ວັນຈັນ, ວັນທີ 20 ມັງກອນ 2025
ມອບ-ຮັບ ໜ້າທີ່ຫົວໜ້າການເມືອງ, ຫົວໜ້າການທະຫານ ກອງພັນ 416
ເວລາອອກຂ່າວ: 2024-12-13 09:00:30 | ຜູ້ຂຽນ : admin1 | ຈຳນວນຄົນເຂົ້າຊົມ: 716 | ຄວາມນິຍົມ: 
ວັນທີ 6 ທັນວາ 2024 ນີ້, ກອງພັນ 416 ກອງພັນໃຫຍ່ 302 ກອງພົນທີ 3 ໄດ້ຈັດພິທີມອບ-ຮັບໜ້າທີ່ ຫົວໜ້າການເມືອງ, ຫົວໜ້າການທະຫານ, ຮອງຫົວໜ້າການທະຫານ ກອງພັນ 416 ລະຫວ່າງຜູ້ເກົ່າ ແລະ ຜູ້ໃໝ່, ໂດຍການເປັນປະທານຂອງ ສະຫາຍ ພັນໂທ ຄຳອ້ວນ ວຽງສະຫວັນ ເລຂາຄະນະພັກ ຫົວໜ້າການເມືອງ ກອງພັນໃຫຍ່ 302, ມີຄະນະພັກ-ຄະນະບັນຊາ ກອງພັນ,ກອງຮ້ອຍ ທົ່ວກອງພັນ 416 ເຂົ້າຮ່ວມ.
ໃນພິທີ ສະຫາຍ ພັນໂທ ຄຳພັນ ໄຊຍະວົງສີ ຫົວໜ້າການເມືອງຜູ້ເກົ່າ , ສະຫາຍ ພັນໂທ ວຽງໄຊ ດາພັນ ຫົວໜ້າການທະຫານ ແລະ ສະຫາຍ ພັນຕີ ພູວັນ ພົມມະວົງ ຮອງຫົວໜ້າການທະຫານຜູ້ເກົ່າ, ໄດ້ຜັດປ່ຽນກັນຜ່ານບົດສະຫຼຸບລາຍງານການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຂອງຕົນ ໂດຍຫຍໍ້ຜ່ານການນຳພາ-ຊີ້ນຳ ແລະ ຈັດຕັ້ງປະຕິບັດໜ້າທີ່ວຽກງານຂອງກົມກອງໃນໄລຍະຜ່ານມາ ໂດຍປິ່ນອ້ອມຕາມ 4 ໜ້າທີ່ໃຫຍ່ 26 ແຜນງານຂອງຄະນະພັກ ກະຊວງປ້ອງກັນປະເທດວາງອອກ ເວົ້າລວມ, ເວົ້າສະເພາະ ແມ່ນສະພາບລວມທີ່ຕັ້ງພາລະບົດບາດ ລະບົບໂຄ້ງຮ່າງ ການຈັດຕັ້ງ, ການອົບຮົມຫັດແອບ, ວຽກງານການເມືອງ, ການທະຫານ ລະບົບພື້ນຖານໂຄງລ່າງ, ພາຫະນະຮັບໃຊ້ຕ່າງໆ ຂອງກົມກອງ ຕະຫຼອດໄລຍະຜ່ານມາ ແລະ ບັນດາໜ້າວຽກທີ່ຈະສືບຕໍ່ຈັດຕັ້ງປະຕິບັດໃນຕໍ່ ໜ້າໂດຍຫຍໍ້. ຈາກນັ້ນ, ກໍໄດ້ລົງນາມເຊັ່ນບົດບັນທຶກມອບ-ຮັບໜ້າທີ່ໃຫ້ ສະຫາຍ ພັນໂທ ວຽງໄຊ ດາພັນ ຫົວໜ້າການເມືອງຜູ້ໃໝ່, ສະຫາຍ ພັນຕີ ພູວັນ ພົມມະວົງ ຫົວໜ້າການທະຫານ ແລະ ສະຫາຍ ຮ້ອຍເອກ ວິລັດໄຊ ບຸດດາເຮືອນ ຮອງຫົວໜ້າການທະຫານ ຜູ້ໃໝ່ໃຫ້ສືບຕໍ່ນຳພາ-ຊີ້ນຳ ແລະ ຈັດຕັ້ງປະຕິບັດໜ້າທີ່ວຽກງານຂອງກົມກອງຕໍ່.
ໂດຍ: ພອນແກ້ວ ວິໄລສັກ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
