ວັນພຸດ, ວັນທີ 04 ທັນວາ 2024
ງານບຸນພະທາດຫຼວງວຽງຈັນ ປີນີ້ ຈະຈັດຂຶ້ນຢ່າງຍິ່ງໃຫຍ່ຕິດພັນກັບການ ສະເຫຼີມສະຫຼອງປີທ່ອງທ່ຽວລາວ
ເວລາອອກຂ່າວ: 2024-11-06 09:19:03 | ຜູ້ຂຽນ : admin1 | ຈຳນວນຄົນເຂົ້າຊົມ: 148 | ຄວາມນິຍົມ: 
ໃກ້ເຂົ້າມາແລ້ວ, ສຳລັບງານບຸນນະມັດສະການ ພະທາດ ຫຼວງວຽງຈັນ ເຊິ່ງແມ່ນໜຶ່ງໃນຮີດ 12 ຄອງ 14 ຂອງລາວ ເປັນບຸນປາງໃຫຍ່ທີ່ສຸດຂອງປີ ທີ່ຕິດພັນກັບວັດທະນະທຳອັນດີງາມຂອງຊາວລາວເຮົາ ໂດຍໄດ້ສືບທອດປະຕິບັດກັນມາແຕ່ດົນນານ, ໃນແຕ່ລະປີກໍໄດ້ຈັດຂຶ້ນ ເພື່ອສືບຕໍ່ສົ່ງເສີມ, ອະນຸລັກຮັກສາວັດທະນະທຳ-ຮີດຄອງປະເພນີ ອັນດີງາມຂອງຊາດ, ຮັກສາມູນ ເຊື້ອຄວາມສາມັກຄີ ນ້ຳໃຈໂອບເອື້ອອາລີ ຮັກແຂກແພງຄົນຂອງຊົນຊາວລາວ.
ໃນແຕ່ລະປີ, ພາຍໃນງານກໍ ຈະມີຫຼາກຫຼາຍກິດຈະກຳທີ່ເປັນ ເອກະລັກ ຫາເບິ່ງຢູ່ໃສ່ບໍ່ໄດ້ ບໍ່ວ່າຈະເປັນການຕີຄີ, ແຫ່ພະສາດ ເຜິ້ງ, ໃສ່ບາດຍາມເຊົ້າ, ວຽນ ທຽນຍາມແລງ ພ້ອມກັບການຈັດບູດຂາຍເຄື່ອງ, ອາຫານການກິນ, ເກມຫຼິ້ນມ່ວນຊື່ນຕ່າງໆ ຖືວ່າຄົບຈົບໃນງານດຽວ, ສະນັ້ນ ໃນແຕ່ລະປີຊາວລາວ ແລະ ຕ່າງ ຊາດລ້ວນແລ້ວແຕ່ມັກ ແລະ ຕັ້ງ ໜ້າຕັ້ງຕາລໍຖ້າມາທ່ຽວຊົມບຸນພະທາດຫຼວງວຽງຈັນ. ພິເສດໃນປີນີ້ ຍັງຈະສະເຫຼີມສະຫຼອງປີທ່ອງທ່ຽວລາວ ເຊື່ອວ່າງານບຸນຈະຍິ່ງໃຫຍ່ ເປັນລະບົບລະບຽບ ຄົນມາທ່ຽວຊົມກໍຈະໄດ້ຮັບແຕ່ຄວາມມ່ວນຊື່ນ, ເຄື່ອງຂອງລາຄາຖືກ ພ້ອມກັບຄວາມຊົງຈຳດີໆ ກັບໄປຢ່າງແນ່ນອນ
ໃນຄວາມມ່ວນຊື່ນສິ່ງທີ່ພວກເຮົາຄວນເອົາໃຈໃສ່ນຳກັນນັ້ນກໍ ແມ່ນ ຄວາມສະອາດ, ບໍ່ຖິ້ມຂີ້ ເຫຍື່ອຊະຊາຍ, ຫຼຸດຜ່ອນການໃຊ້ຖົງຢາງດ້ວຍການຖືຖົງຜ້າ, ກະຕ່າ, ຫຼື ລໍ້ຍູ້ນ້ອຍຂອງຕົນເອງມາແຕ່ບ້ານເພື່ອຊື້ເຄື່ອງຂອງກໍຖືວ່າເປັນການດີທີ່ສຸດ ເພາະຖ້າງານບຸນເຮົາສະອາດຈົບງາມ, ສະຖານທີ່ເປັນລະບຽບຮຽບຮ້ອຍ, ຄົນມີນ້ຳໃຈໂອບເອື້ອອາ ລີ, ມີຮີດຄອງປະເພນີອັນດີງາມ ເຊື່ອວ່າທັງຊາວລາວ ແລະ ຕ່າງຊາດທີ່ເຂົ້າມາເຫັນກໍຈະໄດ້ສຳ ຜັດກັບຄວາມເປັນລາວຢ່າງແທ້ຈິງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
