ວັນພະຫັດ, ວັນທີ 05 ທັນວາ 2024
ວປກ ສ້າງຂະບວນການແຂ່ງຂັນກິລາເຕະບານມິດຕະພາບ
ເວລາອອກຂ່າວ: 2024-11-12 11:10:39 | ຜູ້ຂຽນ : admin2 | ຈຳນວນຄົນເຂົ້າຊົມ: 789 | ຄວາມນິຍົມ: 
ວັນທີ 07 ພະຈິກ 2024 ນີ້, ວິທະຍາຄານປ້ອງກັນຊາດ ໄກສອນ ພົມວິຫານ ໄດ້ຈັດກິດຈະກໍາສ້າງຂະບວນການແຂ່ງຂັນກິລາເຕະບານມິດຕະພາບ ຮ່ວມກັບ ບໍລິສັດ ລັດວິສາຫະກິດພັດທະນາກະສິກຳ-ອຸດສະຫະກຳ, ບໍລິການ ແລະ ການຄ້າ ຂາເຂົ້າ-ຂາອອກ, ເພື່ອຕ້ອນຮັບກອງປະຊຸມໃຫຍ່ອົງຄະນະພັກວິທະຍາຄານ ປ້ອງກັນຊາດ ໄກສອນ ພົມວິຫານ ສະໄໝທີ V. ຕາງໜ້າວິທະຍາຄານນໍາໂດຍ ສະຫາຍ ພົນຈັດຕະວາ ແປ້ນຄຳ ບຸດຈັນແພງ ຫົວໜ້າການເມືອງ ວປກ, ພ້ອມດ້ວຍຄະນະ, ມີສະຫາຍ ພັນເອກ ວັນທອງ ສິດທິກຸນ ຜູ້ອຳນວນການບໍລິສັດ ລັດວິສາຫະກິດພັດທະນາກະສິກຳ-ອຸດສະຫະກຳ, ບໍລິການ ແລະ ການຄ້າ ຂາເຂົ້າ-ຂາອອກ, ມີຄະນະພັກ-ຄະນະບັນຊາ, ຫ້ອງການ, ກົມກອງ, ການນໍາບໍລິສັດ ແລະ ທີມນັກກິລາທັງສອງພາກສ່ວນເຂົ້າຮ່ວມ.
ການແຂ່ງຂັນກິລາໃນຄັ້ງນີ້, ນອກຈາກຈະເປັນການຕ້ອນຮັບວັນສຳຄັນທີ່ກ່າວມາແລ້ວນັ້ນ, ຍັງເພື່ອເປັນການສ້າງຂະບວນການຂໍ່ານັບຮັບຕ້ອນວັນສະຖາປະນາ ສປປ ລາວ ຄົບຮອບ 49 ປີ ແລະ ວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 104 ປີ ໃຫ້ເຕັມໄປດ້ວຍຄວາມໝາຍສໍາຄັນອັນເລິກເຊິ່ງ ແລະ ທັງເປັນການຮັດແໜ້ນຄວາມສາມັກຄີຮັກແພງ, ໄມຕີຈິດມິດຕະພາບທີ່ດີ ລະຫວ່າງ ວິທະຍາຄານປ້ອງກັນຊາດ ໄກສອນ ພົມວິຫານ ກັບ ບໍລິສັດ ລັດວິສາຫະກິດພັດທະນາກະສິກຳ-ອຸດສະຫະກຳ, ບໍລິການ ແລະ ການຄ້າຂາເຂົ້າ-ຂາອອກ, ໃຫ້ນັບມື້ເຕີບໃຫຍ່ເຂັ້ມແຂງຢາງບໍ່ຢຸດຢັ້ງ. ໂອກາດດັ່ງ, ສະຫາຍ ພັນເອກ ວັນທອງ ສິດທິກຸນ ຍັງໄດ້ມອບເງິນອຸປະຖຳງານໃນຄັ້ງນີ້ ຈຳນວນ: 10 ລ້ານກີບ. ຕາງໜ້າກ່າວຮັບໂດຍ ສະຫາຍ ພົນຈັດຕະວາ ປອ ແກ້ວສຸວັນ ອິນທະວົງສາ ຫົວໜ້າການທະຫານ ວປກ.
ໂດຍ: ວິໄລລັກ ກາຖາຍະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
