ວັນຈັນ, ວັນທີ 17 ກຸມພາ 2025
ສະຫະພັນແມ່ຍິງ ກົມໃຫຍ່ການເມືອງກອງທັບ ຢ້ຽມຊົມຫໍພິພິທະພັນປະຫວັດສາດກອງທັບ
ເວລາອອກຂ່າວ: 2025-01-22 09:25:17 | ຜູ້ຂຽນ : admin1 | ຈຳນວນຄົນເຂົ້າຊົມ: 400 | ຄວາມນິຍົມ: 
ໃນວັນທີ 17 ມັງກອນ 2025 ນີ້, ສະຫາຍ ພັນຕີ ນາງ ມະໂນລັກ ປັນຍາທອງ ຫົວໜ້າພະແນກສະຫະພັນແມ່ຍິງ ກົມໃຫຍ່ການເມືອງກອງທັບ ໄດ້ນຳພາສະມາຊິກແມ່ຍິງທົ່ວກົມໃຫຍ່ການເມືອງກອງທັບ ເຂົ້າຢ້ຽມຊົມຫໍພິພິທະພັນປະຫວັດສາດກອງທັບ.
ສະຫາຍ ພັນຕີ ນາງ ມະໂນລັກ ປັນຍາທອງ ໃຫ້ຮູ້ວ່າ: ການນຳພາສະມາຊິກສະຫະພັນແມ່ຍິງເຂົ້າ ຢ້ຽມຊົມຫໍພິພິທະພັນປະຫວັດ ສາດກອງທັບໃນຄັ້ງນີ້ ແມ່ນເພື່ອ ສ້າງຂະບວນການຂໍ່ານັບຮັບ ຕ້ອນວັນສ້າງຕັ້ງກອງທັບປະຊາ ຊົນລາວ ຄົບຮອບ 76 ປີ, ກອງປະຊຸມຜູ້ແທນສະຫະພັນແມ່ຍິງທົ່ວກອງທັບ ຄັ້ງທີ IX ແລະ ກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ກົມໃຫຍ່ການເມືອງກອງທັບ ທີ່ຈະໄຂຂຶ້ນໃນມໍ່ໆນີ້ ໃຫ້ມີບັນຍາກາດຟົດຟື້ນ ແລະ ກວ້າງຂວາງ. ພ້ອມກັນນັ້ນ, ກໍ ເພື່ອເປັນການສຶກສາອົບຮົມໃຫ້ ສະມາຊິກແມ່ຍິງເຊື່ອມຊຶມກຳແໜ້ນຕື່ມ ເຖິງມູນເຊື້ອອັນດີງາມ ຂອງບັນພະລຸລຸດ ກໍຄື ນັກຮົບປະ ຕິວັດທີ່ໄດ້ເສຍສະລະເລືອດເນື້ອ, ອຸທິດຕົນ ເຂົ້າໃນພາລະກິດຕໍ່ສູ້ກູ້ຊາດ ຍາດເອົາເອກະລາດ ມາສູ່ປະເທດຊາດເຮົາ, ທັງເຫັນໄດ້ພາ ລະກິດປະຕິວັດ ແລະ ເສັ້ນທາງແຫ່ງການຕໍ່ສູ້ປົດປ່ອຍຊາດ, ການເສຍສະຫຼະຢ່າງສູງສົ່ງ, ຄວາມອົງອາດກ້າຫານ ແລະ ບໍ່ຍອມຈຳນົນຕໍ່ສັດຕູ ຂອງບັນດານັກຮົບປະຕິວັດລາວ, ເຊິ່ງໄດ້ກາຍເປັນມູນເຊື້ອອັນດີງາມ, ເປັນບົດຮຽນອັນລ້ຳຄາ ແລະ ກາຍເປັນແວ່ນແຍງອັນໃສແຈ້ງ ໃນການສຶກສາຄົ້ນຄວ້າຮ່ຳຮຽນເຝິກຝົນຫຼໍ່ຫຼອມຕົນເອງ ຂອງພະນັກງານ-ນັກຮົບ ກໍຄື ສະມາຊິກສະຫະພັນແມ່ຍິງກົມໃຫຍ່ການເມືອງກອງທັບ ໃຫ້ມີຄຸນສົມບັດສິນທຳປະຕິວັດ ແລະ ກາຍເປັນຜູ້ສືບທອດທີ່ດີຂອງກອງທັບ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
