ວັນສຸກ, ວັນທີ 13 ທັນວາ 2024
ໂຮງໝໍສູນກາງ 103 ກອງທັບ ປິດຊຸດອົບຮົມ ການຮຽນ-ການສອນ ພາສາຫວຽດນາມ
ເວລາອອກຂ່າວ: 2024-11-13 09:15:52 | ຜູ້ຂຽນ : admin1 | ຈຳນວນຄົນເຂົ້າຊົມ: 735 | ຄວາມນິຍົມ: 
ວັນທີ 7 ພະຈິກ 2024 ນິ້, ໂຮງໝໍສູນກາງ 103 ກອງທັບ ໄດ້ຈັດພິທີປິດຊຸດອົບຮົມ ການຮຽນ-ການສອນ ພາສາຫວຽດນາມ ຂັ້ນພື້ນຖານ ຊຸດທີ 7, ໂດຍການເປັນປະທານຂອງ ສະຫາຍ ພັນເອກ ຮສ ປອ ດຣ ສະແຫວງໄຊ
ດາລາສາດ ຫົວໜ້າການທະຫານ ໂຮງໝໍສູນກາງ 103 ກອງທັບ, ມີສະຫາຍ ດັງ ວັນ ຕື ອາຈານສອນຈາກສູນວັດທະນະທຳ ສສ ຫວຽດນາມ ປະຈຳ ສປປ ລາວ, ຄະນະຫ້ອງ, ພະແນກການ, ຄູ-ອາຈານ ແລະ ພະນັກງານ-ນັກຮົບ ເຂົ້າຮ່ວມ.
ໃນພິທີ ໄດ້ສະຫຼຸບການຈັດຕັ້ງ ການຮຽນ-ການສອນ ດ້ານພາສາຂັ້ນພື້ນຖານ ຂອງໂຮງໝໍສູນກາງ 103 ກອງທັບ ໂດຍອີງຕາມຄວາມຮຽກຮ້ອງຕ້ອງການ ດ້ານການຮ່ຳຮຽນພາສາຕ່າງປະເທດ ເວົ້າລວມ, ເວົ້າສະເພາະການຮຽນ-ການສອນພາສາຫວຽດນາມ ເພື່ອສ້າງບຸກຄະລາກອນໃຫ້ມີຄວາມຮູ້ ຄວາມສາມາດ ໃນການສື່ສານກັບຄະນະຊ່ຽວຊານທາງການແພດ ຂອງຫວຽດນາມ ແລະ ເພື່ອສ້າງພະນັກງານສືບທອດໃຫ້ສາມາດໄປຍົກລະດັບວິຊາສະເພາະ ຫຼື
ເຝິກອົບຮົມຕ່າງໆ ຢູ່ ສສ ຫວຽດນາມ. ເຊິ່ງການຮຽນ-ການສອນພາສາຫວຽດນາມ ຂັ້ນພື້ນຖານ ສົກປີ 2023-2024 ຊຸດທີ 7 ຄັ້ງນີ້ ມີນັກຮຽນທັງໝົດ 29 ສະຫາຍ. ຜ່ານການຮຽນ-ການສອນ ນັກຮຽນແຕ່ລະສະຫາຍ ມີຄວາມຕັ້ງໃຈສຶກສາຮ່ຳຮຽນນຳຄູ-ອາຈານ ສາມາດອ່ານ, ແປ ແລະ ສົນທະນາ ໃນລະດັບພື້ນຖານໄດ້, ສາມາດນຳໃຊ້ເຂົ້າໃນການປະຕິບັດໜ້າທີ່ວິຊາສະເພາະ ຂອງຕົນເອງໃຫ້ນັບມື້ນັບດີຂຶ້ນ. ຜ່ານການສອບເສັງນັກຮຽນ ສາມາດຍາດໄດ້ຄະແນນ 9-10 ຈຳນວນ 6 ສະຫາຍ, ຄະແນນ 7-8 ຈຳນວນ 15 ສະຫາຍ ແລະ ຄະແນນ 6 ຈຳນວນ 8 ສະຫາຍ.
ຈາກນັ້ນ, ໄດ້ຈັດຕັ້ງມອບໃບຢັ້ງຢືນ ໃຫ້ນັກຮຽນຊຸດທີ 7 ໂດຍການມອບຂອງ ສະຫາຍ ພັນເອກ ຮສ ປອ ດຣ ສະແຫວງໄຊ ດາລາສາດ ແລະ ສະຫາຍ ດັງ ວັນ ຕື.
ໂດຍ: ໂຊກທະວີ ແກ້ວບຸດຕະລາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
