ວັນສຸກ, ວັນທີ 06 ທັນວາ 2024
ໂຮງຮຽນການທະຫານທ້ອງຖິ່ນແຂວງສາລະວັນ ເປີດການຮຽນຫຼັກສູດກໍ່ສ້າງນາຍສິບ ຊຸດທີ XVII
ເວລາອອກຂ່າວ: 2024-11-08 09:01:54 | ຜູ້ຂຽນ : admin1 | ຈຳນວນຄົນເຂົ້າຊົມ: 747 | ຄວາມນິຍົມ: 
ວັນທີ 1 ພະຈີກ 2024 ນີ້, ໂຮງຮຽນການທະຫານທ້ອງຖິ່ນແຂວງສາລະວັນ ໄດ້ເປີດຮຽນ ຫຼັກສູດກໍ່ສ້າງນາຍສິບ ຊຸດທີ XVII ລະບົບ 1 ປີ ປະຈຳສົກ 2024-2025, ໂດຍການເປັນປະທານຂອງສະຫາຍ ພັນເອກ ສຳລີ ແກ້ວວົງສອງ ຫົວໜ້າການທະຫານ ກອງບັນຊາການທະຫານແຂວງສາລະວັນ, ມີຄະນະພັກ-ຄະນະບັນຊາອົງການ 5 ຫ້ອງ ກອງບັນຊາການທະຫານແຂວງ ຕະຫຼອດຮອດພະນັກງານ-ຄູອາຈານ ແລະ ນັກຮຽນນາຍສິບ ເຂົ້າຮ່ວມ.
ສະຫາຍ ພັນຕີ ຄຳພຽນ ໂຊຍະວົງ ຮອງຫົວໜ້າການທະຫານ ໂຮງຮຽນການທະຫານທ້ອງຖິ່ນ ໄດ້ລາຍງານແຜນການກໍ່ສ້າງນາຍສິບ ຊຸດທີ XVII ຄັ້ງນີ້ ເພື່ອເປັນການປັບປຸງກໍ່ສ້າງກຳລັງປະກອບອາວຸດໃຫ້ເຂັ້ມແຂງທັນສະໄໝ, ຮຽນຮູ້ ແລະ ກຳໄດ້ໜ້າທີ່, ພາລະບົດບາດຂອງນາຍໝູ່-ໝວດ ແລະ ຮູ້ນຳໃຊ້ອາວຸດ-ຍຸດໂທປະກອນ, ຮູ້ລະບອບ-ລະບຽບຂອງກອງທັບ ທັງເປັນພື້ນຖານໃຫ້ແກ່ການສ້າງພະນັກງານສືບທອດ, ປ່ຽນແທນໃນອະນາຄົດຕາມການຈັດຕັ້ງມອບໝາຍໃຫ້. ສຳລັບຄາດໝາຍການຮໍ່າຮຽນ-ຫັດແອບຕ້ອງບຸກທະລຸ, ຄາດໝາຍ, ສອບເສັງຈົບຊັ້ນໃຫ້ໄດ້ 100%, ສ້າງນັກຮຽນດີ-ນັກຮຽນເກັ່ງໃຫ້ໄດ້ 80%, ສ້າງນັກຍິງປືນເກັ່ງວິຊາສິນລະປະຍຸດ7 ບົດຍິງໃຫ້ໄດ້ 85%, ສ້າງເປັນໝູ່ຍິງປືນເກັ່ງ 4 ຊະນິດຂອງແບກຫາບໃຫ້ໄດ້ 90%, ສ້າງເປັນຜູ້ບັນຊາໝູ່ໃຫ້ໄດ້ 70%, ສ້າງເປັນຜູ້ບັນຊາໝວດໃຫ້ໄດ້ 60% ແລະ ສ້າງເປັນຄູສອນດີ-ສອນເກັ່ງໃຫ້ໄດ້ 90%. ສ່ວນເນື້ອໃນໂຄງການຫຼັກສູດ ວິຊາຮຽນທັງໝົດມີຄື: ລະບຽບລວມຂອງກອງທັບ, ກິລາກາຍະກຳ, ການເມືອງ, ວຽກງານເສນາທິການ, ບັນດາເຫຼົ່າຮົບຮັບປະກັນ, ວິຊາສິລະປະຍຸດ, ວິຊາປືນໃຫຍ່ແບກຫາບ, ວິຊາຍຸດທະວິທີ ແລະ ວິທີຈັດຕັ້ງອົບຮົມ ແລະ ຈັດຕັ້ງ-ຫັດແບບໃນກົມກອງ. ໃນຊຸດຮຽນຄັ້ງນີ້ມີນັກຮົບທີ່ມາຈາກກົມກອງຕ່າງໆໃນທົ່ວກອງບັນຊາການທະຫານແຂວງ ແລະ ກົມກອງເພື່ອນທັງ
ໝົດ 66 ສະຫາຍ. ພ້ອມດຽວກັນນີ້, ຍັງໄດ້ຜ່ານເນື້ອໃນຂໍ້ແຂ່ງຂັນໃນບັ້ນຮຽນ ເພື່ອເຮັດໃຫ້ການຮຽນ-ການສອນຂອງຄູ-ອາຈານ ແລະ ນັກຮຽນກໍ່ສ້າງນາຍສິບ ໄດ້ພ້ອມກັນເອົາໃຈໃສ່ຢ່າງຕັ້ງໜ້າ ດ້ວຍຄວາມດຸໝັ່ນ ແລະ ອົດທົນ ເຮັດໃຫ້ການຮຽນ-ການສອນບັນລຸໄດ້ຕາມຈຸດປະສົງ ແລະ ຄາດໝາຍທີ່ວາງໄວ້ ເຊິ່ງໃນພິທີຫົວໜ້າຈຸຄູຕ່າງໆໄດ້ພ້ອມກັນຈັບມືຮັບເອົາຂໍ້ແຂ່ງຂັນ ເພື່ອນໍາໄປຈັດຕັ້ງປະຕິບັດໃຫ້ປະສົມຜົນສຳເລັດຕາມລະດັບຄາດໝາຍທີ່ກຳນົດໄວ້.
ໂອກາດນີ້, ສະຫາຍ ພັນເອກ ສຳລີ ແກ້ງວົງສອງ ໄດ້ໃຫ້ທິດຊີ້ນຳຕໍ່ຄະນະພັກ-ຄະນະບັນຊາ, ຄ-ູອາຈານ ແລະ ນັກຮຽນກໍ່ສ້າງນາຍສິບ ໂດຍເນັ້ນໜັກໃຫ້ເອົາໃຈໃສ່ວຽກງານການສິດສອນໃຫ້ມີປະສິດທິພາບ, ສ້າງໄດ້ຄວາມສາມັກຄີລະຫວ່າງ ຄູ ແລະ ນັກຮຽນໃຫ້ແໜ້ນແຟ້ນ, ຂຶ້ນຫ້ອງສອນໃຫ້ເປັນປົກກະຕິ, ຕິດຕາມການຮຽນຮູ້ຂອງນັກຮຽນ ຈຳແນກໄດ້ຈຸດພິເສດຂອງນັກຮຽ ນເພື່ອຫາວິທີທາງໃນການຊຸກຍູ້ຊ່ວຍເຫຼືອ ພ້ອມດຽວກັນ ກໍເອົາໃຈໃສ່ຕິດຕາມຢ່າງເຂັ້ມງວດຕໍ່ການປະຕິບັດລະບຽບຂອງໂຮງຮຽນ ແລະ 7 ລະບອບ 18 ວຽກຂອງກອງທັບວາງອອກ ເພື່ອຮັບປະກັນໃຫ້ກາຍເປັນນັກຮົບທີ່ດີ, ມີຄວາມຮູ້, ຄວາມສາມາດ ພ້ອມກັນເຮັດສຳເລັດໜ້າທີ່ທີ່ພັກລັດ ແລະ ການຈັດຕັ້ງມອບໝາຍໃຫ້.
ໂດຍ: ພອນມະນີ ລັດສະໝີວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
