POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນສຸກ, ວັນທີ 06 ທັນວາ 2024

ອົງຄະນະພັກໂຮງຮຽນນາຍສິບເຫຼົ່າຮົບດໍາເນີນກອງປະຊຸມໃຫຍ່ສະມາຊິກພັກ ຄັ້ງທີ I
ເວລາອອກຂ່າວ: 2024-11-08 15:52:54 | ຜູ້ຂຽນ : admin2 | ຈຳນວນຄົນເຂົ້າຊົມ: 1334 | ຄວາມນິຍົມ:

ໃນວັນທີ 8 ພະຈິກ 2024 ນີ້, ອົງຄະນະພັກໂຮງຮຽນນາຍສິບເຫຼົ່າຮົບໄດ້ດໍາເນີນກອງປະຊຸມໃຫຍ່ສະມາຊິກພັກ ຄັ້ງທີ I,ໂດຍການເປັນປະທານຂອງສະຫາຍ ພົນໂທ ຄໍາລຽງ ອຸທະໄກສອນ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບ, ມີຄະນະພັກ, ຄະນະປະຈຳພັກແຂວງ, ກົມຈັດຕັ້ງພັກ, ກົມພະນັກງານ, ກົມກອງ, ພະນັກງານ-ບຳນານ, ແຂກຖືກເຊີນ ພ້ອມດ້ວຍສະມາຊິກພັກເຂົ້າຮ່ວມ. ສະຫາຍ ພັນເອກ ພອນສະຫວັນ ສຸລິສັກ ເລຂາຄະນະພັກ ຫົວໜ້າການເມືອງໂຮງຮຽນນາຍສິບເຫຼົ່າຮົບ ໄດ້ຂຶ້ນຜ່ານບົດລາຍງານການເມືອງທັງສອງພາກເຫັນວ່າ: ຄະນະພັກໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ-ນັກຮົບໃຫ້ຮັບຮູ້, ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິຄໍາສັ່ງຂອງຂັ້ນເທິງ, ໂດຍ ສະເພາະມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດ, ມູນເຊື້ອຂອງຊາດ, ຂອງພັກ, ຂອງກອງທັບ ເຮັດໃຫ້ພະນັກງານ, ສະມາຊິກພັກ, ນັກຮົບເຊື່ອມຊຶມຢ່າງເລິກເຊິ່ງ, ມີຄວາມອຸ່ນອຽນທຸ່ນທ່ຽງເຮັດສໍາເລັດໜ້າທີ່, ມີຄວາມສາມັກຄີພາຍໃນ ແລະ ພາຍນອກຢ່າງໜັກແໜ້ນ ຕິດພັນກັບການກໍ່ສ້າງຮາກຖານການເມືອງ - ພັດທະນາຊົນນະບົດຮອບດ້ານ, ຫັນເອົາກໍາລັງລົງກໍ່ສ້າງຮາກຖານການເມືອງ ຕາມ 4 ເນື້ອໃນ 4 ຄາດໝາຍ ໄປຄຽງຄູ່ ກັບການປະຕິບັດວຽກງານ 3 ສ້າງ, ໄດ້ປະສານສົມທົບກັບອໍານາດການປົກຄອງທ້ອງຖິ່ນບ້ານຂອບເຂດກົມກອງຕັ້ງທັບເຮັດໃຫ້ພື້ນຖານມີຄວາມສະຫງົບ, ທັງໄດ້ຖືສໍາຄັນໃນການຈັດຕັ້ງສັບຊ້ອນໜ້າທີ່ພະນັກງານໃຫ້ແທດເໝາະກັບຄວາມຮູ້, ຄວາມສາມາດ ໃນຊຸມປີຜ່ານມາສ້າງຕັ້ງຄະນະພັກຮາກຖານໄດ້ 3 ຄະນະພັກ, ສ້າງຕັ້ງໜ່ວຍພັກ ໄດ້ 11 ໜ່ວຍ, ເລື່ອນສະມາຊິກພັກສຳຮອງຂຶ້ນສົມບູນໄດ້ 4 ສະຫາຍ, ຮັບມະຫາຊົນຜູ້ກ້າວໜ້າເຂົ້າເປັນສະມາຊິກພັກສຳຮອງໄດ້ 7 ສະຫາຍ, ຮຽນ ເອກະສານສະໜັບສະໜູນໃຫ້ມະຫາຊົນກ້າວໜ້າໄດ້ 13 ສະຫາຍ, ສ່ວນວຽກງານອົງການຈັດຕັ້ງມະຫາຊົນ. ໄດ້ເອົາໃຈໃສ່ຕິດຕາມ, ຊຸກຍູ້ອົງການຈັດຕັ້ງມະຫາຊົນຊາວໜຸ່ມ, ແມ່ຍິງໃນການຈັດຕັ້ງປະຕິບັດຂໍ້ແຂ່ງຂັນຊາວໜຸ່ມ 4 ບຸກ, ແມ່ຍິງ 3 ດີ. ໃນນີ້, ຈັດຕັ້ງໜ່ວຍຊາວໜຸ່ມໄດ້ 4 ໜ່ວຍ, ໜ່ວຍສະຫະພັນແມ່ຍິງໄດ້ 3 ໜ່ວຍ, ໄດ້ຊີ້ນໍາການຈັດຕັ້ງອົບຮົມ-ຫັດແອບການທະຫານ - ການເມືອງປະຈຳປີຕາມທິດຊີ້ນໍາຂອງຂັ້ນເທິງ ຕິດແໜ້ນກັບການປັບປຸງໂຄງການຫຼັກສູດການຮຽນ-ການສອນເຊິ່ງເປັນວຽກງານໃຈກາງຂອງໂຮງຮຽນ ຈາກຜົນງານດັ່ງກ່າວ ສາມາດຍາດໄດ້ຫຼຽນໄຊແຮງງານຊັ້ນ I ຈຳນວນ 1 ສະຫາຍ, ຫຼຽນໄຊແຮງງານຊັ້ນ II ຈຳນວນ 18 ສະຫາຍ, ຫຽນໄຊແຮງງານຊັ້ນ III ຈຳນວນ 15 ສະຫາຍ, ຫຼຽນໄຊພິລະອາດຫານຊັ້ນ II ຈຳນວນ 12 ສະຫາຍ, ຫຼຽນໄຊພິລະອາດຫານຊັ້ນ III ຈຳນວນ 10 ສະຫາຍ, ຫຼຽນກາແຮງງານຈໍານວນ 6 ສະຫາຍ, ໃບຍ້ອງຍໍລັດຖະບານຈໍານວນ 6 ສະຫາຍ. ນອກຈາກນີ້ ຍັງໄດ້ຊຸກຍູ້ພະນັກງານ-ນັກຮົບທໍາການຜະລິດປູກຝັງ-ລ້ຽງສັດ ເຊິ່ງປູກຜັກຊະນິດຕ່າງໆໄດ້ 1.513 ກິໂລ, ປູກໄມ້ກິນໝາກ 2.968 ຕົ້ນ, ປູກໄມ້ອຸດສະຫະກໍາ - ໄມ້ປະດັບ 3.300 ຕົ້ນ, ລ້ຽງສັດປີກປະເພດເປັດ - ໄກ່ໄດ້ 2.513 ໂຕ, ລ້ຽງປາ 2 ໜອງ, ປ່ອຍປາແລ້ວ 16.860 ໂຕ. ກອງປະຊຸມຍັງໄດ້ພ້ອມກັນໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະພັກຊຸດໃໝ່ ໃນນີ້ກອງປະຊຸມຄັ້ງປະຖົມມະລືກໄດ້ຄັດເລືອກເອົາ ສະຫາຍ ພັນເອກ ພອນສະຫວັນ ສຸລິສັກ ເປັນເລຂາ, ສະຫາຍ ພັນເອກ ຄໍາຈັນ ແສງມະນີ ເປັນຮອງເລຂາ, ສະຫາຍ ພັນເອກ ສົມພັນ ພິມມະວົງ ເປັນປະທານກວດກາ,ສະຫາຍ ພັນໂທ ຊາຍຄໍາ ເດດຕະພົນ ແລະ ສະຫາຍ ພັນໂທ ອີວ ສຸລິພອນ ເປັນຮອງປະທານກວດກາ.

news to day and hot news