POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ວພກ ມອບ-ຮັບ ຜົນສຳເລັດ ຂອງຄະນະຊ່ຽວຊານຫວຽດນາມ
ເວລາອອກຂ່າວ: 2024-11-08 09:08:48 | ຜູ້ຂຽນ : admin1 | ຈຳນວນຄົນເຂົ້າຊົມ: 923 | ຄວາມນິຍົມ:

ວັນທີ 1 ພະຈິກ 2024 ນີ້, ວິທະຍາຄານພະລາທິການກອງທັບ (ວພກ) ໄດ້ມອບ-ຮັບ ຜົນສຳເລັດຂອງຄະນະຊ່ຽວຊານຈາກວິທະຍາຄານພະລາທິການ ກອງທັບປະຊາຊົນຫວຽດນາມ ທີ່ໄດ້ມາປະຕິໜ້າທີ່ ຢູ່ວິທະຍາຄານພະລາທິການ ກອງທັບປະຊາຊົນລາວ, ໂດຍມີ ສະຫາຍ ພັນເອກ ປອ ສົມເພັດ ວົງພະຈັນ ອຳນວນການ, ຫົວໜ້າການທະຫານ ວພກ ພ້ອມຄະນະ ແລະ ສະຫາຍ ພັນເອກ ຮຈ ປອ ຮ່ວງ ດ້າຍ ນາມ ຮອງຫົວໜ້າຫ້ອງວິທະຍາສາດການທະຫານ, ຫົວໜ້າຄະນະຊ່ຽວຊານຫວຽດນາມ, ມີບັນດາຕາງໜ້າກົມກ່ຽວຂ້ອງ ແລະ ພະນັກງານວິຊາການກ່ຽວຂ້ອງເຂົ້າຮ່ວມ. ສະຫາຍ ພັນເອກ ຮສ ປອ ຮ່ວງ ດ້າຍ ນາມ ໄດ້ຜ່ານບົດລາຍງານ ຜົນສຳເລັດການປະຕິບັດໜ້າທີ່ຂອງຄະນະຊ່ຽວຊານຫວຽດນາມ ຊຸດທີ 8 ຢູ່ ວພກ, ອີງຕາມຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການສົ່ງພະນັກງານໄປປະຕິບັດໜ້າທີ່ຢູ່ຕ່າງປະເທດ, ອີງຕາມເອກະສານ ຂອງກົມພົວພັນຕ່າງປະເທດ ກ່ຽວກັບກະຊວງປ້ອງກັນປະເທດລາວ ສະເໜີຊ່ຽວຊານມາຊ່ວຍປັບປຸງເນື້ອໃນບົດວິທະຍາສາດພະລາທິການກອງທັບປະຊາຊົນລາວ, ທັັງເປັນການປະຕິບັດຕາມການພົວພັນຮ່ວມມືແຮກສ່ຽວ ຂອງສອງວິທະຍາຄານ ລະຫວ່າງ ວິທະຍາຄານພະລາທິການ ກອງທັບປະຊາຊົນລາວ ກັບ ວິທະຍາຄານພະລາທິການ ກອງທັບປະຊາຊົນຫວຽດນາມ ໃຫ້ປະກົດຜົນເປັນຈິງ. ເນື້ອໃນບົດລາຍງານໄດ້ຍົກໃຫ້ເຫັນຫຼາຍບັນຫາທີ່ມີຄວາມໝາຍ, ຄວາມສຳຄັນ ຕະຫຼອດຮອດຂໍ້ສະດວກ, ຂໍ້ຫຍຸ້ງຍາກໃນການເຄື່ອນໄຫວປະຕິບັດໜ້າທີ່ຂອງຄະນະຊ່ຽວຊານຫວຽດນາມ. ໃນການມາຂອງຄະນະຊ່ຽວຊານຫວຽດນາມຄັ້ງນີ້ ຈຸດປະສົງເພື່ອຊ່ວຍຫ້ອງວິທະຍາສາດ ຂອງ ວພກ ກ່ຽວກັບບາງເນື້ອໃນ ວຽກງານວິຊາສະເພາະຄື: ຄົ້ນຄວ້າແຕ່ລະບາດກ້າວ, ສ້າງວາລະສານພາຍໃນທີ່ເປັນພື້ນຖານ ເພື່ອສ້າງວາລະສານພະລາທິການກອງທັບ, ເຜີຍແຜ່ບົດຮຽນສັງລວມບັນດາບັ້ນຮົບ, ວຽກງານຂໍ້ມູນຂ່າວສານ; ສ້າງໂຄງການຫຼັກສູດລະດັບປະລິນຍາເອກ, ສ້າງຫົວບົດເຝິກຫັດ-ຂະໜານຕອບຮັບປະກັນພະລາທິ ການສູ້ຮົບຂັ້ນກອງພັນ, ກອງພັນໃຫຍ່, ກອງພົນ. ສຳລັບການມາຄັ້ງນີ້ ມີຄະນະຊ່ຽວຊານທັງໝົດ 3 ສະຫາຍ ຄື: ພັນເອກ ຮສ ປອ ຮ່ວງ ດ້າຍ ນາມ ເປັນຫົວໜ້າ; ພັນໂທ ປທ ດິ່ງ ຈຸງ ກຽນ ຊ່ວຍວຽກຫ້ອງເໜືອມະຫາ ແລະ ພັນຕີ ປຕ ຟ້າມ ວັນ ຮ່ວນ ຄູສອນເສນາພະລາ. ເລີ່ມມາປະຕິບັດໜ້າທີ່ແຕ່ວັນທີ 10 ກັນຍາ-3 ພະຈິກ 2024 ຈຶ່ງສຳເລັດ. ໃນກອງປະຊຸມໄດ້ມີການປະກອບຄຳຄິດເຫັນ ແລກປ່ຽນເຊິ່ງກັນ ແລະ ກັນ ຈາກນັ້ນ, ຄະນະຊ່ຽວຊານຫວຽດນາມໄດ້ມອບເອກະສານຈຳນວນໜຶ່ງໃຫ້ແກ່ ວພກ. ພ້ອມນີ້, ທັງສອງຝ່າຍຍັງໄດ້ຮ່ວມເຊັນບົດບັນທຶກ ການມອບ-ຮັບຜົນສຳເລັດ ແລະ ມອບເຄື່ອງທີ່ລະນຶກໃຫ້ຄະນະຊ່ຽວຊານຫວຽດນາມ ອີກດ້ວຍ. ສະຫາຍ ພັນເອກ ປອ ສົມເພັດ ວົງພະຈັນ ໄດ້ສະແດງຄວາມຮູ້ບຸນຄຸນຕໍ່ການນຳທັງສອງປະເທດເວົ້າລວມ, ເວົ້າສະເພາະ ວິທະຍາຄານພະລາທິການ ກອງທັບປະຊາຊົນຫວຽດນາມ ທີ່ໄດ້ການການຊ່ວຍເຫຼືອ ໃກ້ແກ່ວິທະຍາ ຄານພະລາທິການ ກອງທັບປະຊາຊົນລາວ ພ້ອມທັງໃຫ້ຄຳໝັ້ນສັນຍາວ່າ ຈະນຳເອົາຄວາມຮູ້ທາງດ້ານທິດສະດີຫຼັກການ ແລະ ເອກະສານທີ່ຄະຊ່ຽວຊານຫວຽດ ນາມ ມອບໃຫ້ໃນຄັ້ງນີ້ໄປນຳໃຊ້ເຂ້ົາໃນຂົງເຂດວຽກງານກ່ຽວຂ້ອງໃຫ້ເກີດປະໂຫຍດສູງສຸດ ພ້ອມທັງຮຽກຮ້ອງໃຫ້ສອງວິທະຍາຄານ ສືບຕໍ່ຮັກສາແໜ້ນ ແລະ ເສີມຂະຫຍາຍສາຍພົວພັນຄວາມສາມັກຄີຮັກແພງຮອບດ້ານລະຫວ່າງລາວ ແລະ ຫວຽດນາມ ໃຫ້ຍືນຍົງຕະຫຼອດໄປ. ໂດຍ: ແກ້ວອຸດອນ

news to day and hot news