ວັນສຸກ, ວັນທີ 06 ທັນວາ 2024
ສ້າງຂະບວນການແຂ່ງຂັນກິລາຕ້ອນຮັບວັນສໍາຄັນຕ່າງໆຂອງພັກ ແລະ ຂອງຊາດ
ເວລາອອກຂ່າວ: 2024-11-08 14:40:28 | ຜູ້ຂຽນ : admin2 | ຈຳນວນຄົນເຂົ້າຊົມ: 1222 | ຄວາມນິຍົມ: 
ວັນທີ 8 ພະຈິກ 2024 ນີ້, ກົມໃຫຍ່ພະລາທິການກອງທັບໄດ້ຈັດກິດຈະກໍາສ້າງຂະບວນການແຂ່ງຂັນກິລາບານເຕະມິດຕະພາບກັບການນໍາເມືອງເຟືອງ ແຂວງວຽງຈັນ, ຕາງໜ້າກົມໃຫຍ່ພະລາທິການກອງທັບນໍາໂດຍ ສະຫາຍ ພົນຈັດຕະວາ ວົງສັກ ສີພັນດອນ ຮອງຫົວໜ້າກົມໃຫຍ່ພະລາທິການກອງທັບ, ມີ ສະຫາຍ ບຸນແພງ ແສງເພັດມະນີວົງ ຮອງເລຂາພັກເມືອງ ປະທານກວດກາພັກເມືອງ ເມືອງເຟືອງແຂວງວຽງຈັນ, ມີຄະນະພັກ-ຄະນະບັນຊາ, ຫ້ອງການ, ກົມກອງ, ການນໍາເມືອງເຟືອງ, ບັນດາບໍລິສັດ ແລະ ທີມນັກກິລາທັງສອງພາກສ່ວນເຂົ້າຮ່ວມ.
ການແຂ່ງຂັນກິລາໃນຄັ້ງນີ້,ເພື່ອເປັນການສ້າງຂະບວນການຂໍ່ານັບຮັບຕ້ອນວັນສະຖາປະນາ ສປປ ລາວຄົບ ຮອບ 49 ປີ ແລະ ວັນຄ້າຍວັນເກີດຂອງ ປະທານ ໄກສອນ ພົມວິຫານ ຄົບຮອບ 104 ປີ. ເວົ້າລວມ, ເວົ້າສະເພາະ ກໍ່ແມ່ນຂໍ່ານັບຮັບຕ້ອນກອງປະຊຸມໃຫຍ່ຄັ້ງທີ VII ຂອງອົງຄະນະພັກກົມໃຫຍ່ພະລາທິການກອງທັບ, ກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງເຟືອງ ແຂວງວຽງຈັນ ໃຫ້ເຕັມໄປດ້ວຍຄວາມໝາຍສໍາຄັນອັນເລິກເຊິ່ງ ແລະ ທັງເປັນການຮັດແໜ້ນຄວາມສາມັກຄີຮັກແພງ, ໄມຕີຈິດມິດຕະພາບທີ່ດີ ລະຫວ່າງ ກົມໃຫຍ່ພະລາທິການກອງທັບ ກັບ ການນໍາເມືອງເຟືອງ ແຂວງວຽງຈັນ, ກໍຄື ກອງທັບ ກັບປະຊາຊົນ ໃຫ້ນັບມື້ຄວາມເຕີບໃຫຍ່ເຂັ້ມແຂງຢາງບໍ່ຢຸດຢັ້ງ.
ໂດຍ: ຄໍາປະສົງ ລາດຊະວົງ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
