ວັນສຸກ, ວັນທີ 06 ທັນວາ 2024
ທະຫານເມືອງສີໂຄດຕະບອງ ນະຄອນຫຼວງວຽງຈັນ ດໍາເນີນກອງປະຊຸມວຽກງານລະດົມພົນ ພັນທະເຂົ້າຮັບໃຊ້ຊາດ ປະຈຳປີ 2024
ເວລາອອກຂ່າວ: 2024-11-08 08:59:04 | ຜູ້ຂຽນ : admin1 | ຈຳນວນຄົນເຂົ້າຊົມ: 763 | ຄວາມນິຍົມ: 
ກອງບັນຊາການທະຫານເມືອງສີໂຄດຕະບອງ ນະຄອນ ຫຼວງວຽງຈັນ ໄດ້ຈັດກອງປະຊຸມວຽກງານລະດົມພົນ ພັນທະເຂົ້າຮັບໃຊ້ຊາດ ປະຈຳປີ 2024
ໃນວັນທີ 5 ພະຈິກ 2024, ໂດຍການເປັນປະທານ ຂອງສະຫາຍ ທະວີໄຊ ເໝົາຊົມພູ ເຈົ້າເມືອງເມືອງສີໂຄດຕະບອງ, ມີຄະນະພັກ-ຄະນະບັນຊາ ກອງບັນຊາການທະຫານເມືອງ, ກອງບັນຊາການປ້ອງກັນຄວາມສະຫງົບເມືອງ ພ້ອມດ້ວຍ ນາຍບ້ານ, ກອງຫຼອນບ້ານ ແລະ ແຂກທີ່ຖືກເຊີນ ເຂົ້າຮ່ວມ.
ສະຫາຍ ພັນໂທ ກອງແກ້ວ ມິ່ງຈານທອງ ຫົວໜ້າການທະ ຫານ ກອງບັນຊາການທະຫານເມືອງສີໂຄດຕະບອງ ໄດ້ຜ່ານແຜນການລະດົມພົນຂັ້ນເມືອງ ແລະ ຂໍ້ຕົກລົງ ວ່າດ້ວຍການແຕ່ງຕັ້ງຄະນະຊີ້ນຳ ແລະ ອະນຸກຳມະ ການລະດົມພົນຂັ້ນເມືອງສີໂຄດຕະບອງ ປະຈຳປີ 2024, ອີງຕາມແຈ້ງການ ຂອງກອງບັນຊາການທະຫານນະຄອນຫຼວງວຽງຈັນ ວ່າດ້ວຍການແບ່ງໂຕເລກລະດົມພົນ ປະຈຳປີ 2024 ໃຫ້ກອງບັນຊາການທະຫານເມືອງສີໂຄດຕະບອງ ເພື່ອລະດົມພົນເຂົ້າເປັນທະຫານພັນທະຮັບໃຊ້ຊາດ ໃນກຳລັງປະກອບອາວຸດ. ກອງບັນ ຊາການທະຫານເມືອງສີໂຄດຕະບອງ ຈຶ່ງໄດ້ສ້າງແຜນການເພື່ອລະດົມພົນ ເຂົ້າເປັນທະຫານພັນທະຮັບໃຊ້ຊາດ. ວຽກງານລະດົມພົນ ແມ່ນການສຶກສາອົບຮົມການເມືອງ-ນຳພາແນວຄິດໃຫ້ທົ່ວປວງຊົນຮັບຮູ້ ແລະ ເຂົ້າ ໃຈເຖິງກົດໝາຍພັນທະປ້ອງກັນຊາດ, ເຫັນໄດ້ເຖິງກຽດສັກສີຂອງພົນລະເມືອງລາວ ໂດຍສະ ເພາະແມ່ນຊາວໜຸ່ມ-ຊາຍສະກັນ ຜູ້ທີ່ມີອາຍຸຮອດ18 ປີ ຕ້ອງຂຶ້ນທະບຽນກວດສຸຂະພາບ ເພື່ອອອກໄປປະກອບສ່ວນເຮັດໜ້າທີ່ພັນທະຂອງຕົນ ໃນຖັນແຖວກຳລັງປະກອບອາວຸດກອງທັບປະຊາ ຊົນລາວ, ເພື່ອຄັດເລືອກ ແລະ ລະດົມກຳລັງເຂົ້າປ່ຽນແທນກຳລັງທີ່ອອກໄປ ເພີ່ມໃຫ້ຫົວໜ່ວຍກົມກອງການຈັດຕັ້ງ, ເຝິກອົບ ຮົມ-ຫັດແອບ ເປັນກຳລັງກຽມ ພ້ອມສູ້ລົບ ແລະ ເຮັດໜ້າທີ່ອື່ນໆ.
ໂດຍ: ວຽງສີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
