ວັນສຸກ, ວັນທີ 06 ທັນວາ 2024
ຮອງຫົວໜ້າກົມພົວພັນຕ່າງປະເທດ ອວຍພອນທູດປ້ອງກັນຊາດກໍາປູເຈຍ
ເວລາອອກຂ່າວ: 2024-11-08 12:07:15 | ຜູ້ຂຽນ : admin2 | ຈຳນວນຄົນເຂົ້າຊົມ: 1066 | ຄວາມນິຍົມ: 
ວັນທີ 8 ພະຈິກ 2024 ນີ້, ທ່ານ ພັນເອກ ວົງໄຊ ອິນທະຄໍາ ຮອງຫົວໜ້າກົມພົວພັນຕ່າງປະເທດ ພ້ອມດ້ວຍຄະນະ ໄດ້ນໍາເອົາກະຂອງຂວັນ ແລະ ກະຕ່າດອກໄມ້ ເຂົ້າອວຍພອນທູດປ້ອງກັນຊາດກໍາປູເຈຍ ເນື່ອງໃນໂອກາດວັນສ້າງຕັ້ງກອງທັບກໍາປູເຈຍ ຄົບຮອບ 71 ປີ ( 9 ພະຈິກ 1953-9 ພະຈິກ 2024). ໂດຍການຕ້ອນຮັບຂອງ ທ່ານ ພົນຈັດຕະວາ ແປ້ນ ພອນລະດີ ຫົວໜ້າຫ້ອງການທີ່ປຶກສາທູດປ້ອງກັນຊາດ ກໍາປູເຈຍ ປະຈໍາ ສປປ ລາວ ພ້ອມດ້ວຍຄະນະ.
ໂອກາດນີ້, ທ່ານ ພັນເອກ ວົງໄຊ ອິນທະຄໍາ ກໍໄດ້ຕາງໜ້າໃຫ້ ຄະນະພັກ-ຄະນະນໍາ, ພະນັກງານ-ນັກຮົບ ກະຊວງປ້ອງກັນປະເທດແຫ່ງ ສປປ ລາວ, ອວຍພອນໄຊມາຍັງກອງທັບກໍາປູເຈຍ ທີ່ໄດ້ມີຄວາມເຕີບໃຫຍ່ເຂັ້ມແຂງຕະຫຼອດໄລຍະ 71 ປີ ຜ່ານມາ, ອວຍພອນການນໍາ ກະຊວງປ້ອງກັນປະເທດ ກໍາປູເຈຍ ທີ່ໄດ້ທຸ່ມເທເຫື່ອແຮງ ເພື່ອສ້າງກອງທັບຂອງຕົນ ໃຫ້ເຕີບໃຫຍ່ເຂັ້ມແຂງທັງປະລິມານ ແລະ ຄຸນນະພາບ, ອວຍພອນສາຍພົວພັນການຮ່ວມມືລະຫວ່າງສອງຊາດ, ສອງກອງທັບລາວ-ກໍາປູເຈຍ ທີ່ມີການພົວພັນຮ່ວມມືຊ່ວຍເຫຼືອເຊິ່ງກັນ ແລະ ກັນຕະຫຼອດໄລຍະມາ.
ໂອກາດດຽວກັນ ທ່ານ ພົນຈັດຕະວາ ແປ້ນ ພອນລະດີ ກໍໄດ້ສະແດງຄວາມຂອບໃຈຕໍ ທ່ານ ພັນເອກ ວົງໄຊ ອິນທະຄໍາ ພ້ອມດ້ວຍຄະນະ ທີ່ໄດ້ນໍາເອົາກະຂອງຂວັນ ແລະ ກະຕ່າດອກໄມ້ ມາອວຍພອນໃນຄັ້ງນີ້ ພ້ອມທັງອວຍພອນໃຫ້ຄະນະພັກ-ຄະນະນໍາ, ຕະຫຼອດຮອດພະນັກງານ-ນັກຮົບໃນທົ່ວກອງທັບປະຊາຊົນລາວ ຈົ່ງມີແຕ່ສຸຂະພາບແຂງແຮງ ພ້ອມກັນສືບຕໍ່ຊີ້ນໍາ-ນໍາພາອົງການຂອງຕົນເຮັດສໍາເລັດໜ້າທີ່ການເມືອງທີ່ພັກ-ລັດ ກໍຄືຂັ້ນເທິງມອບໝາຍໃຫ້ດ້ວຍຜົນສໍາເລັດຢ່າງຈົບງາມ ແລະ ຈະສືບຕໍ່ເພີ່ມທະວີການພົວພັນຮ່ວມມືຮອບດ້ານ ແລະ ເສີມສ້າງສາຍພົວພັນສອງກອງທັບລາວ-ກໍາປູເຈຍ ໃນຕໍ່ໜ້າໃຫ້ໝັ້ນຄົງທະນົງແກ່ນຍິ່ງໆຂື້ນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
