POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 13 ທັນວາ 2024

ໂຮງຮຽນກໍ່ສ້າງນາຍສິບເລກ1 ເປີດຂະບວນການແຂ່ງຂັນກິລາມວນຊົນ
ເວລາອອກຂ່າວ: 2024-11-07 14:39:20 | ຜູ້ຂຽນ : admin2 | ຈຳນວນຄົນເຂົ້າຊົມ: 1739 | ຄວາມນິຍົມ:

ການແຂ່ງຂັນກິລາມ່ວນຊົນ ຢູ່ໂຮງຮຽນກໍ່ສ້າງນາຍສິບເລກ 1 ໄດ້ຈັດຂຶ້ນໃນວັນທີ 6 ພະຈິກ ປີ2024 ນີ້, ໂດຍການເປັນເຂົ້າຮ່ວມຂອງ ສະຫາຍ ພົນຈັດຕະວາ ສີລາວົງ ບຸນມີໄຊ ຫົວໜ້າການເມືອງໂຮງຮຽນ, ມີຄະນະພັກ-ຄະນະອຳນວຍການ, ອົງການ 5 ຫ້ອງ, 4 ກອງພັນນັກຮຽນ, ພ້ອມດ້ວຍອານຸກຳມະການ, ພາກສວ່ນຮັບໃຊ້, ຕະຫຼອດຮອດນັກກິລາເຂົ້າຮ່ວມ. ສະຫາຍ ພັນເອກ ລຸນທອງ ແກ້ວໂພໄຊ ຄະນະພັກໂຮງຮຽນຫົວໜ້າຫ້ອງອົບຮົມ ໄດ້ກ່າວວ່າ: ການສ້າງຂະບວນການແຂ່ງຂັນກິລາມວນຊົນໃນຄັ້ງນີ້ ກໍເພື່ອເປັນການສ້າງຂະບວນການຂໍ່ານັບຮັບຕ້ອນວັນບຸນສຳຄັນຕ່າງໆຂອງຊາດ, ຂອງພັກ, ຂອງກອງທັບໃຫ້ມີບັນຍາກາດຄື້ກຄື້ນມ່ວນຊື່ນ. ເວົ້າລວມ, ເວົ້າສະເພາະແມ່ນເພື່ອຕ້ອນຮັບວັນຊາດທີ 2 ທັນວາ ຄົບຮອບ 49 ປີ ແລະ ວັນສ້າງຕັ້ງກອງທັບປະຊາຊົນລາວຄົບຮອບ 76 ປີ ທີ່ຈະມາເຖິງນີ້ໃຫ້ເຕັມໄປດວ້ຍບັນຍາກາດຟົດຟື້ນຕໍ່ເນື່ອງ. ທັງນີ້ເພື່ອເປັນການຮັດແໜ້ນຄວາມສາມັກຄີລະຫວ່າງພະນັກງານ-ນັກຮົບພາຍໃນກົມກອງໃຫ້ແໜ້ນແຟ້ນຍິ່ງໆຂຶ້ນ ແລະ ເປັນການຍົກສູງຄຸນນະພາບ, ຮັກສາສຸຂະພາບຕັ້ງໜ້າເຝິກຝົນກຳລັງແຮງກາຍໃຫ້ນາຍ ແລະ ພົນທະຫານມີສຸຂະພາບແຮງແຮງ ເພື່ອຮັບປະກັນໃຫ້ແກ່ການປະຕິບັດໜ້າທີ່ວຽກງານໃຫ້ໄດ້ຮັບຜົນສຳເລັດຖືເອົາບັ້ນແຂ່ງຂັນນີ້ເປັນການກະຕຸກຊຸກຍູ້ຂະບວນການປັບປຸງກໍ່ສ້າງກອງທັບ,ກໍ່ສ້າງກົມກອງໃຫ້ກາຍເປັນກອງຈຸດສຸມຕົວແບບຂອງກອງທັບ ໂດຍຕິດພັນກັບຂະບວນການກໍ່ສ້າງກອງປອດໃສ ເຂັ້ມແຂງ ໜັກແໜ້ນ, ກອງ 3 ປອດ, ກອງວັດທະນະທຳ, ນັກຮົບວັດທະນະທຳ, ກິລາທີ່ນຳມາແຂ່ງຂັນໃນຄັ້ງນີ້ປະກອບມີ 3 ປະເພດຄື: ກິລາບານເຕະ, ບານສົ່ງຍິງ-ຊາຍ, ກິລາເປຕັງ. ລວມມີ 9 ທີມເຂົ້າຮ່ວມ. ໂອກາດນີ້, ສະຫາຍ ພົນຈັດຕະວາ ສີລາວົງ ບຸນມີໄຊ ກໍ່ໄດ້ ຮຽກຮ້ອງໃຫ້ຄະນະຮັບຜິດຊອບທຸກພາກສວ່ນ-ນັກກິລາທຸກສະຫາຍຕ້ອງເປັນເຈົ້າການເອົາໃຈໃສ່ສືກສາອົບຮົມການເມືອງ-ແນວຄິດໃຫ້ນັກກິລາຂອງຕົນເຂົ້າຮ່ວມແຂ່ງຂັນແຕ່ຕົ້ນຕະຫຼອດປາຍ, ພ້ອມກັນປະຕິບັດຕາມຕາຕະລາງ, ເວລາການແຂ່ງຂັນໃຫ້ເຂັ້ມງວດ. ສຳລັບກຳມະການຕ້ອງປະຕິບັດກະຕິກາໃນການຕັດສິນໃຫ້ເຄັ່ງຄັດ, ຍຸດຕິທຳຮັກສາໄດ້ຄວາມສາມັກຄີມິດຕະພາບໃນການແຂ່ງຂັນ, ມີນ້ຳໃຈນັກກິລາຮູ້ແພ້-ຮູ້ຊະນະ, ຮູ້ໃຫ້ອະໄພເຊິ່ງກັນແລະກັນ ເຮັດໃຫ້ຂະບວນການແຂ່ງຂັນໃນຄັ້ງນີ້ເຕັມໄປດວ້ຍບັນຍາກາດຟົດຟື້ນ ແລະ ສຳເລັດໄປດວ້ຍໜາກຜົນອັນຈົບງາມ. ໂດຍ: ສ.ຕ ສຸກສະຫວັນ ບຸນລາວົງ

news to day and hot news