັດຖະບານ ຂອງສອງປະເທດ ຈັດຕັ້ງປະຕິບັດບັນດາສັນຍາ, ສົນທິສັນຍາ, ຂໍ້ຕົກລົງ ແລະ ບົດບັນທຶກຄວາມເຂົ້າໃຈ ທີ່ໄດ້ຕົກລົງຮ່ວມກັນ ໃຫ້ເປັນຮູບປະທຳ ແລະ ມີປະສິດຜົນດີຂຶ້ນກວ່າເກົ່າເປັນຕົ້ນ ໃນຂົງເຂດການຄ້າ-ການລົງທຶນ, ສາທາລະນະສຸກ, ກະສິກຳ, ສຶກສາ-ກິລາ, ທະນາຄານ ແລະ ຂົງເຂດຕຸລາການ ໃຫ້ແຕກດອກອອກຜົນຍິ່ງຂຶ້ນ ເພື່ອນຳຜົນປະໂຫຍດມາສູ່ປະຊາຊົນສອງຊາດ ລາວ-ກູບາ, ຈະສືບຕໍ່ສະໜັບສະໜູນ ແລະ ຮ່ວມມືກັນ ໃນການເຄື່ອນໄຫວໃນເວທີລັດຖະສະພາພາກພື້ນ ແລະ ສາກົນ ເປັນຕົ້ນແມ່ນ AIPA, IPU ແລະ ອື່ນໆ, ເພື່ອປະກອບສ່ວນເຂົ້າໃນການປົກປັກຮັກສາສັນຕິພາບ, ສະຖຽນລະພາບ ແລະ ການຮ່ວມມື ເພື່ອການພັດທະນາແບບຍືນຍົງໃນພາກພື້ນ ແລະ ສາກົນ. ໂອກາດດັ່ງກ່າວ, ສອງຝ່າຍ ໄດ້ຮ່ວມລົງນາມບົດບັນທຶກ ວ່າດ້ວຍການຮ່ວມມື ລະຫວ່າງ ປະທານສະພາແຫ່ງຊາດ ແຫ່ງ ສປປ ລາວ ແລະ ປະທານສະພາແຫ່ງຊາດ ອຳນາດປະຊາຊົນ ແຫ່ງ ສ ກູບາ, ສປປ ລາວ ແລະ ສ ກູບາ ມີການຮ່ວມມືກັນໃນຂະແໜງການທີ່ສອງຝ່າຍມີທ່າແຮງເຊັ່ນ: ກະສິກຳ, ສາທາລະນະສຸກ, ການສຶກສາ-ກິລາ, ວັດທະນະທຳ, ຂ່າວສານ, ຂົງເຂດຕຸລາການ ແລະ ອື່ນໆ.

news to day and hot news