POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ປະກາດຍົກລະດັບກອງຮ້ອຍຕີພິເສດ 16 ຂຶ້ນເປັນກອງພັນນ້ອຍຕີພິ ເສດ 16
ເວລາອອກຂ່າວ: 2024-11-08 10:18:17 | ຜູ້ຂຽນ : admin2 | ຈຳນວນຄົນເຂົ້າຊົມ: 1150 | ຄວາມນິຍົມ:

ການປະກາດຍົກລະດັບກອງຮ້ອຍຕີພິເສດ 16 ຂຶ້ນເປັນກອງພັນນ້ອຍຕີພິເສດ 16. ໄດ້ຈັດຂຶ້ນໃນວັນທີ 7 ພະຈິກ 2024 ນີ້, ໂດຍການເປັນປະທານຂອງ ສະຫາຍ ພົນຕີ ສາຍໃຈ ກົມມະສິດ ຮອງເລຂາພັກແຂວງ,ຮອງເຈົ້າແຂວງ ແຂວງບໍ່ແກ້ວ, ຮອງປະທານຄະນະກຳມະ ການປ້ອງກັນຊາດ-ປ້ອງກັນ ຄວາມສະຫງົບແຂວງບໍ່ແກ້ວ, ມີ ສະຫາຍ ພົນຕີ ສົມພອນ ມິດຕະພອນ ຮອງຫົວໜ້າກົມໃຫຍ່ເສນາທິການກອງທັບ, ສະຫາຍ ພົນຈັດຕະວາ ບຸນມີ ພາມີໄຊ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ, ມີຫົວໜ້າກົມ-ຮອງກົມ, ການນຳຂອງແຂວງ, ເມືອງ, ມີຄະນະພັກ-ຄະນະບັນຊາ, ພະແນກການຂອງແຂວງ, ຄະນະພັກ-ຄະນະບັນຊາ 6 ຫ້ອງ, 5 ກອງບັນຊາການທະຫານເມືອງ, 2 ກອງພັນນ້ອຍຕະຫຼອດຮອດພະນັກງານ-ນັກຮົບທົ່ວກົມ ກອງເຂົ້າຮ່ວມ. ສະຫາຍ ພັນເອກ ບຸນຈັນ ສີທະບູນ ຫົວໜ້າຫ້ອງເສນາທິການ ກອງບັນຊາການທະຫານ ແຂວງບໍ່ແກ້ວ ໄດ້ລາຍງານຫຍໍ້ ຕົ້ນກຳເນີດຂອງກອງຮ້ອຍຕີພິເສດ 16 ແລະ ວຽກງານກຽມຄວາມພ້ອມໃນດ້ານຕ່າງໆ ເພື່ອຍົກລະດັບຂຶ້ນເປັນກອງ ພັນນ້ອຍຕີພິເສດ 16. ຈາກນັ້ນ, ສະຫາຍ ພັນເອກ ຄຳພຽນ ຈິດຕະສຸບັນດິດ ຮອງຫົວໜ້າກົມກຳລັງພົນ ກົມໃຫຍ່ເສນາທິການກອງ ທັບໄດ້ຜ່ານຂໍ້ຕົກລົງຂອງກະ ຊວງປ້ອງກັນປະເທດ ວ່າດ້ວຍການຍົກລະດັບກອງຮ້ອຍຕີພິເສດ 16 ຂຶ້ນເປັນກອງພັນນ້ອຍຕີພິ ເສດ 16 ເປັນກົມກອງກໍາລັງທ້ອງຖິ່ນໜຶ່ງທີ່ຂຶ້ນກັບກອງບັນຊາການທະຫານແຂວງບໍ່ແກ້ວ, ມີພາລະບົດບາດເປັນເສນາທິການໃຫ້ແກ່ກອງບັນຊາການ ທະຫານແຂວງ, ພາຍໄຕ້ການຊີ້ນໍາບັນຊາທຸກ ດ້ານຕໍ່ການເຄື່ອນໄຫວຂອງ ກົມກອງບໍ່ວ່າໃນຍາມພາວະ ປົກກະຕິ, ກໍ່ຄືພາວະກຽມພ້ອມສູ້ຮົບ ແລະ ປະຕິບັດສູ້ຮົບ, ສ່ວນໃນຍາມປົກກະຕິແມ່ນ ໄດ້ຈັດຕັ້ງເຝິກແອບຮໍ່າຮຽນ ການເມືອງ, ການທະຫານ, ພະລາທິການ-ເຕັກນິກ, ມີຄວາມສາມາດເຄື່ອນທີ່ວ່ອງໄວ, ນໍາໃຊ້ສິລະປະຍຸດ-ຍຸດທະວິທີຂອງເຫຼົ່າຮົບ,ນອກນັ້ນ ຍັງມີພາລະບົດບາດເປັນກໍາລັງຫຼັກແຫຼ່ງທີ່ເຂັ້ມແຂງໜັກ ແໜ້ນໃນວຽກງານປ້ອງກັນ ຊາດ-ປ້ອງກັນຄວາມສະຫງົບ, ສົມທົບແໜ້ນກັບກົມກອງ ເພື່ອນມິດ ແລະ ອໍານາດການປົກຄອງທ້ອງຖິ່ນເຮັດໜ້າທີ່ແກ້ໄຂສະພາບການຕ່າງໆ ທີ່ອາດຈະເກີດຂຶ້ນໃນທຸກກໍ ລະນີ, ປັບປຸງກໍ່ສ້າງກໍາລັງ, ກຽມພ້ອມສູ້ຮົບ ແລະ ສູ້ຮົບມີໄຊ ຕາມຄໍາຂັວນທີ່ວ່າ: (ເອົາກໍາລັງໜ້ອຍຕີກໍາລັງຫຼາຍ, ເອົານ້ອຍຕີຊະນະໃຫຍ່, ເອົາຄຸນນະພາບຊະນະປະລິມານ). ພ້ອມທັງປະກາດການແຕ່ງຕັ້ງ ຄະນະບັນຊາກອງພັນນ້ອຍຕີພິເສດ 16 ລວມມີ 6 ສະຫາຍຄື: ສະຫາຍ ພັນໂທ ສຸລິນທາ ແກ້ວປະເສີດ ເປັນຫົວໜ້າການເມືອງ, ສະຫາຍ ພັນໂທ ສົມຈິດ ວຽງທອງແສງ ເປັນຫົວໜ້າການທະຫານ, ສະຫາຍ ພັນຕີ ຄຳສຸກ ຍົດທະວົງ ເປັນຮອງຫົວໜ້າການເມືອງ, ສະຫາຍ ຮ້ອຍເອກ ເບັນ ສາງດາລາ ເປັນຮອງຫົວໜ້າການທະ ຫານ, ສະຫາຍ ຮ້ອຍໂທ ໂຕລ້າ ຈິດມະໂນທຳ ເປັນຮອງຮັບຜິດຊອບວຽກ ງານພະລາທິການ, ສະຫາຍ ຮ້ອຍເອກ ສີຈັນ ແສງສຸພອນ ເປັນຮອງຮັບຜິດຊອບວຽກ ງານເຕັກນິກ ແລະ ປະກາດການບົ່ງໂຕແຕ່ງຕັ້ງຄະນະພັກຮາກຖານເຊິ່ງມີ 3 ໜ່ວຍພັກຂຶ້ນກັບອີກດ້ວຍ. ໂອກາດນີ້, ສະຫາຍ ພົນຕີ ສາຍໃຈ ກົມມະສິດ ຍັງໄດ້ມີຄໍາເຫັນໂອ້ລົມຫຼາຍບັນຫາສໍາຄັນທັງໄດ້ເນັ້ນໜັກໃຫ້ຄະນະພັກ-ຄະນະບັນຊາກອງພັນນ້ອຍຕີພິເສດ ກໍາແໜ້ນແນວທາງນະໂຍບາຍຂອງພັກ-ລັດ, ໜ້າທີ່ການເມືອງຂອງກອງທັບ, ພາລະບົດບາດ, ໜ້າທີ່ຄວາມຮັບຜິດຊອບຂອງຕົນ ແລະ ເຄື່ອນໄຫວໃຫ້ຖືກຕ້ອງ, ເພີ່ມທະວີຄວາມສາມັກຄີເປັນເອກະພາບຢູ່ພາຍໃນ, ຕັ້ງໜ້າປັບປຸງກໍ່ສ້າງກົມກອງໃຫ້ໜັກແໜ້ນເຂັ້ມແຂງໃນທຸກດ້ານ, ເອົາໃຈໃສ່ວຽກງານກໍ່ສ້າງພັກ-ກໍ່ສ້າງພະນັກງານ ໃຫ້ຖືກກັບທິດນໍາ ແລະ ຫຼັກການຂອງພັກ, ຕັ້ງໜ້າປະຕິບັດຕາມທິດນໍາເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມເງື່ອນໄຂ ແລະ ຄວາມສາມາດຂອງກົມກອງ, ເອົາໃຈໃສ່ປະຕິບັດແນວທາງການຕ່າງປະເທດຂອງພັກ ໂດຍສະເພາະເພີ່ມທະວີການພົວພັນຮ່ວມມືກັບບັນດາປະເທດເພື່ອນມິດຍຸດທະສາດ ແລະ ສາກົນ. ພ້ອມນັ້ນ, ກໍຮຽກຮ້ອງໃຫ້ອໍານາດການປົກຄອງທ້ອງຖິ່ນ, ກົມກອງກໍາລັງຫຼວງ-ກຳລັງທ້ອງຖິ່ນ ຈົ່ງຊ່ວຍເຫຼືອ ແລະ ອໍານວຍຄວາມສະດວກໃຫ້ກອງພັນນ້ອຍຕີພິເສດ ໄດ້ພັດທະນາກົມກອງ ໃຫ້ມີຄວາມເຕີບໃຫຍ່ເຂັ້ມແຂງ ແລະ ເຮັດສຳເລັດໜ້າທີ່ ທີ່ຂັ້ນເທິງມອບໝາຍໃຫ້. ໂດຍ: ວໍລະສິດ ພິດສະຫາຍ.

news to day and hot news