ວັນເສົາ, ວັນທີ 07 ທັນວາ 2024
ກອງພັນໃຫຍ່ 703 ປະກາດການປະດັບຊັ້ນນາຍສິບ
ເວລາອອກຂ່າວ: 2024-11-08 09:04:29 | ຜູ້ຂຽນ : admin1 | ຈຳນວນຄົນເຂົ້າຊົມ: 873 | ຄວາມນິຍົມ: 
ໃນວັນທີ 6 ພະຈິກ 2024 ນີ້, ກອງພັນໃຫຍ່ 703 ໄດ້ປະກາດການປະດັບຊັ້ນນາຍສິບໃຫ້ນັກຮົບທີ່ຮຽນຈົບຫຼັກສູດໂດດຈ້ອງໃໝ່, ໂດຍການເປັນປະທານຂອງ ສະຫາຍ ພັນເອກ ຄຳສຸກ ຄຳເລືອງເທບ ຫົວໜ້າການທະຫານ ກອງພັນໃຫຍ່ 703, ມີຄະນະພັກ-ຄະນະບັນຊາ, ຫົວໜ້າຂະແໜງການ, ກອງຮ້ອຍ 306 ຕະຫຼອດຮອດພາກສ່ວນກ່ຽວຂ້ອງຂົ້າຮ່ວມ.
ສະຫາຍ ພັນໂທ ບຸນຍົກ ວົງມະຫາໄຊ ຫົວໜ້າຂະແໜງກຳລັງພົນ ກອງພັນໃຫຍ່ 703 ໄດ້ຜ່ານຂໍ້ຕົກລົງ ຂອງກອງບັນບັນຊາການທະຫານອາກາດ ວ່າດ້ວຍການອະນຸມັດປະດັບຊັ້ນໃຫ້ນາຍສິບ, ອີງຕາມຂໍ້ກຳນົດ ວ່າດ້ວຍລະບຽບ ຂອງນາຍສິບ ແລະ ພົນທະຫານໃນກອງທັບປະຊາຊົນລາວ (ສະບັບປັບປຸງ) ແລະ ອີງຕາມໜັງສືສະເໜີ ຂອງກອງພັນໃຫຍ່ 703, ອີງຕາມການຕົກລົງເຫັນດີເປັນເອກະພາບ ຂອງຄະນະພັກ-ຄະນະບັນຊາ ຫ້ອງເສນາທິການ ຄັ້ງວັນທີ 17 ຕຸລາ 2024. ກອງບັນຊາການທະຫານອາກາດ ຕົກລົງປະດັບຊັ້ນນາຍສິບໃຫ້ພົນທະຫານທີ່ໄດ້ຮຽນຈົບວິຊາສະເພາະໂດດຈ້ອງຕາມຫຼັກສູດ ຈຳນວນ 22 ສະຫາຍຄື: ເລື່ອນຊັ້ນ ສິບໂທ ຂຶ້ນ ສິບເອກ ຈຳນວນ 1 ສະຫາຍ, ສິບຕີ ຂຶ້ນ ສິບເອກ ຈຳນວນ 5 ສະຫາຍ, ຊັ້ນໜຶ່ງ ຂຶ້ນ ສິບເອກ ຈຳນວນ 16 ສະຫາຍ.
ສະຫາຍ ພັນເອກ ຄຳສຸກ ຄຳເລືອງ ໄດ້ສະແດງຄຳຍ້ອງຍໍຊົມເຊີຍຕໍ່ຜົນສຳເລັດບັ້ນອົບຮົມ-ຫັດແອບໂດດຈ້ອງ ແລະ ໃຫ້ທິດຊີ້ນຳຫຼາຍບັນຫາທີ່ສຳຄັນຕໍ່ນັກໂດດຈ້ອງໃໝ່ ທີ່ໄດ້ຮັບການປະດັບຊັ້ນໃໝ່ໃນຄັ້ງນີ້, ພ້ອມທັງໄດ້ເນັ້ນໜັກໃຫ້ແຕ່ລະສະຫາຍສືບຕໍ່ເພີ່ມທະວີຄວາມຮັບຜິດຊອບ ເພີ່ມຄວາມສາມັກຄີໃຫ້ເປັນປຶກແຜນແໜ້ນໜາ, ປັບປຸງແບບແຜນວິທີເຮັດວຽກແບບມີວິທະຍາສາດສອດຄ່ອງກັບໜ້າທີ່ການເມືອງຂອງຕົນ, ເປັນແບບຢ່າງໃນການເຝິກຝົນຫຼໍ່ຫຼອມຕົນເອງຮອບ
ດ້ານ ແລະ ຕັ້ງໜ້າເຮັດວຽກງານວິຊາສະເພາະຂອງຕົນຕາມການຈັດຕັ້ງມອບໝາຍໃຫ້ມີຜົນສໍາເລັດ.
ໂດຍ: ກອງສີ ຈັນເມືອງຊຽງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
