ວັນຈັນ, ວັນທີ 20 ມັງກອນ 2025
ຫ້ອງພະລາທິການ ກອງບັນຊາການທະຫານແຂວງໄຊຍະບູລີ ເປີດອົບຮົມ-ຫັດແອບ ປະຈຳປີ 2024
ເວລາອອກຂ່າວ: 2024-12-13 09:02:52 | ຜູ້ຂຽນ : admin1 | ຈຳນວນຄົນເຂົ້າຊົມ: 645 | ຄວາມນິຍົມ: 
ໃນຕົ້ນເດືອນທັນວາຜ່ານມານີ້, ຫ້ອງພະລາທິການ ກອງບັນຊາການທະຫານແຂວງໄຊຍະບູລີ ໄດ້ເປີດອົບຮົມ-ຫັດແອບ ວິຊາລະບຽບງົດງາມ ແລະ ສິລະປະຍຸດທະຫານຮາບ ໄລຍະສັ້ນ ໃຫ້ພະນັກງານ-ນັກຮົບ ປະຈຳປີ 2024, ໂດຍການເປັນປະທານຂອງ ສະຫາຍ ພັນໂທ ອຳໄພ ອຸ່ມສາພົນ ຮອງຫົວໜ້າຫ້ອງພະລາທິການ ກອງບັນຊາການທະຫານແຂວງໄຊຍະບູລີ, ມີຄະນະພັກ-ຄະນະບັນຊາ, ບັນດາພະແນກ, ຄູ-ອາຈານ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ສົມຮັກ ໄຊແກ້ວ ຫົວໜ້າພະແນກບໍລິຫານ ຫ້ອງພະລາທິການ ກອງບັນຊາການທະຫານແຂວງໄຊຍະບູລີ ໄດ້ຜ່ານແຜນການອົບຮົມ-ຫັດ
ແອບ ວິຊາລະບຽບງົດງາມ ແລະ ສິລະປະຍຸດ ທະຫານຮາບ ປະຈຳປີ 2024, ໂດຍເນື້ອໃນທີ່ນຳມາອົບຮົມມີ ການກຳນົດປ້າຍຊື່ ແລະ ແຜ່ນຫົວຫຼຽນໄຊຕິດປະດັບເຄື່ອງແບບ ນາຍ ແລະ ພົນທະຫານໃນກອງທັບປະຊາຊົນລາວ, ອົບຮົມລະບຽບການນຳໃຊ້ເຄື່ອງແບບຂອງກອງທັບ, ການຈັດຕັ້ງປະຕິບັດພື້ນຖານລະບຽບບຸກຄົນ, ການຮັບແຂກ ແລະການເຄື່ອນໄຫວກິດຈະກຳພາຍໃນກອງທັບ, ອົບຮົມລະບຽບບຸກຄົນມືເປົ່າ, ຫັດແອບຮູບແຖວພື້ນຖານຂັ້ນໝູ່-ກອງພັນ, ລະບຽບພິທີການໃນຮົ່ມ ແລະ ກາງແຈ້ງ, ຮູບແຖວເຄົາລົບທຸງຊາດປະຈຳອາທິດ, ປະຈຳເດືອນ ຂັ້ນກອງພັນ ແລະ ທຽບເທົ່າ, ພາກສິລະປະຍຸດທະຫານຮາບ ອົບຮົມ-ຫັດແອບ ຈັງຫວະຍິງປືນ AK 3 ທ່າ ແລະ ພາກປະຕິບັດຍິງລູກປືນແທ້. ຊຸດອົບຮົມຄັ້ງນີ້, ກໍເພື່ອເປັນການເອກະພາບຄືນບາງທິດສະດີຫຼັກການ ດ້ານວິຊາລະບຽບງົດງາມ, ລະບຽບການ, ຂໍ້ກຳນົດຕ່າງໆ ຂອງກະຊວງປ້ອງກັນປະເທດ ແລະ ສິລະປະຍຸດທະຫານຮາບ ໃຫ້ມີຄວາມເປັນເອກະພາບ, ເຂັ້ມແຂງ, ຊຸກຍູ້ໃຫ້ພະນັກງານ-ນັກຮົບ ຫັນເຂົ້າສູ່ລະບຽບແບບແຜນຂອງກອງທັບ ໂດຍສະເພາະ ແມ່ນປະຕິບັດ 7 ລະບອບ 18 ວຽກໃນມື້ໜຶ່ງຂອງກອງທັບ ໃຫ້ເຂັ້ມງວດ, ສ້າງໃຫ້ກົມກອງມີລະບຽບແບບແຜນທັນສະໄໝ.
ໂດຍ: ສົມຈີນ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
