ວັນພະຫັດ, ວັນທີ 20 ມີນາ 2025
ຄອບຄົວການນຳແຂວງຈຳປາສັກ ເຄື່ອນໄຫວຢ້ຽມຢາມອວຍພອນ ແລະ ມອບຂອງຂວັນໃຫ້ ກົມກອງທະຫານຊາຍແດນ
ເວລາອອກຂ່າວ: 2025-02-06 09:13:20 | ຜູ້ຂຽນ : admin1 | ຈຳນວນຄົນເຂົ້າຊົມ: 706 | ຄວາມນິຍົມ: 
ໃນວັນທີ 30 ມັງກອນ 2025, ຄອບຄົວການນຳແຂວງຈຳປາສັກ ນຳໂດຍສະຫາຍ ນາງ ວຽງສະໄໝ ສູນນະລາດ ພັນລະຍາເຈົ້າແຂວງ ແຂວງຈຳປາສັກ, ມີສະຫາຍ ພັນເອກ ສິດປະເສີດ ນວນມະນີວົງ ຫົວໜ້າການທະ ຫານກອງບັນຊາການທະຫານແຂວງຈຳປາສັກ, ຄະນະພັກ-ຄະນະບັນຊາ ກອງບັນຊາການທະຫານແຂວງ, ຫ້ອງການສະຫາພັນແມ່ຍີງແຂວງ ແລະ ສາມະຄົມນັກທຸລະກິດຍິງແຂວງຈຳປາສັກ ໄດ້ເຄື່ອນໄຫວຢ້ຽມຢາມ, ອວຍພອນ ແລະ ມອບຂອງຂວັນ ໃຫ້ກອງຮ້ອຍທະຫານຊາຍແດນ 523 ແລະ ກອງຮ້ອຍທະຫານຊາຍແດນ 524 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ.
ສະຫາຍ ນາງ ວຽງສະໄໝ ສູນນະລາດ ໄດ້ຕາງໜ້າຄະນະກ່າວສະແດງຄວາມຢ້ຽມຢາມຖາມຂ່າວຄາວເຖິງຊີວິດການເປັນຢູ່ຂອງ ພະນັກງານ-ນັກຮົບ ແຕ່ລະກົມກອງ; ສະແດງຄວາມຍ້ອງຍໍຊົມເຊີຍຕໍ່ຜົນໆງານທີ່ກົມກອງສ້າງມາໄດ້ ແລະ ກ່າວຄຳອວຍພອນໄຊອັນປະເສີດແດ່ ນາຍແລະ ພົນທະຫານ ທັງ 2 ກົມກອງ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ ຈົ່ງມີສຸຂະພາບແຂງແຮງ, ມີພາລະນາໄມສົມບູນ ສືບຕໍ່ເຮັດສຳເລັດທຸກພາລະໜ້າທີ່ອັນມີກຽດສະຫງ່າທີ່ພັກ, ລັດ ແລະ ປະຊາຊົນລາວມອບໝາຍໃຫ້. ໂອກາດດັ່ງກ່າວມອບເງິນສົດເພື່ອບູລະນະປັບປຸງກົມກອງ ກອງລະ 10.000 000 ກີບ ພ້ອມດ້ວຍເຄື່ອງອຸປະໂພກ-ບໍລິໂພກຈຳ ນວນໜື່ງ.
ໂດຍ: ສົມພອນ ພົງສະຫວັດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
