ວັນສຸກ, ວັນທີ 13 ທັນວາ 2024
ຂະແໜງສະຫະພັນແມ່ຍິງ ກອງພັນໃຫຍ່ 641 ສະຫຼຸບຖອດຖອນບົດຮຽນວຽກງານກອງທຶນ ປະຈຳປີ 2023-2024
ເວລາອອກຂ່າວ: 2024-11-07 09:04:23 | ຜູ້ຂຽນ : admin1 | ຈຳນວນຄົນເຂົ້າຊົມ: 974 | ຄວາມນິຍົມ: 
ບໍ່ດົນມານີ້, ຂະແໜງສະຫະພັນແມ່ຍິງ ກອງພັນໃຫຍ່ 641 ໄດ້ ສະຫຼຸບຖອດຖອນບົດຮຽນວຽກງານກອງທຶນ ປະຈຳປີ 2023-2024 ແລະ ວາງທິດທາງແຜນການ ປະຈຳປີ 2024-2025, ໂດຍການເປັນປະທານຂອງສະຫາຍ ພັນເອກ ສອນແກ້ວ ຜາລີທອງ ຫົວໜ້າການເມືອງ ກອງພັນໃຫຍ່ 641, ມີຄະນະພັກ-
ຄະນະບັນຊາ ກອງພັນໃຫຍ່, ພະແນກການ, ກອງພັນ, ກອງຮ້ອຍເອກະ ລາດ,ຂະແໜງການ ຕະຫຼອດຮອດເລຂາໜ່ວຍຊາວໝຸ່ມ-ແມ່ຍິງ ແລະ ສະມາຊິກກອງທຶນ ເຂົ້າຮ່ວມ.
ສະຫາຍ ພັນໂທ ນາງ ພວງວັນ ແພງລຳພັນ ຫົວໜ້າຂະແໜງສະ
ຫະພັນແມ່ຍິງ ກອງພັນໃຫຍ່ 641 ໄດ້ຜ່ານບົດສະຫຼຸບວຽກງານກອງທຶນ ປະຈຳປີ 2023-2024 ແລະ ຜ່ານທິດທາງແຜນການ ປະຈຳປີ 2024-2025 ຄະນະບໍລິ
ຫານງານກຸ່ມທ້ອນເງິນ ໄດ້ຖືເອົາວຽກງານດ້ານການເມືອງ-ແນວຄິດ ເປັນບັນຫາສຳຄັນຕົ້ນຕໍ ແລະ ມີຄວາມຮັບຜິດຊອບສູງ, ສຸມທຸກເຫື່ອແຮງ, ສະຕິປັນຍາເຂົ້າໃນວຽກງານກອງທຶນ ເຮັດໃຫ້ສະມາຊິກເຫັນໄດ້ຄວາມໝາຍ ຄວາມສຳຄັນຂອງການທ້ອນເງິນ ແລະ ມີຄວາມຕື່ນຕົວສະໝັກໃຈເຂົ້າຮ່ວມຝາກເງິນຢ່າງເປັນຂະບວນການຟົດຟື້ນ. ໃນນີ້, ປະກອບມີ ຄະນະກອງທຶນ 4 ສະຫາຍ, ມີກຸ່ມທ້ອນເງິນ ຈຳນວນ 1 ກຸ່ມ, ມີສະມາຊິກເຂົ້າຮ່ວມ ທັງໝົດ 648 ສະຫາຍ, ຄະນະພະແນກ 4 ສະຫາຍ, ຍິງ 157 ສະຫາຍ, ຊາຍ 247 ສະຫາຍ, ໃນສົກປີ 2023-
2024 ມີເງິນຝາກທັງໝົດ 379.481.000 ກີບ, ປ່ອຍເງິນໃຫ້ບຸກຄົນກູ້ຢືມ ເປັນເງິນທັງໝົດ 610.264.000 ກີບ, ໄດ້ຮັບດອກເບ້ຍຈາກການກູ້ຢືມ 2% ຕໍ່ເດືອນ ເປັນເງິນ 91.338.000 ກີບ ແລະ ໄດ້ແບ່ງປັນໃຫ້ບັນດາສະມາຊິກກຸ່ມທ້ອນເງິນ 70%, ຄະນະບໍລິຫານງານກຸ່ມ 10%, ຄັງສະຫວັດດີການ 5%, ໜ່ວຍສະຫະພັນແມ່ຍິງ 4%, ຄະນະທີ່ປຶກສາ 3%, ໄວ້ສຳຮອງກອງທຶນ 3%, ຂະແໜງແມ່ຍິງ 3% ແລະ ກົມກອງ 2%.
ໂດຍ: ກອງເພັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
